Ijeremaya 49:13 - IWE ỌNỊNỊ

¹³ Ọ kà ọnị ụvọta o sị eku hị́ ka, ẹkụra ana aā hị́ Ibozira vaa jị eburu, di aza ee re e dị ayị aa hụrẹ wa ịnẹ. Aza vị anaa vanaa mẹ̀ ẹ isiya, dị ẹyaa sị ịrẹha anịị chìi hi aza. Avaba ẹkụra eweyi-eweyi ana kara a vị ana vaa jị eburu pooro.

Ijeremaya 49:13 ပူးပေါင်းရင်းမြစ်များ

Oyinyima 22:16

dị ọ ka: Ẹnẹyịmavara kà ọnị ọ raà sị ẹngụ anị hị́ eku ka ọnị vaa mẹ ka ò zee yọ ịzẹyịza, agụvị ịsa ọnị ọ mẹ dị ọ yị sị ozi ọnị, ana vị ozi anị ikonya gene-gene tẹ yị ọnị.

Oyinyima 36:33

Ibera mè sú, di Ijowabi ozi Ịzẹra ana ya Ibozira dọ ọ ịrẹsụ nị.

1 Ịtọpa 1:44

Ịjị Ibera wusu, dị a sị Ijowabi ozi Ịzẹra rị ohinọyị tụ udi anị nị. Anẹkụra ana aā hi Ibozira ọ vị nị.

Ayịsaya 34:6

Ụhwọ Ẹnẹyịmavara vị ana vaa vị anyaanya, dị ụhị maanị para a. Vị ọ va sị mẹẹ anka ụhwọ ana a sị na vọ uye ịsọvọ ọnị ịdẹba ọnịrị ẹvụ ne beri ụhị ẹnịnị para hi hi ẹtẹ nị. Anẹkụra Ịbọrịza ọnịrị Edomi ọ vavọọ vaa sị mẹ̀ ịsọvọ ọnọọ nị.

Ayịsaya 45:23

Ẹnẹyịmavara kà ọnị ọ raà hị́ eku, ọnọ ẹ yị vara ayị. Avaba idunku o vee ku ẹtẹ yị ọnị nị. Avaba aza ọ vaa hẹkẹ ọnị nị.

Ayịsaya 63:1

Ẹnẹ ọnị ọnọnị vị ana hụrị Ibozira ịnị ẹtẹ Edomi aa vẹ aanị kẹ? Ẹnẹ kụ́ ẹnya ovivi chomi-chomi hí ẹngụ, di e hu ahụ ọkọọka ịnị ụbanyị ụkata anị vẹ aanị? Ẹnẹyịmavara ana hụ ọ dọ ọza ha aa vẹ vaa nọ̀ ka ọnị ọ raà nyị ehuna.

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 19:8

Ẹnẹyịmavara kà ọnị vee vú Ijerusarẹmị ẹtẹ divi-divi. Avaba aza anaa parahu vị ọnị ọ́ vaa zaa zizi óoo me hi wa irenu.

Ijeremaya 44:26

Ama booro anị, sị ụtọ pe ẹtẹ, dị wa wụ eku ọnị ọnị Ẹnẹyịmavara sị ịrẹha anị hị́ agụvị ẹwụ nịnị Anisirẹrị ene hi Ijipiti: Ọnị ẹ́ yị ma vana zẹẹ ka wa sị ịrẹha anị hị́ eku nịnị, di waa kà a ka: Waa sị Ẹnẹyịmavara ana hwọ hị́, dị ọ yàra hị́ eku nịnị.

Ijeremaya 48:24

A vaa mẹ̀ ọkarẹyị yị Anikeriyoti ọnịrị Anibozira nịnị, beri ẹkụra-ẹkụra ene hi ẹtẹ Imowabi, ẹ̀ẹ yà aha ẹnẹẹnẹ, ẹ̀ẹ va gụrị ẹtẹ.

Ijeremaya 49:22

Ọnịvị Anibozira vaa kwẹẹtẹ tu ọ anka ukokoro mẹẹ gana avaka chii vẹ vee che ịsa obonobono avọọ. Ịhị ọnọọ angwa vee hí isoja Anedomi nịnị anka ọnyẹnẹẹ anaa barẹẹ avọọ.

Ijeremaya 51:14

Ẹnẹyịmavara Ochẹtẹẹngụ, ọ raa sị ẹngụ anị hị́ eku ka, ọnị vaa mẹ aza ẹ̀ kọmị, anka ọkọnị akụvarịva avọọ, dị ẹ̀ kụ́ ịrẹkụ ve tu Ịbabịrọnị. Ẹnịnị vaa nyị ẹbẹẹba anị, dị eyee nowu.

Ijowẹrị 3:19

Ẹkụra Ijipiti ọnịrị Edomi vaa tụ́ osusu, dị ẹ jị eburu agụvị ka ẹnịnị ệ kụ ịrẹkụ tu Anijuda, dị ẹ wụ̀ aza va ha kẹnẹ-kẹnẹ nị.

Emọsị 1:12

Avọọ, Ẹnẹyịmavara kà ọnị aa sị ịra hụ́ ẹkụra ọbanyị ẹnịnị ana aa hị́ Itemani ọnịrị irehi Ibozira ohinọyị ẹnịnị.

Emọsị 6:8

Evere Ijekọvụ ẹnẹẹ e re du Ẹnẹyịmavara ayị. E re ẹngụ ẹnịnị huu ịsa ọsa, avọọ Ẹnẹyịmavara nyị ịhyẹrẹ ịsa ene ro ka ẹ vị ụkata ẹnịnị nị. Ẹnẹyịmavara Ohomorihi ọga isoja ọ raa hị́ eku ka ọnị vaa hụrẹ ẹnịnị ogu ẹnịnị ụvọ yị ọnịvị ẹnịnị.

Ọbadaya 1:18

Ezi Ijekọvụ ọnịrị ezi Ijosẹẹhụ vaa sịị mẹẹ anka ịra ana vaa rị ezi Iisọ anka ịra mẹẹ̄ rị ugugu ọchị akụ ịnị aarẹ avọọ nị. Ẹnẹyịmavara kà ẹ yị nyị ezi Iisọ ana vaa ha vụrụ-vụrụ.