Ijeremaya 46:4 - IWE ỌNỊNỊ

⁴ Ẹ ka, ọzọza ò tenyi umaata anị ẹngụ, dị ẹ̀ tụra a. Ẹnịnị è tò, dị ọzọza ò kú amu enyusẹ-enyusẹ anị. Ọzọza ọ̀ sị ọha anị dị ò ne e, dị ẹ kụ ẹnya ịrẹkụ ẹnịnị hi ẹngụ.

Ijeremaya 46:4 ပူးပေါင်းရင်းမြစ်များ

2 Ịtọpa 26:14

Uzaya ộ kụ́ ọha, ogonto, amu enyusẹ-enyusẹ, awuru enyusẹ, ọkịta ọnịrị ọpa ne beri ịrẹta ananta yị isoja ẹnẹẹ.

Inehemaya 4:16

Hụrẹ ụmẹ ọnọọ, achẹva aza aa mẹ̀ ụkọrọ, dị aza ana vọ ee sere ẹtẹ nị. Dị ẹnị ene sere ẹtẹ tenyi ẹngụ, dị ẹ kụ ọha, ọnịrị ogonto, dị ẹ ka ọpa ku nị. Avaba ọdọvịdị nịnị vana gụ anụkọrọ nịnị

Ayịsaya 8:9

Ẹwụ nịnị anẹkụra, wàa zụ wa kụ́ vabẹ nịnị, vị a vaa gara wụ nịnịị ha nị. Batọ nịnị, o ẹwụ nịnị ana hụrẹ ụtọ ẹhẹ vẹ. Gù ịrẹkụ awụ nịnị ẹtẹẹtẹrẹ, mị ka vị aa gara wụ nịnịị ha nị.

Ijeremaya 46:14

Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ijeremaya 51:3

Ọ kà, asị a zẹẹ ka isoja ẹnịnị è ne ọpa vụrụ-vụrụ, asị a hyakụ zẹẹ ka ẹnịnị ẹ̀ kụ ẹnya ịrẹkụ ẹnịnị. Asị ẹ vayị ezwọọmụha ẹnịnị vụrụ. E wụ̀ avaba ọkụrẹkụ ẹnịnị và ha.

Ezikẹẹrị 21:28

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ọọ kà ịsẹ. Ọnị ọ̀ nọọ yị Anaamọnị nịnị anaa kụ Anisirẹrị nịnị ụhụ aanị, ịsị ọnị ọnị Ẹnẹyịmavara Ananyị ụkata hu aa kà. Ọ kà, ọnị ọ̀ kà a yị wa ka, asị ụhwọ tụ̀ a vaa wụ̀ aza. Asị ọ ne, dị a da ịsa sisi ọ ka ọọ za nyoonyo anka ịnyanya avọọ nị.

Ijowẹrị 3:9

Ẹ nọ̀ọ yị anẹkụra ọzọza; Di e tenyi ẹngụ ịrẹkụ. Ẹ hị́ ọkụrẹkụ nịnị, dị avaba isoja ẹnịnị ẹ gụ aha ọnya dị ẹ kwẹẹtẹ nọ ịrẹkụ.

1 Ịsamụwẹrị 17:38

Dị Ịsọọrụ sị awuru anị di ó si chire Idevidi nị, dị ọ rẹ sị amu enyusẹ-enyusẹ anị di o si kú ọ ịrẹsụ nị. Dị ọ va sị awuru enyusẹ-enyusẹ di o si chire e nị.

1 Ịsamụwẹrị 17:5

 nyị amu enyusẹ-enyusẹ oni o kú, di o re chire awuru enyusẹ-enyusẹ nị. Awuru enyusẹ ọnọọ ộ rata ana ahịka ọza ịnya o yi zụ chema a hi ịrẹsụ.