Ijeremaya 46:5 - IWE ỌNỊNỊ

⁵ Ama Ẹnẹyịmavara ộ họ̀ ka, sị ọnị ee ré anị kẹ? Isoja Anijipiti nịnị aa hụrẹ ayịnẹ, Ẹnịnị ee zwèe vaa nọ ịrẹma.

Ijeremaya 46:5 ပူးပေါင်းရင်းမြစ်များ

Oyinyima 19:17

Ẹ mẹ̀ raà kụ́ wa jịnẹ dị ẹ kà a yị wa ka, “Èe sì ịrẹyị ụhwẹ ẹnịnị, eē zwe, asị ẹ kana eyi ịrẹma, asị ẹ rẹ jẹẹ aha ọnyọọnyị ini ozi, Ẹ ka èe zwee nọ ịnị ataba nịnị, ka e ve wusu.”

Ayịsaya 13:8

Ẹngụ ẹnịnị vaa sụ ẹgahị. Ụya vaa rị wa di eyee nowu anka ọnẹẹ ana aa barẹẹ avọọ. Ayị vaa hụrẹ ọzọza ịnẹ di eyi ẹnịnị ee vi ịra. Dị ẹnịnị hi ẹtẹ ee re ẹngụ kẹnẹ.

Ayịsaya 19:16

Ụmẹ ọnya aa vẹ. Ịhị ọnọọ Anijipiti vee re ka Ẹnẹyịmavara Ochẹtẹẹngụ ọ sị kwẹẹtẹ ka ọnị ọ̀ sị ụya rị ẹnị Ẹnịnị vee hí angwa anka ọnyẹnẹẹ avọọ.

Ayịsaya 42:17

Avaba aza ana sị ayị tụra ọnyọọnọkụmị nịnị, dị ẹ yaa hị́ wa ori ẹnịnị, vị ana a vaa mẹ̀ ụhị nyị, dị ụhị aa nyị wa.”

Ayịsaya 5:25

Avọọ Ẹnẹyịmavara vị ana nyayịnẹ aa kụ́ ayịị hi aza anị. Ọ raà kwẹẹtẹ tù wa ka ọnị ọ̀ sị ụya rị wa. Ataba ee henyi jigi-jigi. Aza ene sú vị ana a maanị vaa navọ oku ẹnịnịị hi ini orere kẹnẹ anka ẹchịchị ini itutu avọọ. Ama ọsọnị ộ yị mẹ ka ọyịkụ Ohomorihi ọ̀ nọ ẹtẹ, vị a tịị tana ụvọọ za wa hu avọọ nị.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 46:15

Sị ẹ gụ ori awụ nịnị ana aā hi Apisi sẹ ẹdụ? Ẹnẹyịmavara ọ tụ ụvọ nyẹtẹ nị.

Ijeremaya 46:21

Isoja ẹnẹ ẹ na hị́ ka ẹ̀ vaa gụ ẹnị ụvọ vị ana tụ ọkụmị jẹẹ anka ozi ụnọ avọọ. Ẹnịnị ẹ́ yị va zụ jẹẹ kụ ịrẹkụ. Ẹnịnị vị ene zwe varẹma. Ẹkụhị ụyọrị ene e ve sii vu Ijipiti ẹtẹ o tù aanị nị ọ.

Ijeremaya 49:29

Ọ kà, à dọ wa ajẹngụ ẹnịnị ọnịrị ịsụpa ẹnịnị. À dọ wa avaba ịta ẹnẹ ẹ sị jị ajẹngụ ẹnịnị ọnịrị avaba ịsị ẹ nyị hi ịnị ajẹngụ ẹnịnị. Ọ kà, à dọ wa ịnyaakụmị ẹnịnị, dị à kà a yị wa ayịhụrịnẹ oo tu wa zị ụvọnị-ụvọnị.

Ijeremaya 49:5

Ẹnẹyịmavara kà, re, ọnị vaa kụ ayịhụrịnẹ tu wu nịnị hụrị eyi ẹnyị eyi ọsa. Avaba awụ nịnị vee zwè, ọzọza vee zwè agụvị ẹhẹ anị. Ẹ́ yị vaa nyị ọza ana vaa kụ aza awụ nịnị ene zwè na tẹ̀ẹ gụ.

Ijeremaya 6:25

Ẹnị ẹ yị kụkụ nyayịnẹ nọ ịnị aarẹ, ẹnị ẹ yị nyayịnẹ vatụra oze, agụvị ka ọnịvị ẹnịnị ẹ kụ ụhwọ tụ̀, dị ọ kụkụ vị ẹnịrị angwahi eyi ụvọnị-ụvọnị nị.

Ezikẹẹrị 32:10

Ọ kà ịsị ọnị vaa mẹ wụ vaa za aza ọrụrụ-ọrụrụụ henyi. Ịjị ọnị òo mí ụhwọ anị, angwa vee hí ohinọyị nịnị, dị ẹyaa dá ẹgahị pàpàpà. Ịhị waa sị sẹ ẹdụ, ẹnịnị va dá ẹgahị, dị eyee hí angwa agụvị ẹhẹ ẹnịnị.

Ezikẹẹrị 39:18

Ẹnịnị vaa rị oku isoja nịnị, di e hu ohinọyị anẹhẹ nịnị, ana á vaa wụ̀ avaba ẹnịnị anka ịdẹba, à vị ozi atẹmẹ, ẹvụ à vị ụnọ ana ta dẹngụ avọọ.

Ịnahụmị 2:8

Dị Anininivẹ nịnị zwe wuuru jịnẹ anka akata enyi ana há avọọ. Ê nowu hị́ wa ka ẹ jẹẹ, ẹ jẹẹ ama ẹ yị nyị ọza ẹnịnị ene tụ́ ohi.

Ịnahụmị 2:9

Dị ọga ịrẹkụ ẹnịnị nowu, dị ọ kà, Kụ isiriva! Kụ igooru! Ogu vị ana gwẹẹtẹ ịnị ẹkụra ọnọnị!

Ịzẹhwanaya 1:14

Ẹkụhị ọnị Ẹnẹyịmavara vaa sị ụya rị wa aa gụrị ẹtẹ. Ẹ yị jẹẹ dị eyi anị ọ nị. Ẹkụhị odivi ọnọọ aa vẹ ọnị ọka ịrẹkụ ọnọrụ nịnị vee nowu ịjị ẹtẹ ọ̀ọ ka za wa.