Ijeremaya 45:5 - IWE ỌNỊNỊ

⁵ Avọọ, asị ẹwụ Ibaruki kà a ka wee si ịsa ozoza-ozoza yị ẹngụ awụ, agụvị ka ọnị Ẹnẹyịmavara vaa kụ ẹngụkata tu avaba aza, ọ ka, ama ẹwụ Ibaruki, aha tụra aha ọnị waa nọ, ọnị ẹ́ yị vaa zẹẹ ka à nyị ịsị ẹ mẹ̀ ẹwụ.

Ijeremaya 45:5 ပူးပေါင်းရင်းမြစ်များ

Oyinyima 6:12

Ịjị Ohomorihi maanị re ẹhẹ ka ộ ta divi, ka avaba ebira ọnị ọza kụkụ aa mẹ bemi vị ebira odivi,

1 Ohinọyị 3:11

Di Ohomorihi kà a yi Isoromọnị dị ọ kà, “Ka wâ maanị họ̀ use ẹngụ ịrẹyị ọnọnị, dị wẹ̀ yị kà a ka ma mẹ wụ kú orubo, à vị ka ma vara wụ ọnyẹkẹhị, à vị ka me hu ọnịvị awụ ẹtẹ wụ, ama ụ ka ma sị ịrẹyọyẹ wụ dị wa zụ mẹ̀ ọkarẹyị ana vọrọ.

1 Ohinọyị 3:9

Aarịhịnị navọ wa sị ịrẹyọyẹ yị mị dị ma zụ yẹ irenyi ana yà ịnị akakana ọyịza ọnịrị odivi. À yị vị avọọ ẹnẹ zụ mẹ̀ ọkarẹyị aza awụ ana maanị dẹngụ aanị?”

2 Ohinọyị 5:26

Ama Erisa ộ kà a yọ ka, ụhwẹ anị ộ saasa a na ngụ ịzọọ ịjị ọnọrụ ọnọọ chí hụụ ịnị ịkẹkẹ ịrẹkụ anị ve tu ọ. Ụmẹ ọnọnị áa vọrọ ka à sị dọ ọza ẹkẹhị nị? Ụmẹ aanị áa vọrọ ka a sị dọ ịta nị? Ụmẹ aanị áa vọrọ ka à sị dọ aarẹ ana a kụ́ orivi ọnịrị ịvayịnị tụ nị? Ụmẹ aanị áa vọrọ ka à sị dọ ọkọnị atẹmẹ ọnịrị ọkọnị imaaru beri ezida ọnọrụ ọnịrị anẹẹ nị?

Ahẹ Ụgama 131:1

Ẹnẹyịmavara, wâ yẹ ka mẹ mā mẹ eyi, mẹ yị kà ka â nyị ịsị mị vị. Mẹ mā sị ụvọ nọ ịnị ịrẹyị ẹbanyị-ẹbanyị ọnị ụvọ amị ò yi tù.

Ayịsaya 66:16

Ịra ọnịrị ụhwọ ọ vaa sị sị ụya rị avaba anẹhẹ ana rị ịvị anị. Aza ọrụrụ vị ene vee su.

Ijeremaya 21:9

Ọza ana aa sị ahụ vaka ẹtẹ tu Ijerusarẹmị vị ọnị ịrẹkụ vaa rị; ẹ̀ yị vavọọ dị ụngwẹ à vị ụkụ wụ ọ. Ama ọza tụra ọza ana aa jịnẹ tụ ẹhẹ di ọ́ hụrẹ ẹngụ anịị ụvọ hẹẹ yị Anibabironi enee pe wa kụ ịrẹkụ booro aanị nị, e yi vee su.

Ijeremaya 25:15

Ẹnẹyịmavara, Ohomorihi Anisirẹrị ộ kà a yị Ijeremaya ka, ọ̀ dọ ịpa eche ọnị ọnị và ọyịkụ anị hi aanị hụrẹ ọnị ụvọ. Ọ kà Ijeremaya ọ̀ sị ọ ne tu avaba anẹkụra ọnị ọnị ọọ tụ ọ hi, dị ọ̀ mẹ ka ẹnịnị è hú ọ.

Ijeremaya 25:16

Ọ kà ẹnịnị ee hú ịnị anị, ọ vaa mẹrị wa, dị ẹnịnị ẹ́ yị kụkụ yẹ ịsị ẹyaa mẹ, agụvị ka ọnị aa kụ́ ịrẹkụ nee tù wa.

Ijeremaya 25:26

avaba ohinọyị Ịbabịrọnị ana ya aha ene noze ọnịrị ana gụrị ẹtẹ, ikonya-ikonya, ọnịrị avaba ohinọyị ene hi ẹhẹ ọnọnị. Ịrẹma ẹnịnị dị ohinọyị Ịbabịrọnị ọnị ò re ve hú.

Ijeremaya 25:31

Avaba ẹhẹ vaa dọ ọ ọngwẹ Ẹnẹyịmavara ọnịrị avaba anẹkụra ẹẹ nyị ịrẹyị, ọ vaa mẹ̀ ọkarẹyị yị avaba aza, dị ọ wụ̀ avaba aza edivi ha.

Ijeremaya 38:2

Ẹnẹyịmavara kà, ịrẹkụ ụngwẹ, à vị ụkụ ọ́ vaa wụ̀ ọza tụra ọza ana àa yị yà ịnị ẹtẹ Ijerusarẹmị nị. Ama ọza ana àa sị ẹngụ anị ne chire Anibabironi ụvọ vaa yàra.

Ijeremaya 39:18

Ka, ịzẹyịza ọnị vaa dọ ụ ha. Ịrẹkụ ẹ́ yị vaa rị ụ. Ọ kà ụ vaa ha agụvị ka waa sị ayị tụra ọnị.

Ịzẹhwanaya 3:8

Dị Ẹnẹyịmavara kà ee nee zi ẹkụhị ọnị ọnị vaa kwẹẹtẹ tù wa. Ọ kà, ọnị vaa kú avaba ẹkụra ọnịrị ịjọva ẹkụra irenyi-irenyi gụ dị ọnị ọ kụ́ ayị hi wa. Dị avaba ẹtẹ rị ịra agụvị ka ayị anị aa dà ọva.

Aniroomi 12:16

Sị ayị yị ẹngụ nịnị. Asị ụ sị ẹngụ awụ nịnị tụ́ ẹba. Và eyi nẹtẹ, dị ẹwụrị onosiye nịnị ẹ̀ẹ za ọta. Asị u ne roo ka wâ da yẹ ịrẹyị nịnị kẹnẹ.

Anihiburu 13:5

Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.