Ijeremaya 46:11 - IWE ỌNỊNỊ

¹¹ Ẹnẹyịmavara kà, ẹwụ nịnị Anijipiti, ẹ̀ nọ ẹtẹ Anigiriyadi dị we ne si ahọ̀nọ nịnị. Ẹ́ yị rẹ va nyị ịsị ahọ̀nọ awụ nịnị zụ mẹ. Ẹ́ yị nyị ịsị ẹ zụ mẹ wụ nịnị ụkụ o.

Ijeremaya 46:11 ပူးပေါင်းရင်းမြစ်များ

Oyinyima 37:25

Di e ne hi ẹtẹ dị ẹ yaa rị ịsa nị. Ẹ mẹ̀ kana eyi, di e re anusoze ana vi Anisimẹrị ka ệ kụ́ ịnyaakụmị hụrẹ Igiriyadi aa vẹ nị. Ệ kụ́ ụsụ ọchị ozoza irenyi-irenyi ana katarihi ana a sịị mẹ̀ ịsa anaā dagụ ozoza dị a rẹ sịị mẹ ahọ̀nọ tụra ịnyaakụmị ẹnịnị. Ẹnịnị vị ana aa nọ Ijipiti.

Oyinyima 43:11

Dị ada ẹnịnị tụ́ wa ohi dị ọ ka, “Ẹhẹẹ, àa vị avọọ yọ, â nyị ịsị a vọrọ ka ẹ mẹ. Ọ kà ẹ̀ Sị ịnị ẹtụtụ ene zoza hu ịnị ẹtẹ ọnọnị za, dị ẹ sị na mẹ ọnọrụ ọnọọ ẹyịza. Dị ọ rẹ ka Ịnị ịsa ẹnẹ ẹ yaa sị, ẹ̀ sị ẹhụ, ọnya ọchị ana sị wụ ozoza irenyi-irenyi ne beri ẹtụtụ ọchị ipisitachiyo ọnịrị arịmọndị naa yọ.

Ayịsaya 47:1

Ẹnẹyịmavara kà, Ẹwụ Ịbabịrọnị, chí hụụ ịrẹsụ aga ohinọyị awụ, dị ụ wa yaatụ ini edudu ini eteesu. Vị́ ụ vịdị sị mẹ anka ozi ọnẹẹ ẹnẹ ẹ yị yẹ ọnọrụ avọọ nị. Ẹkụra ọnị ọza èeè yị nyị ẹbẹẹba anị da ụ vị nị, ama booro aanị wẹ yị kụkụ vị ẹngụ aza ana a vọrọ ka à tangwa sị ụvọ za, ka ọ va tọ ụnava. Wa sị vara ọrịhị.

Ijeremaya 14:17

Ijeremaya ka, Ẹnẹyịmavara ộ kà a yị ọnị ka, ọnị ọ̀ kà a yị Anijuda nịnị ịsị ẹ vị ayodu anị, dị ọnị ọ̀ kà a ka, aanị eyi anị mẹ vaa ka ẹgọ, ọọdụ ọnịrị ịrahụ nị, ọnị ẹ yị hụụnị orere ọ̀ yị jị, agụvị ka aza anị ẹ́ raa tụ ụnava ngọtọọ, ịrẹyị odivi ô tù wa.

Ijeremaya 31:21

Ọ kà wa mẹ apọtẹrẹwa jẹẹ oze nịnị. Vatụra oze ọnị ụ zị na nịnị, wa rẹẹ vaavẹ nịnị. Ẹwụ nịnị Anisirẹrị wa vaavẹ eehi awụ nịnị.

Ijeremaya 31:4

Ọ kà, ẹwụ nịnị Anisirẹrị ọnị vanaa kụ ụ nịnị kwẹẹtẹ, ịzẹyịza dị ụ kwẹẹtẹ nịnị. Ụ vanaa sị ahịhya awụ nịnị, dị waa nyẹzẹ ụ waa maa jẹ ịrajẹ nịnị.

Ijeremaya 51:8

Ụvọ ô ku Ịbabịrọnị, asị o vú ẹtẹ. Waa jị òrèrè anị nịnị. Ne sì ahọ̀nọ va tụ ịnị ụnava anị yọ nịnị ka ẹyịyara ọ vaa vị.

Ijeremaya 8:22

Ọ kà, aanị ka ẹ yị kụkụ nyị ahọ̀nọ ẹtẹ Anigiriyadi? Aanị ka ẹ yị kụkụ nyị Idokita ịzọọ? Sị ẹ vavẹ dị ẹngụ aza anị ẹ̀ẹẹ yị va nịya?

Ezikẹẹrị 27:17

Anijuda ẹnịrị Anisirẹrị nịnị ee pe wu nịnị sẹ ohu. Ịsọyịrị, ẹhụ, angwẹ orivi, ọnịrị ahọ̀nọ ẹ sị vaa hị́ ịsa ịdị awụ nịnị nị.

Imika 1:9

Ịrẹyị ene tù Anịsamarịya vị ana sị mẹẹ anka ikenebe arụmada ẹnẹ ẹ yị mā vị avọọ nị. Ẹngụ ịrẹyị ọnọọ ee vee tu Ijuda aanị nị. Ẹngụkata ọnọọ ọ sị ngụ tù aza anị ene hi Ijerusarẹmị.

Ịnahụmị 3:19

Ụnava ọnị ọ tọ̀ aanị o divi ẹtẹẹtẹrẹ, ẹ yị nyị eyọtụra. Ama avaba aza ana vaa wụ́ ọ vị ana vaa jẹ, dị ẹ yaa gụ ahụ Àa nyị ọza ana ha hụụnị ayịchamayị awụ?

Imatiwu 5:26

Ịzẹyịza mị kà a wụ nị, wẹ yị vaa jịnẹ hụụ ịzọọ, pooro di u we sí avaba ụta awụ ta.”