Ijeremaya 44:2 - IWE ỌNỊNỊ

² Ẹnẹyịmavara Ochẹtẹẹngụ, Ohomorihi Anisirẹrị ka, ẹwụ nịnị ụvọta ô ré ọnị mẹmẹ vú Ijerusarẹmị ọnịrị ẹkụra ana vọ hi Ijuda ẹtẹ, ọ ka, vá ngụ ọyaanị ẹnịnị vị ana yị jị eburu va hi ẹtẹ, dị ẹ̀ yị nyị ọza ana ra ịzọọ.

Ijeremaya 44:2 ပူးပေါင်းရင်းမြစ်များ

2 Ohinọyị 21:13

Ộ kà a ọnị vaa sị ụya rị aza ene hi Ijerusarẹmị anka ọnị mẹ mẹ̀ Ịsamarịya nịnị, a vị anka Ahabị ohinọyị Isirẹrị ọnịrị evere anị, ộ kà ọnị vee vu aza ene hi Ijerusarẹmị ẹtẹ anka ịchachọ̀rịsa ana a nyịna va ku avọọ.

Ọyịkụra 19:4

Kà a ka ọnị ụvọta ê re ịsa ọnị mị mẹ Anijipiti nịnị, dị ahịka mị kụ́ ẹnị jịnẹ hụrẹ Ijipiti anka ukokoro mẹ̀ẹ kụ́ ezi anịị hi ịnị avaka di o hira avọọ nị. Dị mị vavọọ kụ́ wa va yị ẹngụ amị nị.

Ayịsaya 24:12

Ẹkụra vị ana jị eburu hi ẹtẹ, a kụ́ oze anị chaka.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ijeremaya 25:11

Ẹnẹyịmavara kà, avaba ẹtẹ Ijerusarẹmị vị ana vaa jị eburu. Avaba aza ana ra kara a vanaa kụ hẹkẹ ohinọyị Ịbabịrọnị mẹ ịrayị ẹtarẹwụ.

Ijeremaya 34:22

Ẹnẹyịmavara kà ọnị vaa mẹ ọda, dị ọnị kụ wa vavẹ Ijerusarẹmị. Ẹnịnị vee pee kụ ịrẹkụ, dị ẹkụra ene hi Ijuda ẹtẹ, dị ẹ́ yị ma vana nyị ọza ana ra ịzọọ.

Ijeremaya 4:7

Ịsị ee du ẹkụra ha ọ sị jịnẹ tụ ẹhẹ aa vẹ, anka idu ana jịnẹ hụrị aha ọyị tẹ anị avọọ. Ee vee du Ijudaa ha. Avaba ẹkụra ene hi Ijuda vị ọnị vee vú ẹtẹ dị ẹ yi nyị ọza ana kụkụ ra ịnị anị.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ijeremaya 44:23

Ka wẹ́ yị saasa avaba ọda Ẹnẹyịmavara nịnị, wâ mẹ̀ ebira odivi, dị ụ naa mẹ̀ ịsọvọ hi ori nịnị, ọ mẹ ka ẹngụkata ọnọnị ò tu wu nịnị ọyaanị nị.

Ijeremaya 7:34

Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Ijeremaya 8:3

Ẹnẹyịmavara Ochẹtẹẹngụ ka, ẹnị anaa vọ ịpa evere aza edivi ẹnẹnị aha tụra aha ịzị ọnị ọọ dụ wa ne hi, vanaa va ụva isu ka aayẹ ẹnị è vene su.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Arụwẹ 1:1

Oogwoo, Ijerusarẹmị ana vịdị maanị nyị aza a maanị tụ osusu aanị nịị! Ẹkụra ọnị avaba anẹhẹ vịdị maanị sị ụbanyị yị ọ kụkụ tịtẹ goo anka osoku aanị nịị! Ẹkụra ana vịdị ya ọvịdị ẹkụra ana vọ, ọ kụkụ vị ọrịhị anẹkụra ana vọ aanị nị.

Arụwẹ 1:16

Ịsị ẹ vị iruvo ọnị maa sịị jị òrèrè dị ẹgọ ee si ịnị eyi amị yị. Ẹ yị nyị ọza ana zụ sị ayị amị nẹtẹ vụrụ-vụrụ. Ẹ yị nyị ọza ana zụ hụ́ mị ayọvị. Ụvọ ọnịvị ayị ọ sị kara ayị; ẹ sị yị tụ avosusu.

Arụwẹ 5:18

agụvị ka ataba Ịzayọnị ọ sị tụ́ osusu, dị ahịka irezi ịnị avị ẹ kụkụ aa woowo ngụ ịnị anị zị nị.

Ịdanịyẹrị 9:12

Dị ọnị kà a yị Ohomorihi ẹnịnị ka, ịsị ộ ka ọnị vaa mẹ ẹnịrị ọdọvịdị ẹnịnị ộ sị ọ mẹ. Ẹ́ẹ yị nyị anẹkụra ọsa ịrẹsụ ẹtẹ ọnị ọ maanị sị ụya rị da anka ọ mẹ sị ụya rị Anijerusarẹmị aanị.

Ireevi 26:31

avọọ, ọnị vaa jị ẹkụra ẹnịnị eburu, dị ọnị gara ịzị ẹyaa mẹ ahẹkẹẹ ha. Ọnị ẹ́ yị kụkụ vaa dọ ịsọvọ ẹnịnị.

Ireevi 26:43

Ama ọnyị ịpaapa, aa nyị ka à hụ́ aza hụụnị ẹtẹ ọnọọ da, agụvị ọ̀ tụ́ ụhwọ́ ẹtẹẹtẹrẹ; ka ẹnịnị ê yi ka ẹnị ẹ́ yị saasa ọda anị ọnịrị ịsị ọnị ọnị kà yị wa, aa nyị ka ẹnịnị ẹ̀ rị avaba ụya anị.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Ịzakaraya 1:6

Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.

Iwe Ọhụhị Imosiisi ana aa hị́ Ọyịvatụrọda 29:2

Imosiisi ô hị́ Anisirẹrị nịnị gụ, dị ọ kà; Eyi ẹnịnị ê re ịsị ọnị Ẹnẹyịmavara mẹ ohinọyị Anijipiti ọnịrị ọdọvịdị ẹnịnị ne beri avaba Ẹkụra ọnọọ.

Ijosuwa 23:3

Ọ kà ẹnịnị è re Ẹnẹyịmavara Ohomorihi ẹnịnị mẹmẹ kú ịrẹkụ yị wa, dị ẹ nyị ẹbẹẹba avaba ọnịvị ẹnịnị.