Ijeremaya 48:47 - IWE ỌNỊNỊ

⁴⁷ Ama, Ẹnẹyịmavara kà, ụmẹ rẹ vanaa vẹ, dị ọnị mẹ ka bo zee yị Imowabi, dị ọọ yara. Avaba ịsa ọnị Ẹnẹyịmavara kà ọnị vaa mẹ Imowabi yi o.

Ijeremaya 48:47 ပူးပေါင်းရင်းမြစ်များ

Ijoovu 19:25

Mâ yẹ ka ọdọzaha amị yàra, ọ vaa vẹ vaa kụ̀ ịrẹkụ yị mị ịnị ọdịrẹma ịrẹyị ọnọnị.

Ayịsaya 18:7

Ụmẹ ọnya aa vẹ. Ịhị ọnọọ anẹkụra ana hụ, dị ẹngụ ẹnịnị swa ana avaba azaa hí angwa anị aanị vaa kụ́ ẹyịza vaa yị Ẹnẹyịmavara, Anẹkụra ọnị maa kà aanị vị ọnọyịha, ọza ọ yị wụ́ ẹkụra ẹnịnị. Okuha vị ana gà ẹkụra ẹnịnị hi. Ẹ vaa kụ́ ẹyịza ẹnẹẹ vẹ ịnị ataba ịzị a yà aa hẹkẹ Ẹnẹyịmavara Ochẹtẹẹngụ.

Ayịsaya 23:18

Ama ọgụ ọnị ọ̀ọ rị vị ọnị ọ vaa sịị yị Ẹnẹyịmavara. Ọza ọ yị kụkụ vaa kụ́ ọ tẹ. Aza ana ra ịda Ẹnẹyịmavara a vaa kụ́ ọgụ ẹnẹẹ naa yị nị. Dị ẹnịnị aa sị rị ịsa ẹtẹẹtẹrẹ, dị ẹ rẹ yaa sịị hị́ ịta ozozaa kú ẹngụ.

Ayịsaya 25:11

Animowabi vaa gana ụvọ anka ọza ana aa mẹrị enyi avọọ. Ama Ohomorihi vaa tẹ wa tụ́ ịrẹsụ avaba ịsị e ro ka ẹnị ẹ zụ mẹ.

Ayịsaya 45:20

Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ.

Ijeremaya 12:14

Ẹnẹyịmavara kà, aa nyị ịsị ọnị aa kà ịnị ịpa aza ana ra vahụra Anisirẹrị nịnị. Ẹnịnị ẹ sị ẹtẹ ọnị ọnị sị yị aza anị, Anisirẹrị nịnị du ha. Ọ kà, ọnị vaa kụ aza edivi ẹnẹẹ hụụnị ẹkụra ẹnịnị anka á mee hu ọchị hụrị ẹtẹ avọọ, dị ọnị dọ Anijuda nịnị hụrẹ wa ụvọ.

Ijeremaya 12:15

Ama, ọnị ọọ raa kụ wa kwooze, ọnị varẹma vaa vayị ẹnịnị. Ọnị varẹma vaa kụ anẹkụra ọzọzaa vaa vẹ eehi ẹnịnị, ịnị ẹkụra ẹnịnị.

Ijeremaya 23:20

Ẹ́ yị vaa zaa jẹ ẹ̀ yị vị ọ raa mẹ avaba ịsa ọnị ò sì ka ọnị aa mẹ. Ịjị ụmẹ oo tu avaba ịrẹyị ọnọnị vee yé aza gedebee.

Ijeremaya 30:24

Ẹnẹyịmavara ẹ́ yị vaa vàa hụụnị ọyịkụ anị ẹ̀ yị vị ọ́ raa mẹ avaba ịsị o rò ka ọnị aa mẹẹ ta. Ịhị ẹkụhị oo tu, ịrẹyị ọnọnị vee ye aza anị gedebee.

Ijeremaya 46:26

Ọ kà, ọnị vaa sị wa chire Inebukadineza, ohinọyị Ịbabịrọnị ọnịrị isoja anị enee sì wa isu ụvọ. Ama, ọ̀ọ da ku chee, aza rẹ vanaa ra Ijipiti anka ịyẹẹyẹ.

Ijeremaya 49:39

Ọ kà, ama ụmẹ aa vẹ, ọnị ọnị rẹ vana mẹ ka oo zee yị Erami.

Ijeremaya 49:6

Ama Ẹnẹyịmavara kà, ọ̀ vavẹ ịrẹma anị, ọnị vanaa mẹ ka ò zee yị Anaamọnị nịnị.

Ezikẹẹrị 38:8

Ẹnẹyịmavara kà, ịrayị ọrụrụ-ọrụrụ ọ̀ọ sị mẹ, ọnị vaa mẹ ka Ịgọgị ọ̀ kụ́ ịrẹkụ na ngụ ẹkụra ana a kụ́ aza anị và hụrẹ ẹkụra ọsa ve hi, dị ẹnịnị è yị kuku hí angwa ka ịrẹkụ wáa vẹ. Ọ vaa kụ́ ịrẹkụ naa ngụ ataba Isirẹrị ọnị ó sị ku ọnị ọ tu osusu aza mẹ hụ́ hụụnị anị. Ama aza vị ene kuku hi ịzọọ ẹngwọọrọ-ẹngwọọrọ booro aanị.

Ịdanịyẹrị 10:14

Ộ ka, ọnị ọ zị vẹ ọ yị va ka ẹ yị ọnị ịsị e ve tu aza anị ụhwọ, agụvị ka ẹtẹ ọnị re aanị ẹ yị vị ịrẹyị ọ yaanị ọ vị.

Ịdanịyẹrị 11:41

Ọ hyakụ va kụ ịrẹkụ na ngụ ẹtẹ Isirẹrị dị ọ wụ otomiroku aza ịzọọ. Ama a vaa dọ Anedomi ọnịrị Animowabi beri Anaamọnị ana vọ hụrẹẹ ụvọ.

Ịdanịyẹrị 2:28

Ọ kà, ama â nyị Ohomorihi ana ya ẹbẹẹba anaā sịị ịsa ana tẹẹ zụ aza. Ọ raà sị zụ ohinọyị Inebukadineza ịsa ana vaa mẹ ụhwọọ. Ọ kà, ẹtẹ ọnị ohinọyị ré ịnị ụra ọnị ọ raà yị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ịrịka 24:14

Avọọ ọnị aa nọ eehi, ama ọnị aa ka a ọnọ ịsa ọnị Anisirẹrị nịnị vaa mẹ aza ụhụụhwọ.

Iwe Ọhụhị Imosiisi ana aa hị́ Ọyịvatụrọda 31:29

Ọnị ọ yẹ ka ịrẹma ọnị ọnị wusu, ẹnịnị vee divi, di e yi avaba ịrẹyị ọnị ọnị ka yị wa tịtẹ. Ọ vavẹ ịrẹma ẹngụkata vee tù wa agụvị ka ệ mẹ̀ ịsa ana vị enyisi ana kụ́ Ẹnẹyịmavara ayị.

Iwe Ọhụhị Imosiisi ana aa hị́ Ọyịvatụrọda 4:30

Ụmẹ ọnị ụya aa rị wa, dị ẹngụkata ẹnẹnị ee tù wa nị, ịjọnọọ ẹ vaa varẹma ka Ẹnẹyịmavara na, dị ẹ wụ̀ chire e.