Ijeremaya 46:14 - IWE ỌNỊNỊ

¹⁴ Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ijeremaya 46:14 ပူးပေါင်းရင်းမြစ်များ

2 Ịsamụwẹrị 2:26

Di Abịna va hị́ Ijowabi dị ọ ka, “Aanị ka aanị ị mẹ̀ vaa kụ̀ ịrẹkụ pooro nị? Wáá yẹ ka yàa maanị aa mẹ, vị ọ vaa mẹ ka ya nyị ẹngụrẹyị hi ẹngụ pooro kẹnẹ nị? O si tù ka wa kà a yị aza awụ ọgọnị ka asị ẹ rẹ kụkụ dụ yị agụvị ka anda ị vị nị.”

Ọyịkụra 14:2

“Kà ẹ yị Anisirẹrị ka ẹ̀ varẹma dị ẹ̀ na kụ́ udi tụ́ Ipi-Ihahiroti ana yà ịnị akakana Imigidori ọnịrị òkū. Ẹnịnị ẹ kú udi gụrị oku dị ẹ̀ maanị và eyi ka Ịbaarị-Izehwọnị gẹdẹ-gẹdẹ.

Ayịsaya 1:20

Ama wàa si eyi wụ̀ mị, ịrẹkụ ọ vaa wụ̀ wụ nị.

Ayịsaya 19:13

Ọdọvịdị Anizowanị ọnịrị Ijipiti vị ọnụra. Ẹnị ana a ka ẹ̀ si oze zụ̀ aza, ẹ raà kụ́ wa nyeeyi.

Ayịsaya 31:8

Ịrẹkụ ọ vaa wụ̀ Anasiriya nị, ama ẹ yị vị ẹmịrị ọzarẹyịrẹsụ ọ vaa kụ̀ ịrẹkụ ọnọọ. Mị ka ịrẹkụ ọ vaa wụ̀ wa nị, ama ẹ yị vị ịrẹkụ ọzarẹyịrẹsụ. Ịrẹkụ vị ana vaa dụ wa, di a za ozwọọmụha ẹnịnị ọrịhị.

Ayịsaya 34:6

Ụhwọ Ẹnẹyịmavara vị ana vaa vị anyaanya, dị ụhị maanị para a. Vị ọ va sị mẹẹ anka ụhwọ ana a sị na vọ uye ịsọvọ ọnị ịdẹba ọnịrị ẹvụ ne beri ụhị ẹnịnị para hi hi ẹtẹ nị. Anẹkụra Ịbọrịza ọnịrị Edomi ọ vavọọ vaa sị mẹ̀ ịsọvọ ọnọọ nị.

Ijeremaya 12:12

Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.

Ijeremaya 2:16

Anẹkụra anaā hị́ Imemuhweri ọnịrị Itapanihesi ẹ sị ịsa ana Anisirẹrị nịnị aa sịị mẹ ụbanyị gara ha.

Ijeremaya 2:30

Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 44:1

Ijeremaya ka, Ẹnẹyịmavara ộ kà ịrẹyị yị ọnị ịnị ịpa avaba Anisirẹrị ene hi Ijipiti. Ẹnịnị vị ene hi ẹtẹ Imigidori, Itehahwinehesi, Imemihwisi ọnịrị eyi ụvẹtẹ Ijipiti.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ijeremaya 46:19

Ọ kà ẹwụ nịnị Anijipiti ò tenyi ka aa vaa za awụ nịnị ọrịhị. E vee vú Imemihwisi ẹtẹ. A vaa jị ọ eburu dị ẹ yị nyị ọza ana kụkụ ra ịzọọ.

Ijeremaya 46:2

Ịrẹsụ Ijipiti o nyima hụrẹ nị. Ịsị ọ ka yị ọnị ịnị ịpa ọkụrẹkụ ohinọyị Ijipiti ana aā hị́ Ineko yị. Inebukadineza, ohinọyị Ịbabịrọnị ộ nyị ẹbẹẹba ohinọyị Ineko ọnọnị ịzị aā hị́ Ikakemisi, ọ̀ sị gụrị irehu Éhwirate. Ịrayị ọhụna ọnị Ijehoyakimi sị rị ohinọyị Ijuda, ọ́ vavọọ nyị ẹbẹẹba Ineko nị.

Ezikẹẹrị 21:28

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ọọ kà ịsẹ. Ọnị ọ̀ nọọ yị Anaamọnị nịnị anaa kụ Anisirẹrị nịnị ụhụ aanị, ịsị ọnị ọnị Ẹnẹyịmavara Ananyị ụkata hu aa kà. Ọ kà, ọnị ọ̀ kà a yị wa ka, asị ụhwọ tụ̀ a vaa wụ̀ aza. Asị ọ ne, dị a da ịsa sisi ọ ka ọọ za nyoonyo anka ịnyanya avọọ nị.

Ezikẹẹrị 30:13

Ẹnẹyịmavara Ochẹtẹẹngụ ka, ori apaapẹ ene hi ẹtẹ Imemihwisi vị ọnị ọnị vee duu ha. Ẹ́ yị ma vana nyị ọza ana vaa mẹ ohii tụra Anijipiti nịnị ịrẹsụ. Avaba aza ene hi ẹkụra ọnọọ vị ọnị ọnị vaa mẹ angwaa hí.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.

Ịnahụmị 2:13

Ẹnẹyịmavara Ochẹtẹẹngụ kà, ọnị ọ raà va eyi ịraazị ka Anininivẹ nịnị. Ọ kà, ọnị vaa rị ịkẹkẹ ịrẹkụ ẹnịnị ịra, dị ọnị rẹ wụ̀ avaba ọkụrẹkụ ẹnịnị ha, dị ọnị dọ wa ogu aza ẹnị ẹ kụ. Ẹnịnị ẹ yị ma vana tụ ọnụtụ ne chire aza angwa paa.

Iwe Ọhụhị Imosiisi ana aa hị́ Ọyịvatụrọda 32:42

Ọpa anị vee hú anyị ọnịvị anị, dị ụhwọ anị vaa wụ̀ avaba aza ana va eyi ịrazị ka ọnị. Ẹ yị nyị ọza ana va eyi ịrazị ka ọnị ana vaa ha Ọnị vee vu aza ana tọ̀ ụnava ọnịrị anịnẹngwa nịnị ẹtẹ.