Ijeremaya 48:41 - IWE ỌNỊNỊ

⁴¹ Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ijeremaya 48:41 ပူးပေါင်းရင်းမြစ်များ

Ayịsaya 13:8

Ẹngụ ẹnịnị vaa sụ ẹgahị. Ụya vaa rị wa di eyee nowu anka ọnẹẹ ana aa barẹẹ avọọ. Ayị vaa hụrẹ ọzọza ịnẹ di eyi ẹnịnị ee vi ịra. Dị ẹnịnị hi ẹtẹ ee re ẹngụ kẹnẹ.

Ayịsaya 21:3

Ịrẹyị ọnị mị wụ́ m mẹ̀ vavọọ re ẹtẹ ọnọọ ộ mẹ̀ ka avaba ẹngụ ọ̀ọ zị mị. Ộ kata mị ẹngụ anka ọnẹẹ ana aa barẹẹ avọọ. Ịsị mị wụ́ ọnịrị ịsị mi re ô chire mi angwa.

Ijeremaya 30:6

Ọ kà, jẹẹ nịnị daa re, vị ọnọrụ wáá rẹẹ barẹẹ nị? Sị ẹ vavẹ dị ọnị ee re ka ọnọrụ ọzọza ẹ raa kụ ụvọ ka ọtẹ anka ọnẹẹ anaa barẹẹ avọọ? Sị ẹ vẹ dị ọzọza sị eyi vara eyihi?

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Ijeremaya 4:9

Ẹnẹyịmavara kà ịhị ọnọọ, ohinọyị nịnị ẹnịrị ẹnị ọdọvịdị vị ana ayị vaa hụrẹ ịnẹ. O vee hi ẹnị ohirẹsụ irehi Ohomorihi ẹnịrị ọnịsẹ nịnị eyi.

Ijeremaya 48:24

A vaa mẹ̀ ọkarẹyị yị Anikeriyoti ọnịrị Anibozira nịnị, beri ẹkụra-ẹkụra ene hi ẹtẹ Imowabi, ẹ̀ẹ yà aha ẹnẹẹnẹ, ẹ̀ẹ va gụrị ẹtẹ.

Ijeremaya 49:22

Ọnịvị Anibozira vaa kwẹẹtẹ tu ọ anka ukokoro mẹẹ gana avaka chii vẹ vee che ịsa obonobono avọọ. Ịhị ọnọọ angwa vee hí isoja Anedomi nịnị anka ọnyẹnẹẹ anaa barẹẹ avọọ.

Ijeremaya 49:24

Anịdamasịkọsị nịnị ẹ raa tụ ọkụmị, ẹnịnị ẹ sị zwe ayị maa hụrẹ wa ịnẹ. Ẹngụkata ô tù wa, ẹ sị mẹ suku-suku anka ọnyẹnẹẹ anaa barẹẹ avọọ.

Ijeremaya 50:37

Ọ kà, è vu avaba umaata ẹnịnị ọnịrị ụkẹkẹ ịrẹkụ ẹnịnị ẹtẹ. À wụ̀ avaba isoja ọzọga ẹnẹ ẹ na kụ hụrị aha ọsa vẹ va ha, ẹnịnị ẹẹ da vị ọkụmị kẹnẹ. È du avaba ogu ẹnịnị ha beri avaba ịsa ẹnẹ ẹ sị ụkata-ụkata na kụ hụrị aha ọsa avọọ.

Ijeremaya 50:43

Ịjị ohinọyị Ịbabịrọnị wụ́ ịrẹyị aza ẹnẹnị, ụvọ anị ee wusu za ẹngụ. Ẹngụkata ọọ sụ̀ ọ ẹngụ, dị ee rimanya anka ọnẹẹ anaa barẹẹ avọọ nị.

Ijeremaya 51:30

Isoja Anibabironi ẹ yị kụkụ kụ ịrẹkụ. E ne sì hi ịnị irehi ọnị isoja nịnị yaa sere ẹtẹ. Ẹnịnị ẹ yị kụkụ nyị ọtụtụrụma, vị ẹ kụkụ sị mẹẹ anka anyẹnẹẹ avọọ nị. A sị oze ọbanyị ana aā zị vaa ngụ ịnị ẹkụra gara ha, irehi ẹnịnị aa rị ịra.

Ijeremaya 6:24

Dị Anijerusarẹmị nịnị ka, ẹnị ệ vavọọ wụ ọ, dị ẹngụ ẹnịnị wusu nị. Ayịhụrịnẹ ọ sị ẹnị za va hi ẹtẹ, dị ẹnị ee rimanya anka ọnẹẹ ọnị ịrẹẹ aa zị avọọ nị.

Emọsị 2:2

Agụvị avọọ ọnị vaa sị ịra du ẹtẹ Imowabi ha, dị ọnị rị avaba irehi ohinọyị ẹnịnị ana ya Ikeriyoti ịra va ha. Owu ịrẹkụ vị ana vaa dọ ẹtẹ, dị ọnịvị ẹnịnị ee hú ịkakanchị ẹ maa wụ́ Animowabi nịnị vaa ha.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.