Ijeremaya 48:14 - IWE ỌNỊNỊ

¹⁴ Ẹwụ nịnị Animowabi, sị ẹ vẹ di wee rò o nịnị ka waa da yara kụ ịrẹkụ nịnị da?

Ijeremaya 48:14 ပူးပေါင်းရင်းမြစ်များ

Ahẹ Ụgama 11:1

Wáá yẹ ka Ẹnẹyịmavara mị sị ayị tụra nị? Ụ́ mẹmẹ zụ kà ka mee zwee nọ ịnị ataba anka inomi avọọ?

Ahẹ Ụgama 33:16

Vị isoja mẹ̀ sị rụrụ, ohinọyị sị rị ịrẹkụ Ộ! vị ụkata isoja ọ zụ mẹ ka asị ịrẹkụ rị ọnị.

Ịrẹyị Ọzwọzịsa 9:11

Ọzwọzịsa ka aa nyị ịsị ọsa ọnị ọnị re re: ịnị ẹhẹ ọnọnị ẹ yị vị ọza ana rẹ́ hu ọọ sị ọvịdị èe ne zwe eehi, dị ẹ̀ yị rẹ vị ọza ana kata hu ọọ nyị ẹbẹẹba aa nọ ịrẹkụ nị. Ẹ yị vị ịrẹyọyẹ baaba ọza sii re ịsaa rị, dị ẹ̀ yị vị ọza mẹ sị yẹ ịrẹyị ẹhẹ sịị mẹ yị ọza nị. Ẹ yị vị ọza ana yẹ a mẹ mẹẹ mẹ̀ ịsa hu oo ree mẹ hu. Ama ẹhẹ vanaa mẹ yị ọza kẹnẹ. À kà ka ọza ọ̀ yà aha ana vọrọ ịnị ụmẹ ana vọrọ.

Ayịsaya 10:13

Anasiriya aa kà a ka ụkata ẹngụ ẹnịnị ọnịrị ịrẹyọyẹ ẹngụ ẹnịnị ẹnị vavọọ sị nyị ehuna ẹkụra nị. Ẹ ka ẹnị ẹ nyị ụkata ẹnị ẹnị sị za ohinọyị anẹkụra dị ẹnị kụ́ ogu ẹnịnị nị.

Ayịsaya 10:16

Agụvị irenu ẹnị ẹ maanị nyị aanị, Ẹnẹyịmavara Ochẹtẹẹngụ vaa sị ụkụ za isoja ẹnịnị ana ta dẹngụ. Ẹngụ ẹnịnị vaa ka ịra anka ịra ana ka dị a za giri-giri avọọ

Ayịsaya 16:6

Anijuda ka ẹnị ệ vịdị yẹ Animowabi mẹmẹẹ mẹ eyi. Vị ọ nyayịnẹ ẹ mẹ eyi ẹnẹmẹhị nị. Ama irenu osusu kẹnẹ ẹ vavọọ nyị nị.

Ijeremaya 49:16

Ẹngụ awụ nịnị ọnị waa sịị tụ ẹba, ọ sị wụ nịnị vene. Ẹ yị nyị ọza ene kuku è hí angwa awụ nịnị anka ụ me rò o nịnị. Waa na ra ịnị anaha ịrẹta nịnị, ịrẹsụ ataba. Ama Ẹnẹyịmavara kà, wàa daka na ra ẹbẹẹba huu anka inomi ana aā hị́ ọkasịmẹ avọọ, ọnị vee tura wụ nịnị hụụ ịzọọ vaa nyẹtẹ nị.

Ijeremaya 8:8

Ọ kà, ụ mẹ mẹ zụ kà a ka waa yẹ ịrẹyị nịnị, ọnịrị ka waa yẹ ọda anị nịnị? Re, ọzwọzọda nịnị ẹ raa sị irikichi vara ọda anị.

Ijeremaya 9:23

Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Ezikẹẹrị 30:6

Ẹnẹyịmavara kà avaba aza anaa kụ ịrẹkụ yị Ijipiti hụrị Imigidori eyi ẹbẹẹba ne ngụ Asiwanị eyi-ụvẹtẹ vị ana a vaa wụụ ha eyi ịrẹkụ. Isoja ọnị Anijipiti e sii wùu zị avọọ, vị ene e vee vú ẹtẹ. Ọnị Ẹnẹyịmavara Ochẹtẹẹngụ ọ sị ọ ka.

Ịzẹhwanaya 2:10

Ẹnẹyịmavara vaa vavọọ mẹ̀ ẹ yị wa agụvị ka ẹnịnị aa sị ẹngụ tụ ẹba, dị ẹ rẹ ya kụ̀ aza anị ụhụ nị.