Ijeremaya 44:26 - IWE ỌNỊNỊ

²⁶ Ama booro anị, sị ụtọ pe ẹtẹ, dị wa wụ eku ọnị ọnị Ẹnẹyịmavara sị ịrẹha anị hị́ agụvị ẹwụ nịnị Anisirẹrị ene hi Ijipiti: Ọnị ẹ́ yị ma vana zẹẹ ka wa sị ịrẹha anị hị́ eku nịnị, di waa kà a ka: Waa sị Ẹnẹyịmavara ana hwọ hị́, dị ọ yàra hị́ eku nịnị.

Ijeremaya 44:26 ပူးပေါင်းရင်းမြစ်များ

Oyinyima 22:16

dị ọ ka: Ẹnẹyịmavara kà ọnị ọ raà sị ẹngụ anị hị́ eku ka ọnị vaa mẹ ka ò zee yọ ịzẹyịza, agụvị ịsa ọnị ọ mẹ dị ọ yị sị ozi ọnị, ana vị ozi anị ikonya gene-gene tẹ yị ọnị.

Ahẹ Ụgama 50:16

Ohomorihi aa họ̀ aza edivi use ọ ka sị ẹ vẹ dị ẹ yaa kà ọda anị dị ẹ yaa kà a bẹẹ ka â nyị ịrẹyị ẹnị ẹnịrị Ohomorihi kà tịtẹ?

Ahẹ Ụgama 89:34

Ụ ka ịrẹyị ọnị ụ ra kà tịtẹ ka ụ vaa mẹ vị ọnị ụ vaa mịị mẹ ka ịsa ọnị ụ raà sị irenu awụ kà, wẹ yị vàa hụụnị anị.

Ayịsaya 62:8

Ẹnẹyịmavara o reè wo oto ẹtẹẹtẹrẹ. Ọ vaa sị ụkata anị mẹ̀ ẹ. Ọnịvị Anisirẹrị nịnị ẹ yị kụkụ vaa sị akụ ẹnịnị mẹ ịsọyịrị ẹnịnị. Anikinami nịnị ẹ yị kụkụ vee hu eche ẹnẹ ẹnịnị ka ẹhị mi tụra ịrẹsụ.

Ijeremaya 22:5

Ẹnẹyịmavara kà, ama àa vị ka, wẹ yị saasa ọda ẹnẹnị nịnị, ọnị ọ sị ẹngụ anị hị́ eku ka, irehi ohinọyị awụ nịnị ọnọnị vị ọnị ọnị aa jị eburu.

Ijeremaya 24:8

Ẹnẹyịmavara kà, Ịzẹdẹkaya ohinọyị Ijuda, ẹnị ọdọvịdị ana kara a ọnịrị avaba Anijerusarẹmị ana vọ ẹtẹ, ẹ̀ẹ ya Ijerusarẹmị, èe zwe na ra Ijipiti, vị ọnị ọnị vaa mẹ anka ihwigi ọyịvụ-ọyịvụ ẹnẹ ẹ̀ yị wụra rị aanị.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ijeremaya 44:11

Avọọ, ọnị, Ẹnẹyịmavara Ochẹtẹẹngụ, Ohomorihi Anisirẹrị vaa kwẹẹtẹ tu wu nịnị, dị ọnị vú avaba Ijuda ẹtẹ.

Ijeremaya 44:14

Ọ kà ẹ́ yị nyị Anijuda ana vọ, ana va ra Ijipiti ana vaa ha. Ẹ́ yị nyị ọza ịnị ẹnịnị ana vaa vàa nọ Ijuda naa ra, ẹ̀ẹ daka ee si ka ẹnị ẹ̀ na ra ịzọọ, ẹ̀ẹ yị vị aza chee ọnị ịrẹkụ dụ hụrẹ Ijuda.

Ijeremaya 44:24

Ijeremaya ka, ọnị ộ kà a yị avaba anyẹnẹẹ ọnịrị avaba Anijuda ana ra Ijuda ka, ẹ̀ wụ́ ịrẹyị ọnị Ẹnẹyịmavara kà,

Ijeremaya 46:18

Ẹnẹyịmavara Ochẹtẹẹngụ ka, ọnị ọ vị ohinọyị nị. Ọ kà ọza ana kụ ịrẹkụ ee vee tu wu nịnị vị ana vaa nyị ụkataa hu wu nịnị anka ataba Ịtaabọ mẹ nẹba huni ataba ana vọ. É vee huna wụ nịnị anka ataba Ịkamẹrị mẹ dà jịnẹ oku avọọ nị.

Ijeremaya 49:13

Ọ kà ọnị ụvọta o sị eku hị́ ka, ẹkụra ana aā hị́ Ibozira vaa jị eburu, di aza ee re e dị ayị aa hụrẹ wa ịnẹ. Aza vị anaa vanaa mẹ̀ ẹ isiya, dị ẹyaa sị ịrẹha anịị chìi hi aza. Avaba ẹkụra eweyi-eweyi ana kara a vị ana vaa jị eburu pooro.

Ijeremaya 5:2

Dị ụ daka aa yịị kà a nịnị ka waa hẹkẹ Ẹnẹyịmavara nịnị aanị, ireche u we che nịnị nị.

Ijeremaya 51:14

Ẹnẹyịmavara Ochẹtẹẹngụ, ọ raa sị ẹngụ anị hị́ eku ka, ọnị vaa mẹ aza ẹ̀ kọmị, anka ọkọnị akụvarịva avọọ, dị ẹ̀ kụ́ ịrẹkụ ve tu Ịbabịrọnị. Ẹnịnị vaa nyị ẹbẹẹba anị, dị eyee nowu.

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Ezikẹẹrị 20:39

Ẹnẹyịmavara Ananyị ụkata hu ka, booro aanị, avaba ẹwụ nịnị Anisirẹrị, waa mẹ o me zee wu nịnị eyi, ka tụ ọvịdị, wa naa mẹ ori awụ nịnị. Ama òo ku, òo jintu, waa vàa vẹ vaa saasa ọnị nịnị. Ụ vaa hụụnị ịsọvọ ọnị waa mẹẹ yị ori awụ nịnị, dị wẹ̀ yị sị ụbanyị ịrẹha ọnịnị anị nịnị aanị.

Ihoseya 4:15

Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara.

Emọsị 6:10

A vaa nyị anda ana vẹ ka ọnị ọ vaa rị oku ẹnẹẹ ịra kwooze, ịjị ọ raa kụ́ wa hi ẹhẹ, di o họ̀ use ọza ana vọ ịnị irehi ọnọọ ka, oku ọ́ọ́ vọ? Dị ọ tụ́ ọ ohi ka heyiye. Dị ọ ka pe kẹ, asị a nyị ọza ana ha irenu ta Ẹnẹyịmavara ubo.

Emọsị 6:8

Evere Ijekọvụ ẹnẹẹ e re du Ẹnẹyịmavara ayị. E re ẹngụ ẹnịnị huu ịsa ọsa, avọọ Ẹnẹyịmavara nyị ịhyẹrẹ ịsa ene ro ka ẹ vị ụkata ẹnịnị nị. Ẹnẹyịmavara Ohomorihi ọga isoja ọ raa hị́ eku ka ọnị vaa hụrẹ ẹnịnị ogu ẹnịnị ụvọ yị ọnịvị ẹnịnị.

Emọsị 8:7

Ẹnẹyịmavara ọ si ụbanyị ẹngụ anị hị́ eku ka ọnị ẹ yị vaa va hụụnị ebira ọnọọ ọnị ẹ yaa mẹ̀.

Ịrịka 14:28

Dị Ẹnẹyịmavara kà Imosiisi ọ̀ ka yị wa ka ọnị o hị́ eku ka ọnị aa mẹ ịsị e yee họ̀ use anị aanị.

Anihiburu 3:18

Ene Ohomorihi rẹ hị́ eku ka ẹ yị vaa ngụ ịdị anị vaa tụ́? Aza ẹnẹ ẹ̀ yị rẹ sị ayị tụraa yọ nị.

Anihiburu 6:13

Óhomorihi me wo oto yị Abụrahamị, ẹ yị nyị ịsị e huna Ohomorihi ọnị ọ zụ sị hị́ eku, agụvị avọọ dị Ohomorihi sị ẹngụ anị hị́ eku nị.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.