Ijeremaya 46:27 - IWE ỌNỊNỊ

²⁷ Ẹnẹyịmavara kà, ẹwụ nịnị aza anị, Anisirẹrị, asị ụ hí angwa nịnị. Asị ayị hụrẹ wụ nịnị ịnẹ. Ọnị vaa dọ wụ nịnị ha hụrị aha ẹnẹẹnẹ, ịzị a za wụ nịnị ọrịhị ne hi avọọ. Ụ vanaa và a vẹ eehi awụ nịnị, dị waa mẹ ẹhẹ awụ nịnị ẹngwọọrọ-ẹngwọọrọ. Ọ kà, ọnị vee sere wu nịnị, dị ọza é yi me vene chire wu nịnị angwa.

Ijeremaya 46:27 ပူးပေါင်းရင်းမြစ်များ

Ayịsaya 14:3

Ịhị Ẹnẹyịmavara ọ̀ọ raà sị wụ hụụnị ụyọrị ọnịrị ẹngụkata ene vịdị tù wu ụ mé vị ọrịhị,

Ayịsaya 43:1

Isirẹrị, Ẹnẹyịmavara ana tụ́ wụ ka, “Asị ụ hí angwa ka mị vaa dọ wụ ha. Ma raà sị ịrẹha awụ hị́ wụ, áamị ụ vị nị.

Ayịsaya 43:5

Asị ụ hí angwa, agụvị ka mị yà pe wu nịnị. Mị vaa kụ́ ezi ewu nịnịị hụrẹ eyi ọnị ọyịị̄ zị vẹ, ọnịrị hụrẹ eyi ọnị ọyịị̄ zị naa ngụ ẹtẹẹ vẹ. Mị vaa kụ́ wụ nịnị gụ.

Ayịsaya 44:1

Ẹnẹyịmavara kà, “Sị ụtọ pe ẹtẹ booro aanị, ẹwụ Isirẹrị, ozi ahụ amị. Ẹwụ nịnị ezi Ijekọvụ, ọnị mị nyị mẹ aza amị.

Ayịsaya 44:2

Ẹmị a vị Ẹnẹyịmavara ana tụ́ wụ nịnị nị; hụrẹ ụmẹ ana a sị ma wụ, m maa gụ wụ ụvọ nị. Asị ụ hí angwa; ezi ahụ amị ụ vị nịnị nị, ẹma nyị wụ nịnị mẹ aza amị, dị mị sì ịrẹyị awụ nịnị nị.”

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 32:37

Ọ kà, re, ọnị vanaa kụ wa gụ hụrị avaba ẹkụra ọnị ọnị sị ọyịkụ-ọyịkụ dụ wa ne hi. Ọnị vanaa kụ waa vaavẹ ịzị ẹnị, dị ọnị mẹ ka ẹnịnị ẹ̀ ra ẹngwọọrọ-ẹngwọọrọ.

Ijeremaya 33:16

Ọ kà ụmẹ ọnọọ, a vaa dọ Anijuda ọnịrị Anijerusarẹmị nịnịị ha, dị ẹ kuku hi ịnị ẹngwọọrọ. Ijerusarẹmị á kụkụ vaa hị́ Ẹnẹyịmavara ọ dọ yị ha nị.

Ijeremaya 50:19

Ẹnẹyịmavara kà, ọnị vanaa kụ Anisirẹrị nịnị vaavẹ ịnị ẹtẹ ẹnịnị. Ẹnịnị vaa kụ́ ịsọyịrị tụ ịrẹsụ ataba Ịkamẹrị ọnịrị ịnị ẹtẹ Ịbasanị, dị ẹyaa rị ọ. Ẹnịnị vee re avaba ịsị eyee sì ịrẹsụ ataba Ehwireemi ọnịrị hụrị ẹtẹ Anigiriyadi.

Ijeremaya 51:46

Ọ kà, sị tụ ọtụtụrụma nịnị, asị u hí angwa, agụvị ịrẹyị ọnị ụ wụ nịnị ẹtẹ Ịbabịrọnị. Ịrayị-ịrayị a sị ka enube irenyi-irenyi ka, aa nyị ezigi ịnị ẹkụra ọnịrị ka ohinọyị ọnya ọnịrị ọsa aa zyaazị nị.

Ezikẹẹrị 16:53

Ẹnẹyịmavara ộ kà a yị Ijerusarẹmị ka, ọnị vanaa mẹ ka ò zé yị Isodọmị ọnịrị Isamariya beri ẹkụra oweyi-oweyi ene hi ịzọọ. Ọnị rẹ vanaa mẹ ka ò zé yị Ijerusarẹmị bẹẹ.

Ezikẹẹrị 36:24

Ọnị vaa kụ wụ nịnị hụrị avaba ẹkụraa varẹma vẹ ịnị ẹtẹ awụ nịnị.

Ezikẹẹrị 39:25

Ama booro aanị, Ẹnẹyịmavara Ananyị yị ka, ọnị vaa vayị evere Ijekọvụ; ẹnị ẹ vị Anisirẹrị nịnị nị, dị ọnị mẹ ka ọ̀ varẹma zee yị wa. Ọnị vaa hụ̀ agụvị ịrẹha ọnịnị anịị kụ ụhị.

Emọsị 9:14

Ẹnẹyịmavara kà ọnị vaa kụ aza anị anaa za ọrịhị hi ikinamị vaa vẹ eehi. Ẹnịnị vee tenyi eburu ẹkụra ẹnịnị da, dị ẹ̀ ra hi ịnị anị. Ẹ vaa kụ ụbazị ịvayịnị, dị e yee hu eche anị, ẹ vaa da ụbazị, dị ẹ yaa rị ịsa anị.