Ijeremaya 44:13 - IWE ỌNỊNỊ

¹³ Ẹnẹyịmavara kà ọnị vaa kụ ịrẹkụ, ụngwẹ ọnịrị ụkụụ tu Anijuda ana ra hi Ijipiti, dị ọnị sị sị ụya rị wa.

Ijeremaya 44:13 ပူးပေါင်းရင်းမြစ်များ

Ijeremaya 11:22

Ọnị vaa sị ụya rị wa. Ezwọọmụha ẹnịnị vị ana a vaa wụ̀ eyi ịrẹkụ. Ezi ẹnịnị vị ọnị ụngwẹ vaa wụ̀ vaa ha.

Ijeremaya 21:9

Ọza ana aa sị ahụ vaka ẹtẹ tu Ijerusarẹmị vị ọnị ịrẹkụ vaa rị; ẹ̀ yị vavọọ dị ụngwẹ à vị ụkụ wụ ọ. Ama ọza tụra ọza ana aa jịnẹ tụ ẹhẹ di ọ́ hụrẹ ẹngụ anịị ụvọ hẹẹ yị Anibabironi enee pe wa kụ ịrẹkụ booro aanị nị, e yi vee su.

Ijeremaya 24:10

Ẹnẹyịmavara kà ọnị vaa kụ́ ịrẹkụ, ụngwẹ ọnịrị ụkụ vee tù wa. Avọọ ọnị mẹ vaa mẹ wa pooro nee tu ka asị ọza ịnya kụkụ vọ tụ ịnị ẹtẹ ọnị ọnị sị yị ẹnịrị ohiku ẹnịnị nị.

Ijeremaya 24:9

Ọ kà ọnị vaa kụ ẹngụkata odivi tù wa ana vaa mẹ angwaa hi anẹhẹ. Ọ kà aza vị ana vaa sị wa mẹ enyinyi, dị aa sị ịrẹyị ẹnịnị mẹ̀ isiya, dị a raa kụ wa ụhụ. Aha tụra aha ọnị ọnị ọọ dụ wa ne hi vị ana a vaa sị ịrẹha ẹnịnịị chii hi aza.

Ijeremaya 42:15

ẹwụ nịnị Anijuda ana vọ ọ̀ wụ́ ịrẹyị Ẹnẹyịmavara nịnị. Ẹnẹyịmavara Ochẹtẹẹngụ, Ohomorihi Anisirẹrị nịnị ka: Wàa sị eyi và ka Ijipiti ka waa naa rá ịzọọ nịnị,

Ijeremaya 42:16

ịrẹkụ ọnị wee hí angwa anị nịnị aanị, ọ vaa wụ̀ wụ nịnị ịzọọ nị. Ụngwẹ ọnị wee hí angwa anị nịnị aanị vaa tụra wụ nịnị na ngụ ịzọọ, dị ụ sú va hi ịzọọ nịnị.

Ijeremaya 42:17

Ẹnẹyịmavara kà avaba aza ana sị eyi và ka Ijipiti ka ẹnị aa naa rá ịzọọ aanị, vị ọnị ịrẹkụ, ụngwẹ ọnịrị ụkụ vaa wụ̀ ha, ọ ka, ẹ́ yị nyị ọza ana vaa há hụụnị ịrẹyị odivi ọnị ọnị vaa kụ ụ tù wa.

Ijeremaya 42:18

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ijeremaya 43:11

Ẹnẹyịmavara kà, Inebukadineza vaa kụ́ ịrẹkụ ve Ijipiti, dị ọ nyị ẹbẹẹba nị. Aza anaa nyị ka ụkụ ọ̀ wụ, dị ụkụ wụ̀ wa, aza anaa nyị ka à za ọrịhị, dị a za wa ọrịhị. Aza anaa nyị ka à wụ ịnị ịrẹkụ ọnọọ, dị a wụ̀ wa.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.