Ijeremaya 48:37 - IWE ỌNỊNỊ

³⁷ Avaba ẹnịnị ẹ́ sị ịrẹsụ ẹnịnị ọnịrị ịrẹwa ẹnịnị kụ́ hụyẹ-hụyẹ. Avaba ụvọ ẹnịnị vị ẹnẹ tọ̀ ụnava chọ̀vọ-chọ̀vọ, dị ọzọza kụkụ vụ ịta suku-suku nị.

Ijeremaya 48:37 ပူးပေါင်းရင်းမြစ်များ

Oyinyima 37:29

Ịjị Irubẹnị ọnị varẹma nọ ịnị ịkangga ọnọọ ka oni ò ne hee Ijosẹẹhụ, o yi kuku re e ịzọọ. Dị ọza awuru anị, dị ọ na a.

Oyinyima 37:34

Di Ijekọvụ za awuru anị dị ọ na a, dị ọ chire ịta orere, di o jị òrèrè Ijosẹẹhụ mẹ ẹkụhị ọrụrụ-ọrụrụ nị.

1 Ohinọyị 18:28

Ẹnịnị ê nowu hị́ Ịbaarị, di ẹ yaa sị ọha ọnịrị ụhwọ na ẹngụ ẹnịnị anka ẹ mẹ̀ yịị mẹ nị. Ệ na ẹngụ ẹnịnị ne tù ka aa vàa kú wa ẹngụ.

1 Ohinọyị 21:27

Ahabị mẹ̀ maanị wụ́ ịrẹyị ẹnẹnị, dị ọ za ịta anị dị ọ nà a nị. Dị ọ sị ịta kú ẹngụ ọ́za oni oku sú avọọ, dị aa ba awẹ, dị ọ hụtụ tụ́ ịnị atịtọ nị. Di ahịka vị ọ kụkụ aa zi siisii nị.

2 Ohinọyị 6:30

Ịjị ohinọyị wụ́ ịrẹyị ọnẹẹ ọnọnị, ộ na awuru hi ẹngụ anị ẹngụ; ka ịrẹsụ ọvọ ọ ya aa zị ụsẹ nị, ộ mẹ̀ ka aza è re ka awuru arụwẹ o chire tu ịnịnẹ ẹnya oni o ku hi ẹngụ nị.

1 Ịtọpa 19:4

Ihanuni ộ za aza oni Idevidi tụ ụtụ aanị dị ọ̀ kụ́ wa ịrẹwa, dị ọ dà wa ịta ịpa iruvo ẹnịnị, dị ọ dụ wa nị.

Ayịsaya 20:2

Ụmẹ ọnọọ Ẹnẹyịmavara ọ raa kà ịrẹyị yị Ayịsaya ozi Amozi Ọ kà ọ̀ ngwa ịta arụwẹ oni o si kú ẹngụ tịtẹ, dị ọ̀ rẹ ngwa adava anị hi ẹtẹ. Ịzẹyịza di Ayịsaya ngwa wa hi ẹtẹ, dị ọ kụkụ tụ́ ahwaahụ dị ọ sị ahụ osusu aa zị nị.

Ayịsaya 3:24

Eturare e vịdị sii sisi ẹngụ nị, ama ẹngụ ẹnịnị kụkụ vaa ngụ agụ odivi. Ẹnịnị ẹ yị kụkụ vaa sị ịbanụ za ọtẹ, ama ẹda ana a sị tụ́ ọrịhị avọọ ẹ vanaa sịị za ọtẹ nị. Ẹyị ẹnịnị ene vịdị nyị ọyịza-ọyịza vaa ta, dị ẹ kụkụ kụ́ ọmarị. E yi kuku vee re ịta ozozaa kú ẹngụ, ụsẹ ẹ vanaa za nị. Ọvị ẹnẹ ẹ vịdị aa mẹ avọọ, ụhị ọ vanaa dọ ọ ịrẹsụ nị.

Ayịsaya 37:1

Ịjị Ihezekaya ohinọyị wụ́ enube ẹnịnị kẹnẹ, dị ộ na awuru anị, dị ọ sị achị anaā sịị zị ẹngụ chẹrẹ, dị ộ nọ irehi Ẹnẹyịmavara Ohomorihi nị.

Ijeremaya 16:6

Ọza ọbanyị ọnịrị onuruwa ene hi ịnị ẹtẹ ọnọnị vene vee súu ha, ama ẹ́ yị nyị ọza ene vee ne wa; ẹ́ yị nyị ọza ana vaa zị ẹngụ ẹnịnị. Ẹ́ yị nyị ọza ana vaa hụvị ẹnịnị tọ ẹngụ anị ụnava avịka ẹ̀ hụvị ẹnịnị kụ ịrẹsụ ẹnịnị ka vị ẹnị ee du ayị nị.

Ijeremaya 41:5

â nyị aza ẹnị ẹbẹẹna ana hụrẹ ẹtẹ Ịsẹkẹmị, Isiro ọnịrị Ịsamarịya vẹ. Ẹnịnị vị ana kụ́ ịrẹwa ẹnịnị, dị ẹ na awuru hi ẹngụ ẹnịnị ẹngụ, dị ẹ́ rẹ tọ̀ ẹngụ ụnava nị. Ệ kụ apaapa ọnịrị eturare aa vaa mẹ̀ ịsọvọ ịnị irehi Ohomorihi.

Ijeremaya 47:5

Ịrẹyị ayodu ana banyị ộ ka Anigaza vẹ. Anẹkụra ana aā hị́ Asikeroni vị ana vaa tịtẹ sisisi. Ịzị Anihwirisitiya ana vọ vaa maanị sụ ùnè nee tu da?

Ijeremaya 49:3

Ẹwụ nịnị Anihesiboni, wa jị òrèrè boro-boro nịnị! Asị ẹkụra ana aā hị́ Ayị vú ẹtẹ o! Ẹwụ nịnị ana ra hi Ịraba, waa jị òrèrè boro-boro nịnị. Waa zị ẹngụ nịnị di wa kụ́ ịta suku-suku hi ẹngụ nịnị. We zwèe zịịzị nịnị agụvị ka wẹ yị yẹ ịsị aa mẹ nịnị. A vaa sị ori awụ nịnị Imorẹkị beri ohirẹsụ irehi anị, ori ẹnị ọdọvịdị anị naa tụ ẹkụra ọsa.

Ezikẹẹrị 27:31

Ẹ vaa hụ agụvị awụ nịnị dị ẹ kụ́ ịrẹsụ ẹnịnị hworo-hworo, dị ẹ kụ ịta kẹnẹ-kẹnẹ hi ẹngụ. Ẹnịrị ayodu ọ vaa vị ẹẹẹ maa jị òrèrè nị.

Ezikẹẹrị 29:18

Ozi-ọza, ohinọyị Inebukadineza ộ kụ́ ịrẹkụ ne tu Anitaya nịnị. Ộ mẹ ka isoja anị nịnị ẹ̀ za ẹnya ọrata-ọrata pooro, ịrẹsụ ẹnịnị ọ́ raà kụ́ ọmarị, dị ịza ẹnịnị hụ̀ parapara nị. Ama ohinọyị ọnịrị aza anị ẹ́ yị va nyị ịsa ọnyọọnyị hụụnị avaba akanya ẹnẹ ẹ maanị mẹ.

Ezikẹẹrị 7:18

Avaba ẹnịnị vaa và ịta suku-sukuu ku ẹngụ, dị angwahi ta ngụ wa ẹngụ. Ẹnịnị vaa kụ́ avaba ịrẹsụ ẹnịnị anka ọza ana nyị ọmarị avọọ, dị a mẹ̀ ụhị nyị avaba ẹnịnị.

Ireevi 19:28

À sị ẹ zị ẹngụ ọza ene sú nini pooro dị ẹ̀ naa sị ịsaa tọ̀ ẹngụ ẹnịnị ụnava. À sị ẹ́ tụ ẹsa hi ẹngụ nịnị o.

Emọsị 8:10

Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ.

Imika 1:16

Ọ kà a kụ́ ịrẹsụ ẹnịnị ana sị zụ̀ ka ẹ yaa zị ẹngụ ezi ẹnịnị ene e sì ịrẹyị anị. Ẹnịnị ẹ kụ́ ịrẹsụ ẹnịnị hwoohworo anka ụba avọọ. Avaba ezi ẹnịnị vị ọnị ịrẹkụ vaa kụ́ụ nọ aha ọsa.

Ịmaakị 5:5

Ịrahụ ọnịrị ọọdụ dị aa ngụ ịrẹsụ ataba ọnịrị ọgaanya zịịzị, dị eē nowu, dị aā sị ịrẹtaa na ẹngụ anị.

Ẹtore 11:3

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).