Ijeremaya 49:2 - IWE ỌNỊNỊ

² Ọ kà ụmẹ aa vẹ, ọnị ọnị vee nowu ịrẹkụ, dị ọnị mẹ ka aza ana ra ẹtẹ Ịraba ẹ̀ wụ ọ. A vaa jị ọ eburu, dị aa rị ẹkụra eweyi-eweyi ana kara a ịra zẹtẹ. Ịjọnọọ, Anisirẹrị nịnị vaa dọ ẹtẹ ẹnịnị varẹma hụụnị ụvọ aza ana dọ wa ẹtẹ.

Ijeremaya 49:2 ပူးပေါင်းရင်းမြစ်များ

2 Ịsamụwẹrị 11:1

Ịrayị mẹ̀ rẹ sị gẹ, o si tù ụmẹ oni ohinọyị nịnịị̄ sịị naa kụ̀ ịrẹkụ. Di Idevidi tụ́ Ijowabi ọnịrị aza ohinọyị ne beri avaba isoja Anisirẹrị ka ẹ̀ nọ ịrẹkụ Anamọnị nịnị, dị ẹ wụ̀ wa nị. Di isoja Anisirẹrị nịnị kụ́ na kara ẹkụra Ịraba nị. Idevidi ọnị yà Ijerusarẹmị ịjọnọọ.

Ahẹ Ụgama 48:11

Aza ana ra hi ịnị ataba ẹ̀ẹ jẹ dị aza ana ra hi ẹkụra Ijuda ẹnị ẹ̀ rẹẹ jẹ agụvị ka ịzẹyịza ụ sịị̄ mẹ̀ ọkarẹyị nị.

Ahẹ Ụgama 97:8

Ẹnẹyịmavara, Anịzayọnị ọnịrị Anijuda mẹ̀ wụ́ụ mẹ̀ mẹ aa mẹ̀ ọkarẹyị, ẹnịnị vi ana aa jẹ.

Ayịsaya 11:14

Ẹnịnị kụkụ vaa vaa bẹ dị ẹ baku Anihwirisiti. Di e nyima hụrẹ eyi ọnị ọyịị̄ zị naa ngụ ẹtẹ, dị ẹ vavọọ chaka wa na ngụ eyi ọnị ọyịị̄ zịị hụrẹ. Ẹ rẹ vaa kụ́ ịrẹkụ naa rị Anedomi ọnịrị Animowabi. Dị Anamọnị kụkụ vị ọrịhị ẹnịnị.

Ayịsaya 17:1

Ịrẹyị ene vee tù Anịdamasịkọsị yị. Ẹnẹyịmavara kà ọza ọ yị kụkụ vaa yẹ ka â nyị ẹkụra ana aa hí Ịdamasịkọsị. Ịzọọ vị ana vaa jị eburu bemi-bemi.

Ijeremaya 4:19

Ijeremaya ka, aa daa zị ọnị, ọnị ẹ yị kụkụ zụ zaa. Ayị anị ọ sị vazi, di ee ji bii-bii nị. Ọnị ẹ yị zụ sị irenu anị ku oku. Ọnị ộ wụ́ ịkakanchị ịrẹkụ; ọnị ộ wụ́ owu ịrẹkụ.

Ijeremaya 49:1

 nyị ẹkụra ana aā hị́ Amọnị. Ịrẹyị anẹkụra ọnọọ ọnị Ẹnẹyịmavara kà yị. Ẹnẹyịmavara kà, ịzị Anisirẹrị nịnị hi? Aanị ka ẹ́ yị nyị ọza ana vọrọ ka óó sere ẹtẹ Isirẹrị? Sị ẹ vẹ dị ẹ navọ ka aza anaa mẹ ori ana aā hị́ Imorẹkị ẹ̀ va ra ịnị ẹtẹ ịrẹsụ ana aā hị́ Igadi?

Ezikẹẹrị 21:20

Ọnyara vaa zụ̀ ohinọyị Ịbabịrọnị oze naa ngụ ẹkụra Anaamọnị, ana ya ẹtẹ Ịraba. Dị ọ sa na ngụ Ijerusarẹmị, ẹtẹ Ijuda.

Ezikẹẹrị 21:25

Ẹwụ ọza ọhịmị anaa mẹ ohinọyị yị Anisirẹrị nịnị aanị, ụmẹ o si tu ka wa rị ụya awụ ana vọ.

Emọsị 1:14

Agụvị avọọ Ẹnẹyịmavara kà ọnị vaa rị ọvọ ẹkụra Ịraba ọnịrị irehi ohinọyị ẹnịnị ịra. Ọnịvị ẹnịnị vị ana vaa và wa angga anka okoruwa avọọ dị ẹtẹ aa sụ́ ịrẹyị.

Ọbadaya 1:19

Anisirẹrị nịnị ene hi eyi ụvẹtẹ Ijuda ẹ vaa nyị ẹtẹ ézi Iisọ ịrẹsụ ataba nị. Ẹnị ene hi inozi iruvo ataba ẹtẹ Anihwirisiti nịnị vaa dọ ẹtẹ Ehwireemi ọnịrị Ịsamarịya nịnị. Ịbẹnjamịnị nịnị vaa dọ ẹtẹ Anigiriyadi.

Ịrịka 10:9

Ẹnẹyịmavara kà ịjị ẹ̀ẹ sị ngụ ịnị ẹtẹ ẹnịnị, dị ẹ ya nọ ịrẹkụ ọnịvị ẹnịnị nị, e hu ọ. Ịkakanchị ọnọọ vaa tama ọnị ayị ka ọnị ọ sị wa nyị ẹbẹẹba ọnịvị ẹnịnị.

Ịrịka 21:25

Dị Anisirẹrị dọ avaba ẹkụra ẹnẹẹ, dị ẹ ra ịnị avaba ẹkụra Anamọrị nịnị na vaka Ịhẹsịbọnị ọnịrị ẹkụra eweyi-eweyi ana vọ.

Iwe Ọhụhị Imosiisi ana aa hị́ Ọyịvatụrọda 13:16

Kụ́ avaba ogu anẹkụra ọnọọ gụ ịnị orere, dị a rị ẹkụra ọnọọ ịra anka ịsa ịsọvọ yị Ẹnẹyịmavara Ohomorihi awụ nịnị. A vavọọ na eburu tịtẹ pooro, asị e tenyi ọ da.

Iwe Ọhụhị Imosiisi ana aa hị́ Ọyịvatụrọda 3:11

Ọgị ohinọyị Ịbasanị ọ̀ vị ọdịrẹma ịnị evere ajịmasị anọrụ ana a hị́ Irehwayimi nị. Ịvẹẹdị anị vana a sị enyusẹ-enyusẹ mẹ̀. Ộ gọdọ ahụ ẹwụrẹta, dị ọ̀ gana ahụ ịhịnọnyị nị anka a mẹẹ mọ ụgọdọ ịjị ọnọọ. Ịvẹẹdị anị yị yịị ịnị ẹkụra Ịraba pooro tu ajịnị.

Ijosuwa 17:11

Anịmanasẹ nịnị ẹ nyị ẹkụra ẹnẹnị ene hi ini ẹtẹ Iisaka ọnịrị Aseri nịnị nị. Ẹkụra ẹnẹẹ ẹ vị: Ịbẹtị-Isani ọnịrị ẹkụra eweyi-eweyi anị, Ibiriyami ọnịrị ẹkụra eweyi-eweyi anị, Ịdọọ ọnịrị ẹkụra eweyi-eweyi anị, Ẹndọ, Itaanaki, Imegido, beri ẹkụra eweyi-eweyi ana kara wa.

Ijosuwa 17:16

Ezi Ijosẹẹhụ ka: Ịrẹsụ ataba ọnọọ ọ sị weyi yị ẹnị, ama avaba Anikenaani nịnị ana ra hi inozi ệ nyị ụkẹkẹ ịrẹkụ enyusẹ-enyusẹ. Ẹnị ana ra hi Ịbẹtị-Isani ọnịrị ẹkụra eweyi-eweyi ana kara a, ọnịrị ẹ na ra hi inozi Ijezirẹẹrị.