Ijeremaya 44:23 - IWE ỌNỊNỊ

²³ Ka wẹ́ yị saasa avaba ọda Ẹnẹyịmavara nịnị, wâ mẹ̀ ebira odivi, dị ụ naa mẹ̀ ịsọvọ hi ori nịnị, ọ mẹ ka ẹngụkata ọnọnị ò tu wu nịnị ọyaanị nị.

Ijeremaya 44:23 ပူးပေါင်းရင်းမြစ်များ

1 Ohinọyị 9:9

Dị a ka agụvị ka ẹnịnị ẹ sị Ẹnẹyịmavara Ohomorihi ẹnịnị yi tịtẹ yọ nị. Ohomorihi ọnọọ ọ kụ́ ohiku ẹnịnị jịnẹ hụrẹ ẹtẹ Ijipiti nị. Ama aza ẹnẹẹ ẹ na raà sị ẹngụ vaka ori ọsa, dị eyee kú ẹtẹ kụ́ ọ, dị ẹ yaa hẹkẹ ẹ nị. Agụvị avọọ Ẹnẹyịmavara ana vị Ohomorihi maanị kụ́ avaba ịrẹyị odivi ẹnẹnị ve tù wa nị.”

2 Ohinọyị 17:15

Ẹnịnị ê yi ka ẹnị ẹ yị saasa ịrẹyị oni Ohomorihi kà yị wa; ẹnịnị ẹ yị saasa oto oni Ohomorihi ọnịrị ohiku ẹnịnị wo yị ẹngụ; ộ kà wa ọnọ, ama ẹnịnị ẹ yị hị́ ọ ịrẹyị. Ẹnịnị ẹ naa hẹkẹ ori kẹnẹ-kẹnẹ, dị ẹ vara ẹngụ ẹnịnị aza kẹnẹ-kẹnẹ nị. Ẹnịnị ẹ yị saasa ọda Ẹnẹyịmavara ana kà a yị wa à sị ẹ hama anẹkụra ana kara wa; ẹnịnị ẹ naa mẹ̀ ịsa ana anẹkụra ẹnẹẹ̄ mẹ.

2 Ịtọpa 36:16

Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị.

Inehemaya 13:18

Mị ka, ẹngụ ebira odivi ọnọnị ohiku awụ nịnị vịdị mẹ oni Ohomorihi sị sị ụya rị yị, dị ọ mẹ ka è du ẹkụra ọnọnị ha nị. Ama ẹwụ nịnị ree du ẹkụhị ụhwọtụ ka Ohomorihi ọ̀ kụ ayị hi Anisirẹrị hu avọọ.

Ahẹ Ụgama 119:136

M mè re ka aza ẹ yị zẹẹ ka ẹnị ẹ̀ẹ saasa ọda awụ, ẹgọ vị anaaa ká mị eyi.

Ahẹ Ụgama 119:150

Anayịchama ana aa sị ụyaa rị mị ẹ sị gụrị mị. Ẹnịnị ẹ mā saasa ọda ọnị ụ mẹ vụrụ-vụrụ.

Ahẹ Ụgama 119:155

Aza edivi ẹ yị va zụụ há agụvị ka ẹnịnị ẹ mā saasa ọda awụ.

Ahẹ Ụgama 78:10

Ẹnịnị ẹ yị jẹẹ pè ịrẹyị oni Ohomorihi pè wa kà tịtẹ, ẹ yị zẹẹ ka ẹnị ẹ̀ sị eyi pè ọda anị.

Ahẹ Ụgama 78:56

Ama Anisirẹrị aa zama Ohomorihi re, ẹ yị zẹẹ ka ẹnị ẹ̀ dọ ịrẹyị Ohomorihi tụ́ ịzọọ. Ẹnịnị ẹ yị sị ụvọ za ọda anị.

Ijeremaya 26:4

Ijeremaya ka Ẹnẹyịmavara kà ọnị ọ̀ kà a yị aza ẹnẹẹ ka, ẹnịnị èe yị ka ẹnị ẹ́ yị wụ́ ịrẹyị ọnị Ẹnẹyịmavara, dị ẹnịnị ẹẹ saasa ọda ọnị ọnị sị yị wa nị,

Ijeremaya 40:3

Ọ́ va sị ọ mẹ booro aanị, ka waa mẹ̀ ebira odivi hi ọ nịnị, wẹ́ yị saasa ịrẹyị anị nịnị avaba ẹsẹnị maanị sị mẹ nị.

Ijeremaya 44:10

Ama wẹ yị va ka ẹngụ awụ nịnị chi pooro va ngụ ajịnị. Wẹ́ yị sị ụbanyị yị ọnị Ẹnẹyịmavara nịnị. Wẹ́ yị saasa ọda ọnị ọnị mẹ yị ẹwụrị ohiku awụ nịnị.

Ijeremaya 44:18

Ama ẹnị mẹ hụrẹ hụụnị ịsọvọ ọ̀ yị mẹ hi ohinọyị anyẹnẹẹ ana yà ẹbẹẹba, dị ẹnị ẹ̀ yị kụkụ và eche hi ẹtẹ yị ọ, ẹ̀ yị kụkụ vana nyị ịsị ẹnị nyị, dị ịrẹkụ ọnịrị ụngwẹ va wụ ẹnị va ha nị.

Ijeremaya 44:2

Ẹnẹyịmavara Ochẹtẹẹngụ, Ohomorihi Anisirẹrị ka, ẹwụ nịnị ụvọta ô ré ọnị mẹmẹ vú Ijerusarẹmị ọnịrị ẹkụra ana vọ hi Ijuda ẹtẹ, ọ ka, vá ngụ ọyaanị ẹnịnị vị ana yị jị eburu va hi ẹtẹ, dị ẹ̀ yị nyị ọza ana ra ịzọọ.

Ijeremaya 44:21

Vú wee ro nịnị ka, vị ayị hi Ẹnẹyịmavara kà, ẹwụrị ohiku awụ nịnị ộ vavọọ mẹ̀ ịsọvọ nịnị ẹkụra ene hi Ijuda ọnịrị oze ene hi Ijerusarẹmị nị? Vú wee ro ka Ẹnẹyịmavara ẹ yị kụkụ tamayị ka ohinọyị awụ nịnị, ọdọvịdị awụ nịnị ọnịrị aza ene hi ẹkụra awụ nịnị ệ vavọọ mẹ̀ ịsọvọ ịzọọ nị?

Ijeremaya 44:3

Ka Anị ịzọọ ệ mẹ̀ ebira odivi, ọnịrị ka ẹnịnị ệ mẹ ayị kụ ọnị, ọnị vavọọ mẹ wa nị. Ẹnịnị ẹ naa mẹ̀ ịsọvọ hi ori, dị ẹyaa hẹkẹ ori ọnị ẹwụrị wa ne beri ohiku awụ nịnị ẹ̀ yị vịdị yẹ́ da nị.

Ijeremaya 44:8

Ọ kà, sị ẹ vẹ dị waa mẹ ayị kụ ọnị nịnị? Waa va ra Ijipiti nịnị, dị waa mẹ ori nịnị, dị waa mẹ̀ ịsọvọ hi wa nịnị nị. Vị́ waa maanị aa mẹ ka we si vu ẹngụ awụ nịnị ẹtẹ, dị avaba anẹhẹ ẹ̀ kụkụụ si eyi wụ wụ nịnị, dị ẹẹ sị ịrẹha awụ nịnịị chìi hi aza nị?

Arụwẹ 1:8

Anijerusarẹmị nịnị ẹ sị tẹ agụvị ebira odivi-odivi ẹnẹ yaa mẹ̀. Ẹ yị kụkụ nyị ụbanyị vụrụ-vụrụ. Asị iruvo ẹnịnị re. Eyee rimanya, ụhị maa nyị wa ẹ kụkụ à sị eyi tẹ̀.

Ịdanịyẹrị 9:13

Anka â mẹ chẹrẹ ẹ tụ ịnị ọda Imosiisi, avọọ â mẹ sị avaba ụya ẹnẹnị rị ẹnị nị. Ama ẹnị ẹ yị va hụvị avọọ da ịpẹ yị Ẹnẹyịmavara ana vị Ohomorihi ẹnịnị ka ọ navọ ọ vayị ẹnịnị. Ẹnị ẹ yị va và hụụnị ebira odivi ẹnịnị dị ẹnị ẹ mẹ ịzẹyịza.

1 Anịkọrịntị 10:20

Ẹ yị vị avọọ! Ama mị ka ịsị anarịmadọwụ nịnị aa sịị mẹ̀ ịsọvọ vị ẹnị ẹyaa mẹẹ hi ụhwẹ echu. Ẹ yị vị Ohomorihi, ẹ́ yaa sịị mẹ̀ ịsọvọ hi. Me yi sì ka ẹwụrị ụhwẹ echu ọ̀ na vabẹ nịnị.

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.