Ijeremaya 44:22 - IWE ỌNỊNỊ

²² Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ijeremaya 44:22 ပူးပေါင်းရင်းမြစ်များ

Oyinyima 19:13

Ẹ ka aza ẹ sị rụrụ ee nowu ka ebira odivi aza ẹnẹnị ọ sị banyị. Ẹnẹyịmavara ọ sị wụ́, dị ọ tụ́ ẹnị ka ẹnị ẹ va wụ̀ wa va ha nị. Ẹ ka vi ẹnị ee vee vú wa ẹtẹ aanị nị.”

Oyinyima 6:3

Di Ẹnẹyịmavara Ohomorihi va ka, “Mẹ yị vaa zẹẹ ka ọza ọ̀ ra ịnị ẹhẹ pooro zịna-zịna, agụvị ka òo si oo yị vi ee su nị. Ịrayị ẹchịhịnọnyị (120) kẹnẹ mị vaa zẹẹ ka ọ̀ ra ẹhẹ vị nị.”

2 Ohinọyị 17:15

Ẹnịnị ê yi ka ẹnị ẹ yị saasa ịrẹyị oni Ohomorihi kà yị wa; ẹnịnị ẹ yị saasa oto oni Ohomorihi ọnịrị ohiku ẹnịnị wo yị ẹngụ; ộ kà wa ọnọ, ama ẹnịnị ẹ yị hị́ ọ ịrẹyị. Ẹnịnị ẹ naa hẹkẹ ori kẹnẹ-kẹnẹ, dị ẹ vara ẹngụ ẹnịnị aza kẹnẹ-kẹnẹ nị. Ẹnịnị ẹ yị saasa ọda Ẹnẹyịmavara ana kà a yị wa à sị ẹ hama anẹkụra ana kara wa; ẹnịnị ẹ naa mẹ̀ ịsa ana anẹkụra ẹnẹẹ̄ mẹ.

Ayịsaya 1:24

Avọọ sị ụtọ pe ẹtẹ dị wa wụ́ ịrẹyị ẹnị Ẹnẹyịmavara Ochẹtẹẹngụ aa ka. Ọnị ọ vị Ohomorihi Anisirẹrị nị. Ọnị ọ nyị ụkata nị. Ọ kà ọnị ka ọnị vee sí ẹwụ nịnị ọnịvị anị atọ ịrẹyị ọnọnị, dị ẹwụ nịnị ọ̀ sị ọnị tịtẹ hẹẹ.

Ayịsaya 43:24

We yị sị ẹkẹhị awụ nịnị hị́ eturare va mị nịnị, wẹ yị sị ụ̀hị ịsị ịsọvọ awụ nịnị va mị. Ama wâ sị ebira odivi awụ nịnị kụ́ kata mị ẹngụ; wâ sị akụvị ọnị ụ waa mẹ nịnị kụ́ du mi eyi.

Ayịsaya 7:13

Dị Ayịsaya va ka, “Ẹwụ anovwoovu Idevidi, batọ o! Ọza rị ẹyị ịrẹsụ ọ̀ọ nyị isuuru pooro dị ụ raà kụ́ ọ dụ ọ eyi nị, o yi zoza. Ama wa kụkụ raà mẹ ka Ohomorihi ana maanị nyị isuuru ọ̀ hyakụ du ọnị ịnyẹmba eyi.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ijeremaya 23:2

Ẹnẹyịmavara, Ohomorihi Anisirẹrị nịnị aa ka ẹ yị oseratẹmẹ nịnị ana vọrọ ka ẹẹ tẹsị aza anị ka: Wẹ yị tẹsị aza anị nịnị, Wa sị wa gara nịnị: wa raa dụ wa hi ozi nịnị. Booro aanị, ọnị aa vaa sị ụya avaba ebira odivi ọnị ụ mẹẹ rị ụ nịnị.

Ijeremaya 24:9

Ọ kà ọnị vaa kụ ẹngụkata odivi tù wa ana vaa mẹ angwaa hi anẹhẹ. Ọ kà aza vị ana vaa sị wa mẹ enyinyi, dị aa sị ịrẹyị ẹnịnị mẹ̀ isiya, dị a raa kụ wa ụhụ. Aha tụra aha ọnị ọnị ọọ dụ wa ne hi vị ana a vaa sị ịrẹha ẹnịnịị chii hi aza.

Ijeremaya 25:11

Ẹnẹyịmavara kà, avaba ẹtẹ Ijerusarẹmị vị ana vaa jị eburu. Avaba aza ana ra kara a vanaa kụ hẹkẹ ohinọyị Ịbabịrọnị mẹ ịrayị ẹtarẹwụ.

Ijeremaya 25:18

Ọnị ộ sị ọ ne tu Anijerusarẹmị ọnịrị avaba ẹkụra ene hi Ijuda, beri ohinọyị ẹnịnị ọnịrị ọdọvịdị ẹnịnị, dị á mẹ ka avaba ẹnịnị è hú ịnị anị nị. Dị ẹnịnị hụ́ hụrị ẹkụra nị. Aza ene re e vị ọnị ọ́ za zizi dị angwa ee hí wa. Dị aza kụkụ aa sị ịrẹha ẹnịnịị chii hị́ aza pooro ve tu ajịnị nị.

Ijeremaya 25:38

Ẹnẹyịmavara ọ raa para aza anị hu anka idu mẹẹ jịnẹ hụụ ịzị ọ yà avọọ. Ịrẹkụ ọnịrị ọyịkụ Ẹnẹyịmavara ọ sị ẹkụra ẹnịnị tụ osusu.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ijeremaya 29:19

Ẹnẹyịmavara kà aanị ọ́ mẹ vaa yà yị wa nị, agụvị ka ẹnịnị ẹ́ yị saasa ịrẹyị anị ọnị ọnị aa sịị tụ ezi ahụ anị ọnịsẹ nịnị hi wa. Ẹnịnị ee yí ka ẹnị ẹ yị wụ.

Ijeremaya 30:14

Avaba aza ẹnẹ ẹwụrịị vịdị sì ịrẹyị ẹngụ nịnị e ree hi ayị awụ nịnị, ẹnịnị ẹ́ yị kụkụ tamayị awụ nịnị. Ọ kà, vị ọnị kwẹẹtẹ tu u nịnị anka ọnịvị ọza avọọ, dị ọnị sị ụya rị ụ nịnị ẹtẹẹtẹrẹ nị, agụvị ka ebira odivi awụ nịnị ọ sị rụrụ. Ayịchama awụ nịnị ọ sị dẹngụ.

Ijeremaya 34:22

Ẹnẹyịmavara kà ọnị vaa mẹ ọda, dị ọnị kụ wa vavẹ Ijerusarẹmị. Ẹnịnị vee pee kụ ịrẹkụ, dị ẹkụra ene hi Ijuda ẹtẹ, dị ẹ́ yị ma vana nyị ọza ana ra ịzọọ.

Ijeremaya 4:4

Ọ kà, ẹwụ nịnị Anijuda ọnịrị Anijerusarẹmị ọ̀ hụụnị ebira odivi, dị wa sị ẹngụ awụ nịnị tụ irenyi yị ọnị nịnị, ọ ka ẹ̀ yị vị avọọ ọnị va hụ agụvị ebira odivi awụ nịnị nyị ọyịkụ hi wụ nịnị anka ịra anaa rị ọnị ọza è yi zụ mi avọọ.

Ijeremaya 42:18

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ijeremaya 44:12

Avaba Anijuda ana vọ, dị ẹ ka vị ẹnị aa naa ra Ijipiti nị, ọnị vaa mẹ ka è vú avaba ẹnịnị ẹtẹ. Avaba ẹnịnị vị ene vee su vaa hi Ijipiti, ẹ̀ẹ vị ọzọkụ, ẹ̀ẹ vị ozweyi. Enee su ịnị ịrẹkụ, dị ụngwẹ wụ̀ wa. Angwa vị ene vee hi aza enee re wa. Vị a vanaa si eyii wụ̀ wa, dị aza aa sị ịrẹha ẹnịnịị chi hi aza nị.

Ijeremaya 44:2

Ẹnẹyịmavara Ochẹtẹẹngụ, Ohomorihi Anisirẹrị ka, ẹwụ nịnị ụvọta ô ré ọnị mẹmẹ vú Ijerusarẹmị ọnịrị ẹkụra ana vọ hi Ijuda ẹtẹ, ọ ka, vá ngụ ọyaanị ẹnịnị vị ana yị jị eburu va hi ẹtẹ, dị ẹ̀ yị nyị ọza ana ra ịzọọ.

Ijeremaya 44:6

Ọ kà agụvị avọọ ọnị vavọọ kụ ayị hi ẹkụra ene hi Ijuda ọnịrị avaba oze ene hi Ijerusarẹmị dị ọnị jị ịra da wa nị.

Ijeremaya 48:9

Ọgụvọ anaa zụ mẹ yị Imowabi, à mẹ̀ ẹ yị ọ, agụvị ka ka a vaa jị ọ eburu. Ẹkụra-ẹkụra ene hi ịnị anị vaa tụ osusu, dị ẹ́ yị nyị ọza ana kụkụ ra ịnị ẹnịnị.

Ijeremaya 5:9

Ẹnẹyịmavara kà, áá vọrọ ka asị ọnị sị ụya rị wa agụvị avaba ọsọnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ ẹkụra ọnọnị?

Ezikẹẹrị 39:23

Anẹkụra-ẹkụra ana vọ vaa yẹ ka agụvị ebira odivi ana Anisirẹrị nịnị mẹ hi ọnị, ọnị sị dụ wa hụrẹ ẹkụra ẹnịnị nị. Ẹnẹyịmavara kà ọnị ộ varẹma ka wa, dị ọnị hụrẹ wa ụvọ yị ọnịvị ẹnịnị ka ẹ̀ kụ́ ịrẹkụ tu wa, dị ẹ wụ̀ wa nị.

Ezikẹẹrị 5:13

Aanị ọnị mẹ vaa kụ́ ayịị hi wa dị ọnị sị họ̀ oponu ịrẹyị ẹngụ anị, dị ayị anị ọ̀ nẹtẹ nị.

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Ịdanịyẹrị 9:12

Dị ọnị kà a yị Ohomorihi ẹnịnị ka, ịsị ộ ka ọnị vaa mẹ ẹnịrị ọdọvịdị ẹnịnị ộ sị ọ mẹ. Ẹ́ẹ yị nyị anẹkụra ọsa ịrẹsụ ẹtẹ ọnị ọ maanị sị ụya rị da anka ọ mẹ sị ụya rị Anijerusarẹmị aanị.

Emọsị 2:13

Ọ kà ọnị vaa pịrị wa za ẹtẹ anka umoto ana za ẹnya mẹẹ̄ pịrị ịsa za ẹtẹ avọọ.

Ịmarakayị 2:17

Ẹnẹyịmavara kà, ịsị ẹnịnị aa ka ô du ọnị eyi. Ama dị ẹyaa họ̀ ọ use ka, sị ẹnị ka ene du ọ eyi? Dị ọ ka ẹnịnị aa kà a ka, Ẹnẹyịmavara o sì ịrẹyị aza ana mẹ̀ ebira odivi, Dị ẹnịnị re họ̀ o use ka, ịzị Ohomorihi anaā mẹ̀ ọkarẹyị ya?

Aniroomi 9:22

Ohomorihi óo sì ka ọnị ọ̀ sị zụ̀ aza ẹnyị ka ọnịị̄ kụ́ ayị, dị ọnị rẹ nyị ụkata nị. O si tù ka à wụ̀ aza ẹnẹẹ, ama Ohomorihi ọ nyị nyị isuuru ẹtẹẹtẹrẹ, dị aa yịị sị ẹngụụ dọ ịrẹyị ẹnịnị ọnọọ vaa kụ́ ayịị hi.