Ijeremaya 49:29 - IWE ỌNỊNỊ

²⁹ Ọ kà, à dọ wa ajẹngụ ẹnịnị ọnịrị ịsụpa ẹnịnị. À dọ wa avaba ịta ẹnẹ ẹ sị jị ajẹngụ ẹnịnị ọnịrị avaba ịsị ẹ nyị hi ịnị ajẹngụ ẹnịnị. Ọ kà, à dọ wa ịnyaakụmị ẹnịnị, dị à kà a yị wa ayịhụrịnẹ oo tu wa zị ụvọnị-ụvọnị.

Ijeremaya 49:29 ပူးပေါင်းရင်းမြစ်များ

Oyinyima 37:25

Di e ne hi ẹtẹ dị ẹ yaa rị ịsa nị. Ẹ mẹ̀ kana eyi, di e re anusoze ana vi Anisimẹrị ka ệ kụ́ ịnyaakụmị hụrẹ Igiriyadi aa vẹ nị. Ệ kụ́ ụsụ ọchị ozoza irenyi-irenyi ana katarihi ana a sịị mẹ̀ ịsa anaā dagụ ozoza dị a rẹ sịị mẹ ahọ̀nọ tụra ịnyaakụmị ẹnịnị. Ẹnịnị vị ana aa nọ Ijipiti.

Ijoovu 1:3

Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.

Ahẹ Ụgama 120:5

Ma sị dà! Ẹ̀nị ẹ tụ́ mị ka ma na ra ẹkụra Imeseki ọnịrị ịda Ikedari?

Ahẹ Ụgama 31:13

Maa wụ́ aza ọrụrụ-ọrụrụ mèe cheechee kú mị dị ẹnịnị ee chire mi angwa eyi ụvọnị-ụvọnị ẹ yaa gẹ eyi amị ka ẹnị ẹ̀ dọ mị ụhwẹ.

Ayịsaya 13:20

Aza ẹ mā vana ra ịzọọ pooro. A mā a vana nyị Anarabi ana aa ngụ ọ zizi ana vaa kụ̀ udii tụ́ ịzọọ. Aza ana aa kụ́ ịsụpaa rị ẹ yị hyakụ vaa kụ́ ịsụpa ẹnịnịị nọ ịzọọ.

Ayịsaya 60:7

Avaba atẹmẹ Anikeda ọnịrị Inebayoti vị ana vaa kụ va yị wụ anka ịsa ịsọvọ. A vaa kụ wa mẹ̀ ịsọvọ ịrẹsụ ụta Ẹnẹyịmavara, dị ọ mẹ ka ụta anị ọ nyị ụbanyị hu avọọ pooro.

Ijeremaya 10:20

Ẹ ka, ajẹngụ ẹnịnị e ku wu. Orupa anị ẹ kụ jị va ha. A raa kụ ezi ẹnịnị. Ẹ yị nyị ọza ana vọ ana vọrọ ka ò pe ẹnị kụ ajẹngụ ẹnịnị jẹẹ, dị pe ẹnị sị ịta jị ọ.

Ijeremaya 4:20

Ịrẹyị odivi ẹnyị aa mẹ vaa tụra ọsa. Asị avaba ẹkụra gara ha. Obonobono a va gara avaba ajẹngụ ọnịrị irehi ẹnịị va ha nị.

Ijeremaya 46:5

Ama Ẹnẹyịmavara ộ họ̀ ka, sị ọnị ee ré anị kẹ? Isoja Anijipiti nịnị aa hụrẹ ayịnẹ, Ẹnịnị ee zwèe vaa nọ ịrẹma.

Ijeremaya 49:24

Anịdamasịkọsị nịnị ẹ raa tụ ọkụmị, ẹnịnị ẹ sị zwe ayị maa hụrẹ wa ịnẹ. Ẹngụkata ô tù wa, ẹ sị mẹ suku-suku anka ọnyẹnẹẹ anaa barẹẹ avọọ.

Ijeremaya 49:5

Ẹnẹyịmavara kà, re, ọnị vaa kụ ayịhụrịnẹ tu wu nịnị hụrị eyi ẹnyị eyi ọsa. Avaba awụ nịnị vee zwè, ọzọza vee zwè agụvị ẹhẹ anị. Ẹ́ yị vaa nyị ọza ana vaa kụ aza awụ nịnị ene zwè na tẹ̀ẹ gụ.

Ijeremaya 6:25

Ẹnị ẹ yị kụkụ nyayịnẹ nọ ịnị aarẹ, ẹnị ẹ yị nyayịnẹ vatụra oze, agụvị ka ọnịvị ẹnịnị ẹ kụ ụhwọ tụ̀, dị ọ kụkụ vị ẹnịrị angwahi eyi ụvọnị-ụvọnị nị.

Ihabaku 3:7

Ihabaku kà ọnị ọ re ka ẹngụkata ọ raà kụ́ angwahi tù Anikusi nịnị, dị Animidiya nịnị kụ vazi hi ẹtẹ.

2 Anịkọrịntị 4:8

Ịrẹyị irenyi-irenyi ee tù yị, ama ẹ yị nyị ẹbẹẹba ayị. Ayị ayịị̄ vaa zi, ama ye yi hụrẹ eyi.

2 Anịkọrịntị 7:5

Ị mẹ̀ daka si tù Imasedoniya, yẹ yị yị nyị ẹngwọọrọ. Ịrẹyị vị ana gwẹtẹ kara yị. Aza aa zyaazị, angwahi yà ịnị ayị ẹyị.

Ọdọvịdị 6:5

Ẹnịnị àa vẹ dị ẹ kụ ịsụpa ọnịrị ajẹngụ ẹnịnị, dị ẹ rụrụ anka akụvarịva avọọ. Ọza ẹ yị zụ za wa ịrịka ẹ mẹ rụrụ ẹnẹmẹhị, di e du ẹtẹ nị.

Ọdọvịdị 7:12

Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄.

Ọdọvịdị 8:21

Ịjọnọọ dị Ịzẹba ọnịrị Izarimuna va kà a yị Igidiyọnị ka ọnị ụvọta ọ kwẹẹtẹ dị ọ wụ̀ ẹnị agụvị ka ọnị ọ zụ mẹẹ nị. Ịzẹyịza dị Igidiyọnị kwẹẹtẹ dị ọ wụ̀ wa nị. Ịjị ọ sị wa wụ̀ dị ọ ngwara ịsa ọbẹ ana yị ịnị ọrọkọ ịnyaakụmị ẹnịnị nị.

Ọdọvịdị 8:26

Ochire ụtọ ana sị igooru mẹ̀ ọnị Igidiyọnị maa nị họ̀ use anị aa nị ọ rata chee aa mẹ sị ọ tụ ịnị ịngọ. Avaba anị va na sị igooru mẹ̀. Ẹnịnị ẹ rẹ kụ ẹnya ọvị ọnịrị ịsa ọbẹ irenyi renyi beri ịta ọkatarihi ọrụrụ-ọrụrụ ọnị ohinọyị Animidiya nịnị za va kà a yị Igidiyọnị. Dị ẹ rẹ kụ ịsa ọbẹ ẹnị ẹ kụ mẹ ịnyaakụmị ẹnịnị tụ ọ yị ọ nị.