Ijeremaya 44:17 - IWE ỌNỊNỊ

¹⁷ Ẹ ka, avaba ịsị ẹnị ka ẹnị aa mẹ, ẹnị vaa mẹ nị. Ịsọvọ vị ọnị ẹnị vaa mẹẹ hị́ ori ẹnịnị ana vị ọnyẹnẹẹ. Ọnị ọ vị ohinọyị anyẹnẹẹ tụ ẹbẹẹba nị. Ẹnị vaa sị ẹnịrị ohiku ẹnịnị, beri ohinọyị ẹnịnị ọnịrị ọdọvịdị ẹnịnị mẹẹ mẹ̀ ẹ ẹkụra ene hi Ijuda ọnịrị oze ene hi Ijerusarẹmị nị. Avọọ ẹnị mẹẹ mẹ̀ ẹ dị ẹnị nyị ịsọyịrị gwẹtẹ, dị o zee yị ẹnị, dị ẹnị ẹ̀ yị nyị ẹngụkata ọnyọọnyị nị.

Ijeremaya 44:17 ပူးပေါင်းရင်းမြစ်များ

2 Ohinọyị 17:16

Ẹnịnị ệ jịnẹ avaba ọda Ẹnẹyịmavara Ohomorihi ẹnịnị, dị enyusẹ mẹ ezi imaaru ẹẹva ẹnẹ ẹyaa hẹkẹ nị. Ệ rẹ mẹ uyi ori ọnẹẹ ana aā hị́ Asẹra, ệ hẹkẹ ụzọmị nịnị ọnịrị ori ana aā hị́ Ịbaarị.

2 Ohinọyị 22:17

Ẹnẹyịmavara kà ẹnịnị ệ raà va ịrẹma na mẹ̀ ịsọvọ yị ori nịnị. Avaba ịsa ẹ mẹ o re du ọnị ayị. Agụvị avọọ ọnị aa kụ́ ayị hi Anijerusarẹmị nịnị. Ọyịkụ anị ọ yị vaa ta.

2 Ịtọpa 28:23

Ộ mẹ̀ ịsọvọ yị ori irenyi-irenyi Anịdamasịkọsị ene hu ọ ẹtẹ. Ọ kà agụvị ka ori ẹnịnị ẹ gụ ohinọyị Aramị ụvọ, ọnị raa mẹ̀ ịsọvọ yi wa agụvị ẹnị ẹ rẹ gụ ọnị ụvọ. Ama dị ahịka ẹnị e vee vụ ọnịrị avaba Anisirẹrị nịnị ẹtẹ nị.

Inehemaya 9:34

Hi ohinọyị ayị nịnị o, hi ezi ohinọyị nịnị bẹ, hi ẹnị ohirẹsụ irehi Ohomorihi ọnịrị ada ayị nịnị, ẹ yị nyị ana wụ́ chire wụ; ẹnịnị ẹ yị rẹ saasa ọda Awụ vụrụ-vụrụ.

Ahẹ Ụgama 106:6

Ya sị ebira odivi mẹ anka ohiku ayị nịnị ẹnị mẹ̀ rẹ mẹ. Ya sị akụvị mẹ, yâ mẹ̀ ebira ene è yi zoza.

Ahẹ Ụgama 12:4

Ẹnịnị ee ro o, ẹ ka ịrarẹ ọ mā yà ọza irenu dị ụvọ ò re kú ọza ọnọọ. Ẹ ka ịsị èe zee ẹnị eyi kẹnẹ ẹnị vaa kà nị Ẹ ka ẹ yị nyị ọza ana zụ za ẹnị irenu kụ oku.

Ọyịkụra 16:3

Di Anisirẹrị kà a yị wa dị ẹka: “Àa yẹ Ẹnẹyịmavara ọ̀ vana wụ yi hi Ijipiti. I mè hi ịzọọ yàa rị uye ọnịrị ịsọyịrị ana vọ o mè zee yi eyi. Ama wa raà kụ́ avaba ayị ẹnẹnị vẹ ịnị ụnọmị ịzẹnị ka wa sị ụngwẹ wụ̀ yị va ha nịnị.”

Ayịsaya 48:5

Ẹnẹyịmavara kà ọnị ọ vavọọ ka yị wa agụvị ịjị ọ̀ọ sị mẹ asị ẹ kà a ka ori ọnị ẹ yaa hẹkẹ ộ mẹ̀ ẹ nị.

Ijeremaya 1:16

Ọ kà ọnị vaa mẹ̀ ọkarẹyị yị wa agụvị ebira odivi ẹnịnị ana mẹ ka ẹnịnị è yị ọnị tịtẹ. Ẹnịnị ẹ naa rị eturare ịra yị ori nịnị, dị ẹ yaa hẹkẹ ịsị ọnị ẹnị ụvọta sị ụvọ ẹnịnị mẹ nị.

Ijeremaya 11:12

Ịjọnọọ Anijuda ẹnịrị Anijerusarẹmị vị anaa hị́ ori ẹnẹ ẹ yaa mẹ̀ ịsọvọ yị ka ẹ̀ gụ ẹnị ụvọ, ama ori ẹnẹẹ ẹ yị va zụụ dọ wa ha ịjị ẹngụkata oo tu wa.

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ijeremaya 19:13

Ọ kà, ịzẹyịza avaba irehi ene hi Ijerusarẹmị beri irehi ohinọyị Ijuda nịnị vana vaa yaa anka Itohwẹtị. Avọọ avaba irehi ene e hi ịrẹsụ anịị rị eturare ịraa yị ụzọmị ẹnẹ ẹ sị mẹ ori dị ẹ yaa ka echee hi ẹtẹ yị ori ẹnịnị ịnị anị mẹ vaa yà nị.

Ijeremaya 44:21

Vú wee ro nịnị ka, vị ayị hi Ẹnẹyịmavara kà, ẹwụrị ohiku awụ nịnị ộ vavọọ mẹ̀ ịsọvọ nịnị ẹkụra ene hi Ijuda ọnịrị oze ene hi Ijerusarẹmị nị? Vú wee ro ka Ẹnẹyịmavara ẹ yị kụkụ tamayị ka ohinọyị awụ nịnị, ọdọvịdị awụ nịnị ọnịrị aza ene hi ẹkụra awụ nịnị ệ vavọọ mẹ̀ ịsọvọ ịzọọ nị?

Ijeremaya 44:25

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ẹwụrị ose ewu nịnị ọ sị eku hị́ ka, ụ vaa mẹ ịsọvọọ hị́ ori ọnị ụ ka ộ vị ohinọyị anyẹnẹẹ tụ ẹbẹẹba nịnị. Ịzẹyịza dị waa mẹ̀ ẹ nịnị nị. Oo zoza kẹ, ka tụ ọvịdị wa naa mẹ ịsị ọnị ụ hị́ eku ka ụ vaa mẹ̀ nịnị o.

Ijeremaya 44:9

Ọ kà, vị́ ayị wee hí wu nịnị ịsa odivi ọnị ohiku awụ nịnị mẹ ẹkụra ene hi Ijuda ọnịrị oze ene hi Ijerusarẹmị nị? Vị́ ayị wee hí wu nịnị ịsa edivi ọnị ẹwụrị ohinọyị Ijuda nịnị beri ese wu nịnị mẹ ịzọọ nị.

Ijeremaya 7:17

Ọ kà, aanị ka ọnị e yi re ịsị aza ẹnẹnị aa mẹ avaba ẹkụra ene hi Ijuda ọnịrị avaba oze ene hi Ijerusarẹmị?

Ijeremaya 7:18

Ezweyi ẹẹ na tọ ọkụ gụ, dị ada ẹnịnị sị ka ịra, dị anyẹnẹẹ ẹnịnị po ayị dị ẹ sị jị akara yị ịsị ẹ ka ọọ vị ohinọyị anyẹnẹẹ ana ya ẹbẹẹba. Ẹnịnị ẹẹ rẹ sị ehe dị ẹ sị mẹ̀ ịsọvọ yị ori nịnị ọyị mẹ ayị kụ ọnị.

Ezikẹẹrị 20:32

Wa sị ẹngụ tenyi nịnị ka ẹwụrị anẹkụra ana vọ ẹ̀ vị ọnyọọnya dị waa vàa ku ẹtẹ yị ọchị ọnịrị ịrẹta nịnị. Ama ẹ́ yị vaa vị wụ nịnị mẹ.

Ezikẹẹrị 20:8

Ẹnẹyịmavara kà, ama ẹnịnị ệ si eyi wụ ọnị, ẹ́ yị saasa ịrẹyị anị. Ẹnịnị ẹ́ yị và ori ẹnịnị ha; ẹnịnị ẹ́ yị sị ụvọ hụụnị ịrẹyị ori Anijipiti nịnị. Ọnị ô tenyi ẹngụ ka ọnị aa sị ọyịkụ anịị zụ̀ wa ẹtẹ Ijipiti ụmẹ avọọ.

Ezikẹẹrị 23:41

Ẹnịnị ệ yaatụ ịnị aga ọgọdọ ana sị itevuru tu ọvịdị anị. Itevuru ọnọọ vị ana a kụ ịsị ozoza-ozoza hi ịnị anị. Dị ẹ hyakụ kụ eturare ọnịrị angwẹ orivi ana a sị va yị ọnị tụ ọ bẹẹ nị.

Ezikẹẹrị 8:16

Ịzẹyịza dị ọ sị ọnị ngụ ịnị ohweje ịnị Irehi Ohomorihi nị. Ọ̀ sị gụrị enoze aha ọnịnị, ịnị akakana ụtọ ịsọvọ ọnịrị oze ana a zịị paraahu dị aza ẹnị ohurẹẹhị yà ịzọọ nị. Ẹnịnị ệ varẹma ka aha ọnịnị, dị ẹ va eyi ka ịzị ọyịị̄ hụrẹẹ vẹ, dị ẹ ka ịrẹsụ hi aa hẹkẹ ọyị nị.

Ihabaku 1:16

Avọọ dị ẹ mẹ̀ ịsọvọ, dị ẹ rị eturare ịra ọnị ẹ sị gụ́ ọha ẹnịnị ẹngụ ka ọ̀ mẹ ẹ́nị nyị ụvọha.

Ịrịka 30:12

Ama ọva anị ọ̀ọ wụ ọ dị ọ ka ọnị ẹ yị dọ ka ọ̀ mẹ ịsị ọ hị́ eku anị nị, ịsị ọ hị́ eku anị, à vị ịsị wo oto anị ọ́ sị vị osusu. Ẹnẹyịmavara vaa vagu ọ agụvị ka ọva anị ọ rẹ ẹ̀ yị zẹẹ ka ọ̀ mẹ ịsị o wo oto anị nị.

Ịrịka 30:2

asị ẹ̀ sị ahụ jịnẹ ọda anaā sị́ zẹ ịzẹzẹ. Ẹ́ mẹ ido avaba ịsa ọnị Ẹnẹyịmavara va ọ̀ọ ka yị wa.

Ịmaakị 6:26

Ịjị ohinọyị wụ́, ẹngụ anị ọ sị và hí. Ama o yi sì ka oni ò yi, agụvị eku ọnọọ sị hị́ ini eyi avaba azọga anị.

Iwe Ọhụhị Imosiisi ana aa hị́ Ọyịvatụrọda 23:23

Ama ịsa tụra ịsa ọnị ụ wàa ha irenu wo oto anị, re ka waa mẹ̀ ẹ, anka ọ me ze wu eyi, dị u sị irenu awụ wo oto anị yị Ẹnẹyịmavara Ohomorihi awụ.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.

1Ipita 1:18

Wâ yẹ nịnị ka Ijeesu Ikirisiti ọ sị wụ nịnị hị́ varẹma hụụnị oze osusu oni ohiku awụ nịnị vịdị aa zị. Ẹ́ yị vị igooru ọnịrị ọmọ eneē du, ọ sị hị́ wụ nịnị varẹma,

Ọdọvịdị 11:36

Dị ozi ọnẹẹ ọnọọ ka, Ada amị, wa raà sị irenu awụ kà a yị Ẹnẹyịmavara kà â nyị ịsị ụ vaa mẹẹ yị ọ, sị mị mẹ̀ ịsa tụra ịsa ọnị ụ wàa kà a ka ụ vaa mẹẹ yị ọ ịjị ọ ra mẹ ka wa nyị ehuna Anamọnị nịnị ana vị ọnịvị awụ.