Ijeremaya 49:17 - IWE ỌNỊNỊ

¹⁷ Ẹnẹyịmavara kà e vee vú Edomi ẹtẹ divi-divi ana ahịka avaba aza anaa parahu dị e re e nị, ọ vaa za waa zizi, dị angwa ee hí wa.

Ijeremaya 49:17 ပူးပေါင်းရင်းမြစ်များ

1 Ohinọyị 9:8

Irehi ọnọnị vị ana vaa jị eburu. Avaba aza ana àa para hu ịzọọ di e re e nị, o vee hi wa eyi, di eyee nọ ọ ohi. Dị aza ee họ̀ use ka sị e vẹ dị Ẹnẹyịmavara maanị mẹ anẹkụra ọnọnị ọnịrị irehi ọnọnị aanị?

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 49:13

Ọ kà ọnị ụvọta o sị eku hị́ ka, ẹkụra ana aā hị́ Ibozira vaa jị eburu, di aza ee re e dị ayị aa hụrẹ wa ịnẹ. Aza vị anaa vanaa mẹ̀ ẹ isiya, dị ẹyaa sị ịrẹha anịị chìi hi aza. Avaba ẹkụra eweyi-eweyi ana kara a vị ana vaa jị eburu pooro.

Ijeremaya 50:13

Ẹnẹyịmavara kà, agụvị ayị anaa kụ ọnị, ọza ẹ́ yị ma vanaa rá Ịbabịrọnị. Vị́ á vaa jị ọ eburuu tịtẹ nị. Avaba aza anaa zị avọọ vị ọnị ọ́ vaa zaa zizi, dị o hi wa irenu.

Ijeremaya 51:37

Ẹtẹ Ịbabịrọnị vaa jị eburu dị ahịka uye ịnị avị ẹ kụkụ ra ịzọọ nị. Ịrẹyị anị vaa mẹ ayịị hụrị aza ịnẹ, ẹtẹẹtẹrẹ èe re e, dị ọ kụkụ aa nyị ọza ịhyẹrẹ. Ọza ẹ́ yị ma vana ra ịzọọ.

Ezikẹẹrị 25:13

Ọnị aa kà a booro aanị ka ọnị vaa sị ụyaa rị Edomi, dị ọnị wụ̀ aza ẹnịrị ịsụpa hụụ ịzọọ. Ọnị vaa tu ẹtẹ Edomi osusu, hụrị ịzị aā hị́ Itemani naa ngụ ịzị aā hị́ Idedanị, dị a wụ̀ aza ene hi ịzọọ eyirẹkụ.

Ezikẹẹrị 27:36

Osohu anẹkụra ana vọ nịnị vị ene venee nohi e me re wu. Ẹ ka awụ ộ ta, pooro zịna-zịna, angwa ee hi ẹnị ka asị ẹngụ ịrẹyị awụ ọnọnị ve tu ẹnị o.

Ezikẹẹrị 35:15

Avaba anẹhẹ vaa jẹ anka ẹwụ nịnị mẹ raa jẹ ẹngụkata odivi me tù aza anị, Anisirẹrị nịnị. Ataba-ataba ene hi ẹtẹ Ịsẹyị ọnịrị avaba ẹtẹ Edomi vaa tu osusu. Ịjọnọọ avaba aza vaa yẹ́ ka ọnị ọ vị Ẹnẹyịmavara nị.

Ezikẹẹrị 35:3

Ọ kà, ọnị ọ̀ ka a yị Anedomi nịnị ka ọnị Ẹnẹyịmavara Ochẹtẹẹngụ ka. Ré, ẹwụ ataba Ịsẹyị, ọnịvị awụ ọnị vị̀ nị o. Ọnị vaa tana ụvọ za wụ, dị ọnị tụ wụ osusu, dị ọnị re vu wu ẹtẹ.

Ezikẹẹrị 35:7

Ọ kà ẹkụra ene hi ịnị ataba Ịsẹyị vị ọnị ọnị vee vú ẹtẹ, dị ọnị wụ̀ avaba aza anaa zị avọọ paraahu.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Ịzẹhwanaya 2:15

Ininivẹ ịjọnọọ wáá yị? Ẹkụra ana vịdị maanị nyị ụbanyị yịị? Dị aza anị ee wo oto ka ẹnị ẹ sị ha. Ẹkụra ọnọọ ọ va sị vara eburu ịzị uye ịnị avị nịnị kụkụ ra hi aanị nị! Aza ana aa para ịzọọ hu vi ene ee nohi, di e yee ziizi ịrẹsụ kẹnẹ.

Iwe Ọhụhị Imosiisi ana aa hị́ Ọyịvatụrọda 29:22

Ezi ịrẹma awụ nịnị ọnịrị anikinami ene hi aha ene noze vee re akanya ọnịrị ụya ọnị Ẹnẹyịmavara kụ́ tu ẹtẹ awụ nịnị.