Ijeremaya 44:6 - IWE ỌNỊNỊ

⁶ Ọ kà agụvị avọọ ọnị vavọọ kụ ayị hi ẹkụra ene hi Ijuda ọnịrị avaba oze ene hi Ijerusarẹmị dị ọnị jị ịra da wa nị.

Ijeremaya 44:6 ပူးပေါင်းရင်းမြစ်များ

Ayịsaya 1:7

A sị ẹkụra awụ nịnị tụ́ osusu, dị a maanị rị ọ ịra saka-saka nị. Ịnị eyi awụ googoro, ọzọga nịnị ệ ngụ ịnị aarẹ awụ di e du avaba anị ha nị.

Ayịsaya 51:17

Kwẹẹtẹ Ijerusarẹmị, ha kwẹẹtẹ, Ẹnẹyịmavara ọ raà ka wụ nịnị enyi ụya ịnị ọyịkụ anị. We reè hu ọ ẹnẹmẹhị ana mẹ ka ọọ mẹrị wụ, dị waa vanga nị.

Ayịsaya 51:20

Agụvị ka Ẹnẹyịmavara Ohomorihi aa kụ ayị, ezi anị ẹ sị tụ ọkụmị dị ẹ yaa hyẹdụ avaba aha anka epeni ọnị ịrẹpa za avọọ nị.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ijeremaya 21:5

Ẹnẹyịmavara kà ọnị vaa sị ọyịkụ-ọyịkụ sị avaba ụkata anị pe Ịzẹdẹkayaa zyaazị.

Ijeremaya 34:22

Ẹnẹyịmavara kà ọnị vaa mẹ ọda, dị ọnị kụ wa vavẹ Ijerusarẹmị. Ẹnịnị vee pee kụ ịrẹkụ, dị ẹkụra ene hi Ijuda ẹtẹ, dị ẹ́ yị ma vana nyị ọza ana ra ịzọọ.

Ijeremaya 36:7

Ijeremaya ka, ẹyịyara, ẹnịnị vaa dá ịpẹẹ ị Ẹnẹyịmavara, dị ẹnịnị và hụụnị ẹhẹ odivi ẹnịnị. Ọ kà, Ẹnẹyịmavara ọ raa sị ọyịkụ-ọyịkụ ee wo oto hi aza ẹnẹnị.

Ijeremaya 4:27

Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Ijeremaya 4:4

Ọ kà, ẹwụ nịnị Anijuda ọnịrị Anijerusarẹmị ọ̀ hụụnị ebira odivi, dị wa sị ẹngụ awụ nịnị tụ irenyi yị ọnị nịnị, ọ ka ẹ̀ yị vị avọọ ọnị va hụ agụvị ebira odivi awụ nịnị nyị ọyịkụ hi wụ nịnị anka ịra anaa rị ọnị ọza è yi zụ mi avọọ.

Ijeremaya 42:18

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ijeremaya 7:17

Ọ kà, aanị ka ọnị e yi re ịsị aza ẹnẹnị aa mẹ avaba ẹkụra ene hi Ijuda ọnịrị avaba oze ene hi Ijerusarẹmị?

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Ijeremaya 7:34

Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Ijeremaya 8:3

Ẹnẹyịmavara Ochẹtẹẹngụ ka, ẹnị anaa vọ ịpa evere aza edivi ẹnẹnị aha tụra aha ịzị ọnị ọọ dụ wa ne hi, vanaa va ụva isu ka aayẹ ẹnị è vene su.

Arụwẹ 1:1

Oogwoo, Ijerusarẹmị ana vịdị maanị nyị aza a maanị tụ osusu aanị nịị! Ẹkụra ọnị avaba anẹhẹ vịdị maanị sị ụbanyị yị ọ kụkụ tịtẹ goo anka osoku aanị nịị! Ẹkụra ana vịdị ya ọvịdị ẹkụra ana vọ, ọ kụkụ vị ọrịhị anẹkụra ana vọ aanị nị.

Arụwẹ 1:13

Ohomorihi ọ raà ka ịra ku ẹnị hụrị ẹbẹẹba, ẹngụ ẹnịnị ọ ta jịnẹ ịra gogogo. Ịrẹpa ọnị Ohomorihi va zi ẹnị, ọ sị ẹnị za nya ẹtẹ, dị ọ navọ ẹnị ka ẹnị ẹ̀ maanị rị ụya nị.

Arụwẹ 5:18

agụvị ka ataba Ịzayọnị ọ sị tụ́ osusu, dị ahịka irezi ịnị avị ẹ kụkụ aa woowo ngụ ịnị anị zị nị.

Ezikẹẹrị 20:33

Ẹnẹyịmavara kà àa vị ọnị ọ yị vị Ohomorihi ana yara nị, ọnị vaa rị ohinọyị tụra awụ ịnị ịrẹsụ, ọnị vaa mẹ ọyịkụ hi wu nịnị; ọnị vaa tana ụvọọ za awụ nịnị, dị ọnị sị ụkata anị zụ wụ nịnị.

Ezikẹẹrị 20:34

Ịjị ọnị ọọ varẹma kụ wụ nịnị gụ hụrị avaba ẹkụra ọnị ụ che ne hi nịnị, ọnị vaa sị ụkata anị ọnịrị ọyịkụ anịị zụ wụ nịnị.

Ezikẹẹrị 24:13

Ẹwụ nịnị Anijerusarẹmị, ebira ịrẹkọyịsẹ awụ nịnị ọ raa mẹ ka asị ụ kụkụ nị nịnị. Ọnị ộ sị vụrị ka ọnị ọ̀ dụ wụ hụụnị anị nịnị, ama vị waa yịị mẹẹ nịnị nị. Wẹ́ yị vaa hụụnị ịrẹkọyịsẹ nịnị ẹ̀ yị vị ọ̀ọ raa sị ọyịkụ anị zụ̀ wụ nịnị ẹtẹẹtẹrẹ.

Ezikẹẹrị 24:8

Ẹnẹyịmavara kà ọnị ộ navọ ọnọọ tụ ịzọọ ka asị ọ tẹ̀. Anya ọnọọ yà ịzọọ aa kà a ka ọnị sị ọyịkụ-ọyịkụ họ̀ oponu ịrẹyị ẹnịnị.

Ezikẹẹrị 5:13

Aanị ọnị mẹ vaa kụ́ ayịị hi wa dị ọnị sị họ̀ oponu ịrẹyị ẹngụ anị, dị ayị anị ọ̀ nẹtẹ nị.

Ezikẹẹrị 6:12

Aza ene hi aha onoze vị ọnị ụkụ vaa wụ̀. Aza ana gụrị ẹtẹ vị ana a vaa kụ́ ịrẹkụ vaa wụ̀, dị ụngwẹ wụ̀ aza ana vẹtẹ.

Ezikẹẹrị 8:18

Avọọ, ọnị vaa sị ọyịkụ anịị zụ wa ẹtẹẹtẹrẹ. Ọnị ẹ́ yị vaa sị eyi kwooze yị wa, ọnị ẹ́ yị vaa vayị ẹnịnị. Ẹnịnị vaa mẹ̀ aduwa, dị eyee nowu boro-boro, ama ọnị ẹ́ yị vee tu wa ohi.

Ịdanịyẹrị 9:12

Dị ọnị kà a yị Ohomorihi ẹnịnị ka, ịsị ộ ka ọnị vaa mẹ ẹnịrị ọdọvịdị ẹnịnị ộ sị ọ mẹ. Ẹ́ẹ yị nyị anẹkụra ọsa ịrẹsụ ẹtẹ ọnị ọ maanị sị ụya rị da anka ọ mẹ sị ụya rị Anijerusarẹmị aanị.

Ireevi 26:28

Ọnị rẹ vaa mẹ̀ ịsa ọnị ẹnịnị è yi sii hi wa, dị ọnị ụvọta sị ụya ịvị ẹnịnị rị wa hu avọ oze ịhịmba.

Ireevi 26:31

avọọ, ọnị vaa jị ẹkụra ẹnịnị eburu, dị ọnị gara ịzị ẹyaa mẹ ahẹkẹẹ ha. Ọnị ẹ́ yị kụkụ vaa dọ ịsọvọ ẹnịnị.

Ịnahụmị 1:2

Ẹnẹyịmavara Ohomorihi vị anaā kụ́ ụhị; Ọnị ọọ̄ sị ụya rị aza ana aa va eyi ịrazị ka a nị. Ọyịkụ-ọyịkụ o vee si sí ọnịvị anị nịnị atọ nị.

Ịzakaraya 1:2

Ọ kà Ẹnẹyịmavara ộ kụ́ ayị hí ohiku Anisirẹrị nịnị ẹtẹẹtẹrẹ,

Ịzakaraya 1:6

Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.

Ịzakaraya 7:14

Ọnị vaa sị opomi gara wa hi avaba ẹhẹ, dị ẹtẹ ẹnịnị dụ osusu, dị ọza ẹ yị zụ ngụ ọ, ẹ yị zụ jịnẹ. Aanị ẹkụra ọyịza ọnọọ mẹ vaa dụ osusu nị.