Ijeremaya 48:28 - IWE ỌNỊNỊ

²⁸ Ẹwụ nịnị ana ra hi ẹtẹ Imowabi, zwe hụrẹ ẹkụra awụ nịnị dị wa na tẹ̀ hi ịnị akakana ịrẹta nịnị. Sị́ mẹmẹ nịnị anka arivadi ana na mẹ ịrẹngwẹ anị tu irenu ụtẹha avọọ.

Ijeremaya 48:28 ပူးပေါင်းရင်းမြစ်များ

Oyinyima 8:12

Inowa ọ jị jẹẹ mẹ̀ ẹkụhị ịhịmba tụ́ ọ, dị ọ rẹ tụ́ arivadi ọnọọ nọ ẹhẹ nị. Ama ọ yị vana vavẹ ịda anị.

Ahẹ Isoromọnị 2:14

Vị ụ sị mẹẹ anka arivadi ana tẹ ịnị anaha ịrẹta avọọ nị. Jẹẹ me re eyirẹsụ awụ ọyịza-ọyịza ọnọnị, dị ma wụ́ ọngwẹ awụ ana vavọọ hine avọọ.

Ayịsaya 2:19

Ịhị Ẹnẹyịmavara ọ̀ọ vẹ, o vee henyi ẹhẹ. Aza vee re ụbanyị anị, di eyee zwe naa ngụ ịnị ụtẹha ọnịrị ụsị ini eteesu, ángwa òo mèe hí wa.

Ijeremaya 48:9

Ọgụvọ anaa zụ mẹ yị Imowabi, à mẹ̀ ẹ yị ọ, agụvị ka ka a vaa jị ọ eburu. Ẹkụra-ẹkụra ene hi ịnị anị vaa tụ osusu, dị ẹ́ yị nyị ọza ana kụkụ ra ịnị ẹnịnị.

Ijeremaya 49:16

Ẹngụ awụ nịnị ọnị waa sịị tụ ẹba, ọ sị wụ nịnị vene. Ẹ yị nyị ọza ene kuku è hí angwa awụ nịnị anka ụ me rò o nịnị. Waa na ra ịnị anaha ịrẹta nịnị, ịrẹsụ ataba. Ama Ẹnẹyịmavara kà, wàa daka na ra ẹbẹẹba huu anka inomi ana aā hị́ ọkasịmẹ avọọ, ọnị vee tura wụ nịnị hụụ ịzọọ vaa nyẹtẹ nị.

Ijeremaya 49:8

Ẹnẹyịmavara kà, ẹwụ nịnị Anidedani, vareyi wee zwè, dị wa ne tẹ̀ nịnị, ka ụmẹ o si tu ka ọnị ọ̀ sị ụya rị evere Iisọ, ọnị vee vụ wa ẹtẹ.

Ọdọvịdị 6:2

Agụvị ka Animidiya nịnị aa chamayị yị wa di e zwe na tẹ̀ ịnị ataba ọnịrị ụtẹha nịnị nị.

1 Ịsamụwẹrị 13:6

Ịjị Anisirẹrị re ka ịrẹyị ọkatẹngụ ộ vẹ, dị ọnịvị ee vee huna isoja ẹnịnị, di e si zwe na te ịnị ụtẹha ọnịrị ịnị ẹchịchị nị. Aza ẹnyị vị ene zwe na tẹ̀ ịnị anaha ịrẹta ọnịrị imisi.