Ijeremaya 49:16 - IWE ỌNỊNỊ

¹⁶ Ẹngụ awụ nịnị ọnị waa sịị tụ ẹba, ọ sị wụ nịnị vene. Ẹ yị nyị ọza ene kuku è hí angwa awụ nịnị anka ụ me rò o nịnị. Waa na ra ịnị anaha ịrẹta nịnị, ịrẹsụ ataba. Ama Ẹnẹyịmavara kà, wàa daka na ra ẹbẹẹba huu anka inomi ana aā hị́ ọkasịmẹ avọọ, ọnị vee tura wụ nịnị hụụ ịzọọ vaa nyẹtẹ nị.

Ijeremaya 49:16 ပူးပေါင်းရင်းမြစ်များ

2 Ohinọyị 14:7

Amaziya ộ wụ̀ isoja Anedomi akawụ-akawụ oze ẹẹhị ịzị aā hị́ Inozi Anọ. Ộ dọ wa ẹkụra ana aā hị́ Isera ọ́ mẹ̀ pe wa kụ ịrẹkụ, dị ọ sị ịrẹha yọ ka ọnị ọ rị Ijokiteeri nị. Ịrẹha ọnọọ ọ rị pooro tu ajịnị nị.

Ijoovu 39:27

Ọkasịmẹ wee zi ka Ijoovu ọ̀ ka yị ọnị ka ọnị mẹ ịrẹngwẹ anị tụ́ ịrẹsụ ataba nị?

Ụhịrẹyị 16:18

Ụhị ọọ̄ nyị ọza anaā sịị ẹngụ tụ ẹba nị. Ịrẹsụ ọyị sị tụ́ ẹba vị anaā va ọza nẹtẹ.

Ụhịrẹyị 18:21

Ịrẹyị irenu ọza ọ nyị ụkata ọyị mẹ ka ọza ọ yara, dị ọ rẹ zụ wụ̀ ọza nị. Agụvị avọọ wàa ka irenu awụ ọ ma tịtẹ, ịsị ẹ̀ẹ jịnẹ vẹ ịnị anị dị ụ sị ẹngụ dọ.

Ụhịrẹyị 29:23

Ọza anaā sịị ẹngụ anị tụ ẹba vị ọnị ụhị nyị. Ama ọza ana ka ẹngụ anị chi vị ọnị a vaa sị ụbanyị yị.

Ahẹ Isoromọnị 2:14

Vị ụ sị mẹẹ anka arivadi ana tẹ ịnị anaha ịrẹta avọọ nị. Jẹẹ me re eyirẹsụ awụ ọyịza-ọyịza ọnọnị, dị ma wụ́ ọngwẹ awụ ana vavọọ hine avọọ.

Ayịsaya 10:14

Ẹ ka anẹkụra vị ana sị mẹẹ anka ịrẹngwẹ inomi avọọ. Ẹnị ệ kụ́ ogu ẹnịnị anka a mẹẹ̄ kụ́ ajẹ inomi hụụnị ịrẹngwẹ hwẹẹrẹ avọọ. Ẹ ka ẹ yị nyị ọza ana nyayịnẹ kụ̀rà ụvọ à vị ka dị ọ̀ ha irenu ka sị ẹ vẹ.

Ayịsaya 2:21

Ịhị Ẹnẹyịmavara ọ̀ọ kwẹẹtẹ di o henyi ẹhẹ nị, aza vee re ụbanyị anị dị eyee zwe naa ngụ ịnị ụtẹha ọnịrị ụsị ini eteesu ángwa òo mèe hí wa.

Ayịsaya 49:25

Ama Ẹnẹyịmavara ọ̀ kà a ka ọnị vaa va eyi ịrazị ka aza ene pe wa vụ ịrẹvụ. Ọnị vaa dọ ezi ẹnịnị hụrẹ ụvọ ọnịvị ẹnịnị ana vị anayịchama.

Ijeremaya 48:14

Ẹwụ nịnị Animowabi, sị ẹ vẹ di wee rò o nịnị ka waa da yara kụ ịrẹkụ nịnị da?

Ijeremaya 49:15

Ẹnẹyịmavara vaa tụ́ wụ nịnị ọkụmị, di aza ẹ́ yị kụkụ sị ụbanyị yị wụ nịnị.

Ijeremaya 50:29

Hị́ aza anaā sịị ọkịtaa kụ̀ ịrẹkụ ka ẹ̀ kwẹẹtẹ tu Anibabironi nịnị; Kàa ka ẹnịnị ẹ̀ ta kara wa, asị ẹ́ zẹẹ ka ọza ọnyọọnyị ò zwè. Sị wa ụta avaba ịsị ẹ vịdị mẹ. Mẹ wa anka ẹnị mẹ rẹ vịdị mẹ aza ana vọ, agụvị ka ẹnịnị ệ sị ẹngụ tụ ẹba, dị ẹ sị eyi wụ ọnị Ẹnẹyịmavara, Ohomorihi Anisirẹrị nịnị.

Ijeremaya 51:53

Ọ kà Anibabironi nịnị ẹ̀ẹ daka hịrẹ nọ ẹbẹẹba ịnị eguhi, dị ẹ́ na dà irehi tụ ịzọọ yị ẹngụ ẹnịnị ka asị á nyị ịsị ẹ mẹ̀ ẹnị nị, ọnị vị anaa ịị tụ aza dị e ne vu wa ẹtẹ.

Emọsị 9:2

Ẹnẹyịmavara kà ẹnịnị ẹ daka chị ẹtẹ dị ẹ ngụ ọ na yaa nị, ọnị vaa tụ́ wa hị́ ẹhẹ. Ẹnịnị ẹ hịrẹ na ẹbẹẹba, ọnị vaa tura wa chi vẹ ẹtẹ.

Ihabaku 2:9

Ọ yị vee zee yị aza ana kụ́ ẹnya aza na mẹ ize yị ovwoovu ẹnịnị, dị ee ro ka ẹ yị nyị ịsị e họ̀ ẹnị use.

Ịmarakayị 1:3

dị ọnị nyị ịhyẹrẹ Iisọ nị. Ọnị ọ raà mẹ̀ ka ẹkụra Iisọ ana ya ịrẹsụ ataba ọ tụ́ osusu. Dị ahịka ahaka nịnị kẹnẹ ẹ kụ́ ịzọọ ogu nị.