Ijeremaya 44:16 - IWE ỌNỊNỊ

¹⁶ Ẹnị ẹ́ yị dọ ịrẹyị ọnị ọnị ka Ẹnẹyịmavara ộ tụ ọnị ka ọnị ọ̀ va ka aanị nị.

Ijeremaya 44:16 ပူးပေါင်းရင်းမြစ်များ

Ahẹ Ụgama 2:3

Ẹ ka ẹnị ẹ yị kụkụ dọ ka Ohomorihi ọ̀ vị ohirẹsụ ẹnịnị. Ẹ ka asị ọ rẹ kụkụ mẹ ọda tụra ẹnị ịrẹsụ.

Ọyịkụra 5:2

Di Ihwarawo ka, “Ẹ̀nị aā hị́ Ẹnẹyịmavara nịnị kẹ? Ẹ̀nị ọnọọ vị ana aa kà ịrẹyị ana vọrọ ka ọnị ò batọ anị, ọnị ọnị vaa hụ agụvị anịị hụrẹ Anisirẹrị nịnị ụvọ? Ọ kà ọnị ọ yị yẹ ka â vavọọ nyị Ẹnẹyịmavara. Dị ọ ka dị asị a kụ́ ịrẹka gọdọ, ọnị ọ yị vaa zẹẹ ka Anisirẹrị ẹ̀ na.”

Ụhịrẹyị 1:24

Irezi ẹnịnị ẹ mā wụ eesi-eesi. Ẹnịnị ẹ yị ma wụ́ ịrẹyị ọza.

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ijeremaya 11:10

Ẹnịnị ẹ sị varẹma naa mẹ̀ ebira odivi ohiku ẹnịnị. Ohiku ẹnịnị ẹ yị saasa ịrẹyị anị. Ẹnịnị ẹ́ naa hẹkẹ ori ọsa. Anisirẹrị ọnịrị Anijuda nịnị ẹ raa sị ahụ jịnẹ eku ọnị ọnịrị ohiku ẹnịnị mẹ.

Ijeremaya 11:8

Ama ẹnịnị ẹ yị wụ́ chire ọnị. Ẹnịnị ẹ yị wụ́ ịrẹyị anị. Dị ahịka ịsị ayị ọzọza ọọ ka yị wa kẹnẹ ẹ yaa saasa nị. Ayị ẹnịnị ọọ katẹngụ, avọọ o me divi nị. Ọ kà ọnị ộ kà a yị wa ka ẹnịnị ẹ̀ sị ụvọ za ịrẹyị ọnị ẹnị dọ beri ẹngụ tụ ịnị aanị ama ẹnịnị ê yi. Avọọ, ọnị aa sị avaba ụya ana ya ịnị anịị rị wa nị.

Ijeremaya 13:10

Ọ kà aza edivi ẹnẹnị ê yi ka ẹnị ẹ yị saasa ịrẹyị anị. Ayị ẹnịnị ộ katẹngụ, dị ẹ vị ẹnịrị ebira odivi nị. Ẹnịnị ẹ naa tanaa tụra ẹtẹ yị ori nịnị, dị ẹ yaa hẹkẹ wa nị. Agụvị avọọ, ẹnịnị vị ana vaa sị mẹ̀ ẹ anka ụbaja anaā sịị sụ́ ọtẹ ẹnẹ ẹ yị nyị ịsị ọkụkụ rụra mẹ aanị.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 38:4

Dị ẹnị ọdọvịdị nịnị na kà a yị ohinọyị ka, vị á vọrọ ka à wụ ọnọrụ ọnọnị nọ̀. Ẹ ka, ẹngụ ịrẹyị ọnị ọnị aa kà aanị, vị ọnị ọnị aa sị mẹ ka asị isoja ana vọ tụ ịnị ẹkụra kụkụ nyị ọtụtụrụma. Ẹ ka ịsị ọnyọọnya ọnị ọnị raa yịị mẹ̀ ẹ hi aza ana vọ ọ vị ọnọọ nị. Ẹ ka, ọnị ẹ yị gụ aza ụvọ vụrụ-vụrụ; vị ọnị aa kụ ọ kata wa ẹngụ kẹnẹ nị.

Ijeremaya 42:13

Ama, wàa ka wẹ́ yị kụkụ yà ịnị ẹtẹ ọnọnị nịnị, dị wẹ yị saasa ịrẹyị ọnị Ẹnẹyịmavara Ohomorihi awụ nịnị nị.

Ijeremaya 43:2

Dị ọnọrụ ọnya ana aā hị́ Azarịya ozi Ihosaya, ọnị Ijohananị ozi Ikareya ọnịrị ẹnị enee wù zị, nee tụ́ ohi ka, ireche oni ee che nị. Ẹ ka, Ẹnẹyịmavara, Ohomorihi ẹnịnị, ẹ́ yị tụ ọnị ka, ọnị ọ̀ kà a ka asị ẹnị na ra Ijipiti.

Ijeremaya 44:24

Ijeremaya ka, ọnị ộ kà a yị avaba anyẹnẹẹ ọnịrị avaba Anijuda ana ra Ijuda ka, ẹ̀ wụ́ ịrẹyị ọnị Ẹnẹyịmavara kà,

Ijeremaya 44:25

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ẹwụrị ose ewu nịnị ọ sị eku hị́ ka, ụ vaa mẹ ịsọvọọ hị́ ori ọnị ụ ka ộ vị ohinọyị anyẹnẹẹ tụ ẹbẹẹba nịnị. Ịzẹyịza dị waa mẹ̀ ẹ nịnị nị. Oo zoza kẹ, ka tụ ọvịdị wa naa mẹ ịsị ọnị ụ hị́ eku ka ụ vaa mẹ̀ nịnị o.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ijeremaya 8:6

Ẹnẹyịmavara kà ọnị ộ si ụtọ pe ẹtẹ ẹtẹẹtẹrẹ, ama wẹ yị kà ịzẹyịza nịnị. Ẹ yị nyị ọza ịnị ẹngụ awụ nịnị ene ro ịnẹ varẹma hụụnị ebira odivi anị. Ẹ yị nyị ọza ana kà a ka sị ọnị vana mẹ aanị da. Ọzọza vanaa zị oze anị anka umaata anaa nọ ịrẹkụ avọọ.

Ịdanịyẹrị 3:15

Dị ọ ka, booro aanị, ẹnịị ẹ̀ẹ wụ́ ọpanyị, okokoro ọnịrị isohu ana vọ ịrẹyị, ẹnịnị ẹ̀ vaku ẹtẹ dị ẹ̀ hẹkẹ uyi ọnị ọnị sị igooru mẹ jẹẹ aanị. Ama ẹnịnị ẹ̀ yị hẹkẹ ẹ, obobooro ọnọọ a vaa kụ wa dị e ne wa va hi ịnị ọba anaa kà ịra anaa zá giri-giri tụ nị, dị ọnị ò re ịsị ẹ vaa dọ wa tụ.

Iruuku 19:14

“Anẹkụra anị ệ nyị ịhyẹrẹ anị, dị ẹ tụ́ aza saasa a ka ẹ̀ kà a ka eni e yi sì ka ọ̀ vị ohinọyị ẹnịnị nị.

Iruuku 19:27

Ama ọnịvị amị ẹnẹnị ana ka eni e yi sì ka ma vị ohinọyị ẹnịnị aanị, kụ́ wa vẹ ọ́vịdị amị ịzẹnị, dị ụ wa wụ̀ wa nịnị!’ ”

1 Ịsamụwẹrị 8:19

Anisirẹrị nịnị ê yi, ẹ yị zẹẹ ka ẹnị ẹ̀ wụ́ ịrẹyị ọnị Ịsamụwẹrị aa kà a yị wa. Ẹ ka ẹ yị nyị ụvọ ẹnịnị rị ịnị ịrẹyị ọnọọ, ẹnị ka eni ee sị̀ ka ẹnị ẹ̀ nyị ohinọyị.