Ijeremaya 48:46 - IWE ỌNỊNỊ

⁴⁶ Ẹwụ nịnị Animowabi ẹ̀ nyarị iruwa. Asị aza anaa mẹ ori ana aā hị́ Ikemosi vú ẹtẹ o. Asị ezi anọrụ ẹnịrị ezi anẹẹ awụ nịnị za ọrịhị ne hi aha ọsa ọ.

Ijeremaya 48:46 ပူးပေါင်းရင်းမြစ်များ

1 Ohinọyị 11:7

Isoromọnị ọ na dà ịzị ẹ nẹba yi ori Animowabi ana aā nyị ọza ịhyẹrẹ. Ori ọnọọ aā hị́ Ikemosi nị. Ịrẹsụ ataba ana yà eyi ọnị ọyịị̄ zịị̄ hụrẹ Ijerusarẹmị ọ dà aha ọnọọ tụ́ nị. Avọọ ọ mẹ̀ rẹ dà ịzị nẹba tụ́ ịzọọ yị ori Anamọnị nị. Ọnị rẹ vi ori ana aā nyị ọza ịhyẹrẹ, ana a rẹẹ̄ hị́ Imorẹkị.

2 Ohinọyị 23:13

Avọọ Ohinọyị Ijosaya mẹ rẹ du aha ori irenyi-irenyi ọnị Isoromọnị dà hi ịrẹsụ ataba ene hi eyi ịzị ọyịị̄ vẹ Ijerusarẹmị akẹtẹ ataba Orivi. Ịrẹsụ ataba ẹnẹẹ a yaa hẹkẹ Asịtọrẹtị, ori ọnẹẹ Anịsayịdọnị ọnịrị Ichemosi, ori Animowabi ne beri Imorẹkị, ori Anamọnị nịnị.

Ayịsaya 16:2

Anyẹnẹẹ Animowabi ana a navọ hi ụtọ okuha Arinọnị vị ana sị mẹẹ anka inomi ana a dụ hụụnị ịrẹngwẹ anị avọọ. Ẹnịnị vị ana aa doodo zị kẹnẹ.

Ijeremaya 48:13

Ịjọnọọ dị ụhị ori Animowabi nịnị ana aā hị́ Ikẹmọọsị aa nyị wa. Avọọ ụhị mẹ nyị Anisirẹrị nịnị ẹ́ mẹ sị ayị tụra Ịbẹtẹrị nị.

Ijeremaya 48:7

Ẹ ka, agụvị ka waa sị ayị tụra aha ụkata awụ nịnị ọnịrị ogu awụ nịnị, ẹwụ nịnị nyẹmba vị ana a rẹ vaa za. Ori awụ nịnị ana aā hị́ Ikemosi vị ana za ọrịhịị nọ aha ọsa. A vaa za wa beri ohirẹsụ irehi ori ẹnịnị ọnịrị ọdọvịdị ẹnịnị.

Ịrịka 21:29

O du ku, ẹwụnị Animowabi! Awụ nịnị ọ ta, ẹwụnị anaa hẹkẹ ori Ichemosi. Ezi ewu nịnị ẹ sị vara ọrịhị tụ aha ọsa, ezi anẹẹ awụ nịnị ẹ sị vara ọrịhị Isihoni ohinọyị Anamọrị.

Ọdọvịdị 11:24

Ịjẹhwịta ọ rẹ kà a yị ọ ka, ẹnịnị ẹ sị ụvọ za ẹhwị ịsa ọnị Ikemosi, ori ẹnịnị ọọ sị yị wa. Ẹnị rẹ va sị ụvọ za ịsa ọnị Ẹnẹyịmavara Ohomorihi ẹnịnị ra sị yị ẹnị.