21 Isoja ẹnẹ ẹ na hị́ ka ẹ̀ vaa gụ ẹnị ụvọ vị ana tụ ọkụmị jẹẹ anka ozi ụnọ avọọ. Ẹnịnị ẹ́ yị va zụ jẹẹ kụ ịrẹkụ. Ẹnịnị vị ene zwe varẹma. Ẹkụhị ụyọrị ene e ve sii vu Ijipiti ẹtẹ o tù aanị nị ọ.
Ẹnẹyịmavara ộ mẹ̀ ka, Anisiriya nịnị ẹ̀ wụ́ ka â nyị ịsa aa sụrẹyịị vẹ. Ịsa ọnọọ vị ana sị mẹẹ anka ọkọnị isoja èe rere kụ umaata ọnịrị ịkẹkẹ ịrẹkụ aa vẹ avọọ. Ẹnịnị ệ kà a yị ẹngụ ka, vị ohinọyị Anisirẹrị nịnị na raà hị́ ohinọyị Anihiti nịnị ọnịrị ohinọyị Anijipiti ka è ve pe ẹnị kụ̀ ịrẹkụ anị nọ.
Kà a ka à kụ umaata ọnịrị ụkẹkẹ ịrẹkụ hi ẹhẹ. Kụ isoja nịnị hi ẹhẹ, kụ́ Anẹkụra ana aā hị́ Isudanị ọnịrị Aniribiya ana yara kụ ịrẹkụ hi ẹhẹ. Na kụ Anẹkụra ana aā hị́ Iridiya ana yara ne ọpa ẹtẹẹtẹrẹ hi ẹhẹ nịnị.
Ọza enee zwè yị ịsị ee chire ọza angwa aanị, vee horo ngụ ụsị, ọza anaa jịnẹ hụụnị ụsị ọnọọ tụ ẹhẹ dị ịrẹpa za a, agụvị ka ụmẹ ọnị ọnị Ẹnẹyịmavara jị ka ọnị ee sii vu Animowabi nịnị ẹtẹ ọ vị ọnọọ nị.
Ẹwụrị Anisirẹrị nịnị vị ọnịrẹyị ẹngụ pooro kẹnẹ. Dị ụ mẹ ka à wụ Anisirẹrị nịnị va ha, ụmẹ ọnị ẹngụkata tu wa nị. Ụmẹ ana a sị sị ụya ọdịrẹma rị wa agụvị ebira odivi ẹnịnị.
Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.
Aza ẹbanyị ẹnịnị vị ana mẹ ẹhẹ, dị ẹ hụụtụ hị́ ịrẹsụ ịvẹẹdị ana sị anyị ọdọba mẹ̀ ochị anị. Ẹnịnị vị ana a rị uye atẹmẹ ọnịrị uye ẹvụ ne beri uye imaaru.
Dị ọ rẹ tụ́ ezi ahụ anị ọsa nị, ka ẹ̀ na kà a yị aza anaa vịdị kà a yị aanị ka, ‘Ma sị ịsa mẹ, ọ! Ma kụ́ imaaru amị wụ ọnịrị ịsụpa anaa pá ka ọ̀ banyị dị à va wụ ọọ. Ma sị avaba ịsa mẹ ta; vẹ ịnị ịrẹyị ọnẹẹ amị nịnị!’