Ijeremaya 44:7 - IWE ỌNỊNỊ

⁷ Ẹnẹyịmavara Ochẹtẹẹngụ, Ohomorihi Anisirẹrị ka, ọnị aa họ̀ wụ nịnị ka, sị ẹ vẹ dị waa mẹ ẹngụ ịsa edivi ẹnẹnị hi ẹngụ awụ nịnị aanị? Vị́ wee si ka we vú ẹngụ awụ nịnị ẹtẹ, dị asị a nyị ọza ana kụkụ vọ nị?

Ijeremaya 44:7 ပူးပေါင်းရင်းမြစ်များ

Ụhịrẹyị 1:18

Ama anako nịnị vi ene vee su usu ụkọrọ ụvọ ẹnịnị. Ebira odivi ẹnịnị vị anaa vụ ụhị tu wa.

Ụhịrẹyị 15:32

Ọza eneē yi ka ọnị ẹ mā kọsẹ vị anaā mẹ ẹngụ anị ọnya, ama ọza anaā dọ ka àa tụ ọnị ohuvọ vị anaā yẹ́ ịrẹyị hu avọọ.

Ụhịrẹyị 5:22

Ebira odivi aza ọhịmị vị anaa va ịrẹpa ee zi wa. Ebira ịvị ọnị ẹ yaa mẹ̀ ọ vị ọha ana za wa nị.

Ụhịrẹyị 8:36

Ọza ẹnẹ ẹ yị nyị ịrẹyọyẹ vị anaa tọ̀ ẹngụ anị ụnava. Ọza anaa nyị ịhyẹrẹ ịrẹyọyẹ vị anaa hị́ isu tu ẹngụ anị.

Ijeremaya 25:6

Ọnịsẹ ẹnẹẹ ka asị ụ rẹ hẹkẹ ori nịnị, dị asị ụ kụ hẹkẹ wa nịnị ka ụ va sị ịsa ọnị ụ sị ụvọ awụ nịnị mẹ mẹ ayị kụ Ẹnẹyịmavara nịnị. Wàa yaanị saasa ịrẹyị Ẹnẹyịmavara nịnị, ẹ́ yị yaanị sị ụya rị ụ nịnị.

Ijeremaya 25:7

Ama Ẹnẹyịmavara kà wee yi ka wẹ yị wụ́ ịrẹyị anị nịnị. Waa mẹ ka ọnị ọ̀ kụ ayị hi u nịnị agụvị ori awụ nịnị, dị ụ sị kụ ụya tu ẹngụ awụ nịnị nị.

Ijeremaya 26:19

Ihezekaya ohinọyị Ijuda ọnịrị Anịjuda nịnị ẹ́ yị hụvị avọọ wụ ọ. Ama Ihezekaya ô hí angwa Ẹnẹyịmavara dị ọ dá ịpẹ yọ nị. Ịzẹyịza Ẹnẹyịmavara ộ và hụụnị avaba ụya ọnị ọ ka ọnị aa sịị rị wa. Ẹ ka, vị ẹnị aa vaa kụ ẹngụkata odivi tù ẹngụ ẹnịnị aanị nị ọ.

Ijeremaya 3:24

Ama ori ana aā hi Ịbaarị anaā mẹ̀ ụhị nyị ọza ọnị ẹnị aa hẹkẹ ọ raa mẹ ka atẹmẹ ọnịrị imaaru ẹnịnị beri ezi ẹnịnị ẹ̀ ta hi ẹnị ụvọ. Avaba ogu ọnị ohiku ẹnịnị mẹ tịtẹ yị ẹnị hụrị ụmọrụmọ ẹẹ ta.

Ijeremaya 38:17

Ijeremaya ka dị ọnị vaa kà a yị Ịzẹdẹkaya ka, Ẹnẹyịmavara Ochẹtẹẹngụ, Ohomorihi Anisirẹrị ọ sị ọ ka ka, waa hụrẹ ẹngụ awụ ụvọ yị aza ohinọyị Ịbabịrọnị, ụ vaa há. Ọza ẹ̀ yị vaa rị ẹkụra ọnọnịị ịra. Ẹwụrị ovwoovu awụ vaa há.

Ijeremaya 42:20

eyi ọnị wee nyee nịnị aanị, ẹhẹ awụ nịnị u ve sii sí ụta anị o, ọnị ka, ẹwụ nịnị ọ tụ ọnị ka ọnị ọ̀ na mẹ̀ aduwa hi Ẹnẹyịmavara, Ohomorihi ayị nị, dị ụ kà a nịnị ka ụ vaa mẹ avaba ịsị ọọ ka nị.

Ijeremaya 44:14

Ọ kà ẹ́ yị nyị Anijuda ana vọ, ana va ra Ijipiti ana vaa ha. Ẹ́ yị nyị ọza ịnị ẹnịnị ana vaa vàa nọ Ijuda naa ra, ẹ̀ẹ daka ee si ka ẹnị ẹ̀ na ra ịzọọ, ẹ̀ẹ yị vị aza chee ọnị ịrẹkụ dụ hụrẹ Ijuda.

Ijeremaya 44:8

Ọ kà, sị ẹ vẹ dị waa mẹ ayị kụ ọnị nịnị? Waa va ra Ijipiti nịnị, dị waa mẹ ori nịnị, dị waa mẹ̀ ịsọvọ hi wa nịnị nị. Vị́ waa maanị aa mẹ ka we si vu ẹngụ awụ nịnị ẹtẹ, dị avaba anẹhẹ ẹ̀ kụkụụ si eyi wụ wụ nịnị, dị ẹẹ sị ịrẹha awụ nịnịị chìi hi aza nị?

Ijeremaya 51:22

Ẹwụ nịnị ọnị tụ na wụ̀ aza irenyi-irenyi va ha nị. Ọnọrụ ọnịrị anẹẹ nịnị, ọzọkụ ọnịrị ozweyi nịnị, beri ezwọọmụha ọnịrị ezwoorihi nịnị nị.

Ijeremaya 7:19

Ẹnẹyịmavara kà, ọnị ẹnịnị waa vana ka ẹnị aa mẹ ayị kụ nị? Ọ kà, ẹngụ ẹnịnị ẹ yaa zama nị. Ẹngụ ẹnịnị ẹ yaa mẹ̀ ụhị nyị nị.

Ijeremaya 9:21

Iswọọza ọ ra ngụ tu yị zị oze ịnị ozokete, ọ sị ngụ ịnị eehi ohinọyị nịnị. Ọ sị ezweyi wụ̀ ha utoze, ọ sị ezwọọmụha nịnị wụ̀ ha ịnị orere.

Arụwẹ 2:11

Ọnị o jị òrèrè pooro eyi aa zị ọnị, ayị anị ộ ta du, ọ ta ngụ ọnị ẹngụ ọnị maa zị ẹngụ aza anị ene vú ẹtẹ. Ewu ọ kụ ezweyi-ezweyi ẹnịrị ezinụvọ zá va hi ẹtẹ ụngwẹ maa kụ wa.

Arụwẹ 2:22

Ẹnẹyịmavara ộ tụ hị́ ọnịvị anị hụrị eyi ọnyị eyi ọsa anka a mẹẹ tụụ hị́ aza aa rị eche avọọ, dị ẹ va takara ayị nị. Ịhị Ẹnẹyịmavara aa kụ ayị, ẹ yị nyị ọza ana ha. Ọnịvị amị nịnị ẹ sị ezi emi ọnị mị paa dị mị sì ịrẹyị anị wụ̀ va ha.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ezikẹẹrị 9:6

Ọ kà, ẹnịnị ẹ̀ wụ ọnọrụ ọzọkụ-ọzọkụ, dị ẹ̀ wụ ezwọọmụha. Ẹnịnị ẹ̀ wụ ezwoorihi, ọnyị ozi nịnị ẹnịrị ezweyi bẹẹ. Ama asị ẹ́ kanyị ọza ọnyọọnyị ana a raa tọ̀ ịrẹwa ịnị ibe. Ọ kà ẹnịnị è nyima hụụnị irehi ọnị Ohomorihi Ịzẹyịza dị é nyima hụụ ịrẹsụ ẹnị ọdọvịdị ana jẹẹ ịnị Irehi Ohomorihi ịzọọ nị.

Ihabaku 2:10

Ụhị ẹ yaa mẹ nyị ovwoovu ẹnịnị nị. Ee vee vú ẹtẹ anka ẹ mệ mẹ̀ aza nị.

Ịrịka 16:38

Aza ẹnịnị vị ene su agụvị ọnị ẹ mẹ. Ẹnya eturare ẹnịnị vị ọnịnị agụvị ka ẹ̀ kụ wa vẹ ọvịdị Ẹnẹyịmavara. Dị Ẹnẹyịmavara kà Eriyaza ọ kụ wa vabẹ dị a sị ihama tu ọ dị a sị mẹ oku ụta, dị ọ ka aza ana vọ ọnọ.

Iwe Ọhụhị Imosiisi ana aa hị́ Ọyịvatụrọda 32:25

Ịrẹkụ vaa mẹ ka a wụ̀ aza avaba oze ene hi ini ẹkụra, di angwa ee hi wa, di ivóvó za wa tụ ini eehi. Ezwọọmụha ọnịrị ezwoorihi Ẹnịnị su va ha. Avọọ ezinụvọ ọnịrị azọkụ ẹnịnị ẹnị mẹ rẹ yịị vee su nị.

Ijosuwa 6:21

Avaba ịsa vị ene du ha saka-saka, anọrụ, anẹẹ, imaaru, atẹmẹ ọnịrị ịkẹrịkẹtẹ nịnị. Avaba anị bemi vị ene vú ẹtẹ.

Ọdọvịdị 21:11

Dị ọ rẹ ka yị wa ka e re ka ẹnị ẹ wụ̀ avaba anẹẹ ana ra yẹ ọnọrụ.

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”

1 Ịsamụwẹrị 22:19

Dị ọ rẹ za avaba anẹkụra Inobi, dị ọ sị ụ̀hwọ̀ wụ̀ wa nị. Anẹẹ, anọrụ, ezweyi ọnịrị ezinụvọ vị ọnị ọ wụ. Avọọ ọ mẹ̀ rẹ wụ imaaru, ịkẹrịkẹtẹ ọnịrị atẹmẹ ẹnịnị nị.