Ijeremaya 48:27 - IWE ỌNỊNỊ

²⁷ Ẹwụ nịnị Animowabi, wáá tamayị nịnị ụ́ mẹmẹ mẹ Anisirẹrị nịnị isiya? Dị waa mẹ wa nịnị èee rere za ẹnịrị oyi nịnị avọọ.

Ijeremaya 48:27 ပူးပေါင်းရင်းမြစ်များ

Ijoovu 16:4

Ijoovu ka ọnị ọ̀ọ ya udi anị ọnị ọ rẹ zụ tụ ọ ohuvọ.

Ahẹ Ụgama 44:13

Anokokooro ayị vi ene kuku ee nyị yi unyi dị ẹyaa mẹ yị isiya.

Ahẹ Ụgama 64:8

Ohomorihi vaa mẹ ka ịrẹyị ẹnị ẹ kà ọ̀ và ka wa na, dị ahịka oni vú wa ẹtẹ nị Aza ene èe re wa vee henyi ịrẹsụ, di ee nyị wa unyi.

Ahẹ Ụgama 79:4

Anokokooro ayị ana ra kara yị vị ana kụkụ aa sị yịị mẹ̀ isiya, di e yee nyị yi unyi.

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 2:26

Ẹnẹyịmavara kà ụhị mee nyị oyi àa sị ọ za avọọ, avọọ ụhị mẹ vaa nyị avaba Anisirẹrị nịnị ẹnịrị ohinọyị ẹnịnị, ọdọvịdị ẹnịnị, ẹnị ohirẹsụ irehi Ohomorihi beri ẹnị ọnịsẹ ẹnịnị nị.

Arụwẹ 1:12

Ẹ yaa hị́ avaba aza anaa parahu ẹ maa jị òrèrè. Ẹ ka, “Ọzọza o re ịsị Ẹnẹyịmavara sị ẹnị mẹ̀. Ẹ yị nyị ọza ana maanị rị ẹngụ ụya ọnị ẹnị rị aanị da”. Ẹnẹyịmavara vị ana sị ọyịkụ-ọyịkụ sị sị ụya rị ẹnị.

Arụwẹ 1:7

Anijerusarẹmị maa rị ụya, ẹ kụkụ aa tamayị ẹhẹ ọyịza-ọyịza ene ẹnị ra ịyẹẹyẹ. Ịjị ụvọ ọnịvị ẹnịnị ku wa, ẹnịnị e yi re ọza va gụ wa ụvọ, dị ọnịvị ẹnịnị kụkụ è nyị wa unyi nị.

Ezikẹẹrị 25:8

Ẹnẹyịmavara Ananyịwa kà, Animowabi nịnị ệ kà a ka, Ijuda ọnịrị ẹkụra-ẹkụra ana vọ ẹ sị vị ọnyọọnya,

Ezikẹẹrị 35:15

Avaba anẹhẹ vaa jẹ anka ẹwụ nịnị mẹ raa jẹ ẹngụkata odivi me tù aza anị, Anisirẹrị nịnị. Ataba-ataba ene hi ẹtẹ Ịsẹyị ọnịrị avaba ẹtẹ Edomi vaa tu osusu. Ịjọnọọ avaba aza vaa yẹ́ ka ọnị ọ vị Ẹnẹyịmavara nị.

Ezikẹẹrị 36:2

ọnị Ẹnẹyịmavara Ochẹtẹẹngụ tụ́ hi wa ka: ọnịvị Anisirẹrị nịnị ee wo oto ka ataba ịyẹẹyẹ ẹnẹẹ, ẹ́ sị vị ẹẹnịnị.

Ezikẹẹrị 36:4

Avọọ, ẹwụ nịnị ataba ẹbanyị ọnịrị eweyi ene hi Isirẹrị ẹ̀ wụ ịsị ọnị ọnị Ẹnẹyịmavara aa kà. Ẹwụ nịnị okuha ọnịrị inozi ẹ̀ wụ. Ẹwụ nịnị aha ana á raa jị eburu ọnịrị ẹkụra-ẹkụra ana a raa tụ osusu, dị anẹkụra ana kara wụ nịnị raa kụ́ ụ nịnị ẹnya, ẹ̀ sị ụtọ pe ẹtẹ

Ịzẹhwanaya 2:10

Ẹnẹyịmavara vaa vavọọ mẹ̀ ẹ yị wa agụvị ka ẹnịnị aa sị ẹngụ tụ ẹba, dị ẹ rẹ ya kụ̀ aza anị ụhụ nị.

Ịzẹhwanaya 2:8

Ẹnẹyịmavara kà ọnị ô wụ avaba ụhụ ọnịrị isiya ọnị Animowabi ọnịrị Anamọnị aa mẹ̀ aza anị. Ẹ hyakụ ee wo oto ka ẹnị a dọ Anisirẹrị ẹtẹ.

Imatiwu 26:55

Dị Ijeesu kà a yị wa ịnị ụmẹ ọnọọ ka, “Ẹmị ụ kụ́ ụhwọ ọnịrị arubebe aa vaa za nịnị anka oyi avọọ nịị? Eyinị-eyinị ẹmịrị ẹwụ nịnị ộ yà ini irehi Ohomorihi, dị maa zụ̀ wụ nịnị ịsa nị, wẹ yị za mị nịnị.

Imatiwu 27:38

Ẹ rẹ kanyị oyi ẹẹva za apavahị; ọnyara yà eyi ụvọrị anị, dị ọsa rẹ yà eyi ụvọha anị nị.

Imatiwu 7:2

Ẹngụ ọkarẹyị ọnị ụ wàa mẹ yị aza, Ohomorihi rẹ vaa mẹẹ yị ẹwụ nị. Ịsị ụ wàa sị mọ ịsa yị ọza, a rẹ vaa sị mọọ yị wụ nịnị nị.