Ijeremaya 48:15 - IWE ỌNỊNỊ

¹⁵ Ohinọyị ana aā hị́ Ẹnẹyịmavara Ochẹtẹẹngụ ka, ẹtẹ Imowabi ọnịrị avaba ẹkụra ene hi ịnị anị vị enee vee vú ẹtẹ. Ezwọọmụha ọyịza-ọyịza ene hi ịzọọ vị ana vaa wụ̀ ha.

Ijeremaya 48:15 ပူးပေါင်းရင်းမြစ်များ

Ahẹ Ụgama 47:2

 nyị ka ọza òo hí angwa Ẹnẹyịmavara ana nẹba hu keekere Ọnị ọ vị ohinọyị ọbanyị ana nyị avaba ẹhẹ nị.

Ijeremaya 46:18

Ẹnẹyịmavara Ochẹtẹẹngụ ka, ọnị ọ vị ohinọyị nị. Ọ kà ọza ana kụ ịrẹkụ ee vee tu wu nịnị vị ana vaa nyị ụkataa hu wu nịnị anka ataba Ịtaabọ mẹ nẹba huni ataba ana vọ. É vee huna wụ nịnị anka ataba Ịkamẹrị mẹ dà jịnẹ oku avọọ nị.

Ijeremaya 48:4

Asị Imowabi vú ẹtẹ. Waa wụ ezweyi maa jị òrèrè.

Ijeremaya 50:27

Wụ avaba isoja ẹnịnị và ha. Anibabironi nịnị ẹ sị da, ka ụmẹ o si tu ka ẹnịnị ẹ̀ rị ụya.

Ijeremaya 50:34

Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Ijeremaya 51:40

Ọ kà ọnị vaa sị wa ka à na wụ̀ wa anka ozi atẹmẹ nịnị avọọ, dị a wụ̀ wa anka ẹvụ ọnịrị ịdẹba nịnị avọọ.

Ijeremaya 51:57

Ọnị vaa kà ọdọvịdị ẹnịnị ọnịrị aza ana yẹ ịrẹyị hị́ ịzọọ eche. Ọnị vaa kà Ịgọvọnọ ẹnịị ọnịrị isoja ẹnịnị eche. Ẹnịnị vanaa sụ̀ dị ẹ́ yị ma vanaa ha kwẹẹtẹ. Ọnị ohinọyị ọ kà avọọ nị. Ịrẹha anị ọ rị Ẹnẹyịmavara Ochẹtẹẹngụ nị.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Emọsị 4:10

Ẹnẹyịmavara kà ọnị va kụ́ ẹngụkata ene tu Anijipiti tu wa. Dị ọnị wụ ezwọọmụha ọnịrị umaata ẹnịnị ha oze ịrẹkụ. Di oku ẹnịnị ana vụ aa da agụ hị́ wa ịzị ẹ̀ ya. Ama ẹnịnị ẹ yị va hụvị avọọ ro ịnẹ dị ẹ va ka ọnị vẹ.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ịmarakayị 1:14

Ẹnẹyịmavara kà e yi ve zoza yị ọza ana mẹ ọza rị. Ọza ana nyị ịsụpa araka ozoza ana vọrọ ka ọ sị vaa mẹ̀ ịsọvọ, ama dị ahịka ene divi ọ sị va yị ọnị Ananyị yị nị. Ẹnẹyịmavara Ochẹtẹẹngụ ka ohinọyị ọbanyị ọnị avaba anẹhẹ ee hí angwa anị ọnị vị nị.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”