Ijeremaya 46:7 - IWE ỌNỊNỊ

⁷ Ẹnẹyịmavara kà, ẹnẹ maanị aa jị ayị anka irehu ana aā hị́ Ịnayịrị avọọ aanị? Dị aa jị ayị anka irehu anaa ka jịnẹ ụtụụtọ anị avọọ?

Ijeremaya 46:7 ပူးပေါင်းရင်းမြစ်များ

Ahẹ Isoromọnị 3:6

Sị ẹ́ hụụnị ụnọmị aa hịrẹẹ vẹ anka areyi ọbanyị anaa dá avọọ kẹ? Avaba ẹngụ anị aa dagụ kwẹ̀ẹ̀ yị eturare ana aā hị́ ihwirankisesi ọnịrị ịmaya ana á hị́ hụụnị ụvọ osohu nịnị avọọ

Ahẹ Isoromọnị 8:5

Ẹnẹ maanị jị ụvọ chire ọza ọnị ó sì ịrẹyị anị hụụnị ụnọmị aa vẹ aanị? Mâ ha wụ hụnị ara iruvo ọchị apụrụ. Ịzọọ ọnyị awụ yá barẹẹ awụ di ọ́ ma wu nị.

Ayịsaya 63:1

Ẹnẹ ọnị ọnọnị vị ana hụrị Ibozira ịnị ẹtẹ Edomi aa vẹ aanị kẹ? Ẹnẹ kụ́ ẹnya ovivi chomi-chomi hí ẹngụ, di e hu ahụ ọkọọka ịnị ụbanyị ụkata anị vẹ aanị? Ẹnẹyịmavara ana hụ ọ dọ ọza ha aa vẹ vaa nọ̀ ka ọnị ọ raà nyị ehuna.

Ijeremaya 47:2

Ọ kà, ré, ịrẹyị aa vẹ hụrị eyi ẹbẹẹba. Aa vẹ eyiha-eyiha anka irehu ọọ́ há ngụ ẹkụra avọọ. Ịrẹyị ọnọọ vee tu avaba aha ọnịrị ịsa ene hi ịnị anị, o vee tu ẹkụra ọrụrụ ọnịrị aza ana ra hi ịzọọ. Aza vee nowu ka à va gụ ẹnị ụvọ; dị avaba anẹhẹ aa jị òrèrè ọngwọọngụ.

Ezikẹẹrị 32:2

Ozi-ọza, nyayịnẹ kà ohinọyị Ijipiti ọ̀nọ̀. Kà ẹ yị ọ ka, ví o re ẹngụ anka idu avọọ ịnị akakana anẹkụra nịnị nị. Ama ọ yà anka agụgụ odivi anaa họ̀ enyi waaa, dị a sị ahụ wụ ụdọ hi enyi ọnọọ, dị ụ mẹ ka ọọ dà agụ.

Ịdanịyẹrị 11:10

Ezi ohinọyị Isiriya vee tenyi ẹngụ ịrẹkụ dị ẹ hàrà isoja gụ tatarata. Ọnyara ịnị ẹnịnị ọnịrị isoja anị vaa zàmà ẹtẹ parahu anka ọhaara enyi avọọ. Dị ẹ kụ̀ ịrẹkụ huuu na ngụ ịzị ọnịvị ẹnịnị tẹ̀ hi.

Ịdanịyẹrị 11:22

Àa nyị isoja nịnị ana ka ẹnị ẹ yị dọ yọ, ọ̀ọ daka rẹ vị ohirẹsụ ọbanyị irehi Ohomorihi, ó vee hi wa hụrị ẹtẹ hụyẹ-hụyẹ nị.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Emọsị 8:8

Agụvị ebira odivi ẹngụ ẹnịnị, dị Ẹnẹyịmavara henyi avaba ẹtẹ ịzọọ nị. Dị ẹtẹ ee ne vaa hịrẹ vaa chi anka ẹnyị irehu Ịnayịrị mẹẹ da eganggu ịnị ị̀rẹ̀sụ̀, ọ vaa nọ ẹtẹ avọọ nị. Ọzọza vee na owu ịhị ana mẹ wa.

Ẹtore 12:15

Dị ẹwụ ọnọọ ká enyi jịnẹ hụụnị irenu anị anka ọhaara avọọ ka ọ̀ sị ọnẹẹ ọnọnị nị.