Ijeremaya 44:10 - IWE ỌNỊNỊ

¹⁰ Ama wẹ yị va ka ẹngụ awụ nịnị chi pooro va ngụ ajịnị. Wẹ́ yị sị ụbanyị yị ọnị Ẹnẹyịmavara nịnị. Wẹ́ yị saasa ọda ọnị ọnị mẹ yị ẹwụrị ohiku awụ nịnị.

Ijeremaya 44:10 ပူးပေါင်းရင်းမြစ်များ

1 Ohinọyị 21:29

dị ọ ka, “Me re ka Ahabị ộ kà ẹngụ anị chi. Ka ộ maanị kà ẹngụ anị chi, mẹ yị kụkụ vaa kụ́ ịrẹyị odivi vee kú ọ ịrẹsụ ịnị ụmẹ aanị, ama ịnị ụmẹ ozi anị mị vaa kụ́ ịrẹyị ọnọọ vee kú irehi anị ịrẹsụ nị.”

2 Ohinọyị 22:19

ka ô ro ịnẹ, dị ọ va ẹngụ anị nẹtẹ, dị ọ na awuru anị hi ẹngụ, dị ọ sụ ùnè agụvị ka ộ wụ́ ka oni o chi hi wa ka ọnị vaa sị ụya rị Ijerusarẹmị ọnịrị aza ene hi ịzọọ. Ẹnẹyịmavara kà ọnị ọ raà wụ́ aduwa anị.

2 Ịtọpa 32:26

Ịjị Ihezekaya ọnịrị Anijerusarẹmị ro ịnẹ, dị ẹ ka ẹngụ ẹnịnị chi, dị Ẹnẹyịmavara ẹ yị kụkụ sị ụya rị wa pooro dị Ihezekaya ve su nị.

2 Ịtọpa 33:12

Ịjị ụya sị hụ ọ, dị ọ ka ẹngụ chi di o ro ịnẹ vaka Ẹnẹyịmavara ana vị Ohomorihi anị, dị ọ da ịpẹ ka ọ mẹ̀ ọgụvọ yị ọnị nị.

2 Ịtọpa 33:19

Avaba ịsa ọnị ohinọyị Ịmanasẹ mẹ̀ ịnị ụmẹ anị vị ana chẹrẹ tụ́ ịnị iwe ịtọpa ọnịsẹ nịnị. Aa chẹrẹ ohinọyị mẹmẹ mẹ̀ aduwa, ohi ọnị Ohomorihi sị yọ ọnịrị avaba ịvị ọnị ọ mẹ̀ dị ọ vee ro ịnẹ hụụnị ebira odivi. Avaba irehi ori ọnị ọ dà, ọnịrị uyi ori neberi ori Asẹra ọnị ọ kụ́ aha irenyi-irenyi dị aa hẹkẹ wa vị ana chẹrẹ tịtẹ.

2 Ịtọpa 34:27

Ô ro ịnẹ, dị ọ va ẹngụ nẹtẹ ọvịdị anị, dị ọ na awuru anị hi ẹngụ, di e sụ ùnè agụvị ka ộ wụ́ ka oni o chire wa angwa ka ọnị aa sị ụya rị Ijerusarẹmị ọnịrị aza ene hi ịzọọ. Ẹnẹyịmavara kà ọnị ọ raà wụ́ aduwa anị.

Ahẹ Ụgama 34:18

Ẹnẹyịmavara ộ gụrị aza ana ayị ẹnịnị ee du ka ẹnị ệ mẹ̀ ịsa odivi Aza ana ayị anị vavọọ du vị ọnị ọọ̄ dọ ọ há.

Ahẹ Ụgama 51:17

Ọza ana ayị anị du ka ọnị ọ raà mẹ̀ ebira odivi, ẹnị ẹ mẹ̀ ịsọvọ oni Ohomorihi sì nị Ẹnẹyịmavara, ẹngụ ọza ana ayị anị ọ̀ọ vavọọ du, we yi vee yi waa tịtẹ.

Ahẹ Ụgama 78:10

Ẹnịnị ẹ yị jẹẹ pè ịrẹyị oni Ohomorihi pè wa kà tịtẹ, ẹ yị zẹẹ ka ẹnị ẹ̀ sị eyi pè ọda anị.

Ọyịkụra 10:3

Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.

Ọyịkụra 9:17

Ọ kà ọ̀ kà a ka ọnị ka a vi ee yii wù, dị ọ̀ yị zẹẹ ka ẹ̀ naa,

Ọyịkụra 9:30

Dị ọ ka ama ọnị ọ yẹ ka ọnịrị anụkọrọ anị ee yị ve hí angwa Ẹnẹyịmavara ana vị Ohomorihi.

Ụhịrẹyị 14:16

Ọza ana yẹ ịrẹyị vị ene e zwe yị ịrẹyị ama ọnụra vị ene zwe huuru na gẹrị ọ.

Ụhịrẹyị 16:6

Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị.

Ụhịrẹyị 28:14

Ịrẹsụ ọyịza ọ vị yị ọza ene hí angwa Ẹnẹyịmavara nị ama Anakamawụ vi ene vee vu.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ayịsaya 42:24

Ẹnẹ hụrẹ Ijekọvụ ụvọ yị aza ana kụ́ wa ẹnya? Ẹnẹ hụrẹ Isirẹrị ụvọ yị anako nịnị? Ẹnẹyịmavara ụvọta, ọnị ị mẹ̀ ebira odivi hii yọ nị. Yẹ̀ yị zẹẹ ka ya ra anka o mè sì, dị yẹ̀ yị zẹẹ ka ya saasa ọda anị nị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ijeremaya 10:7

È nee yị vee hí angwa ẹwụ ohinọyị avaba ẹhẹ? Vị a vọrọ ka ee hí angwa awụ nị. Ịnị avaba ọyẹrẹyị ẹhẹ ọnọnị ọnịrị avaba ohinọyị ẹnịnị ẹ yị nyị ọza anka ẹwụ.

Ijeremaya 26:4

Ijeremaya ka Ẹnẹyịmavara kà ọnị ọ̀ kà a yị aza ẹnẹẹ ka, ẹnịnị èe yị ka ẹnị ẹ́ yị wụ́ ịrẹyị ọnị Ẹnẹyịmavara, dị ẹnịnị ẹẹ saasa ọda ọnị ọnị sị yị wa nị,

Ijeremaya 32:23

Ama ịjị ẹ́ va sị ra ịnị ẹtẹ ọnọnị, ẹnịnị ẹ́ yị saasa ọda awụ. Ẹnịnị ẹ́ yị mẹ ịsị ụ kà yị wa. Avaba ịsị ụmẹ ọda anị yị wa ka ẹẹ mẹ, ẹ́ yị nyị ẹnẹ ẹ mẹ. Agụvị avọọ ụ maanị kụ odivi ọnọnị tù wa aanị nị.

Ijeremaya 36:24

Angwa e yi re ve hí ohinọyị ọnịrị ezi ahụ anị ana wụ́ ịrẹyị ọnọnị. Ẹnịnị ẹ́ yị daba mẹ̀ ebira ana sị zụ ka ẹnị ee du ayị vụrụ-vụrụ.

Ijeremaya 44:23

Ka wẹ́ yị saasa avaba ọda Ẹnẹyịmavara nịnị, wâ mẹ̀ ebira odivi, dị ụ naa mẹ̀ ịsọvọ hi ori nịnị, ọ mẹ ka ẹngụkata ọnọnị ò tu wu nịnị ọyaanị nị.

Ijeremaya 5:3

Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

Ijeremaya 6:15

Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ezikẹẹrị 9:4

Ọ̀ ngụ avaba Ijerusarẹmị zịịzị, avaba aza enee du ayị agụvị ka aza aa mẹ ịsị aa nyị ọnị ịhyẹrẹ aanị ịnị ẹkụra, dị ọ̀ tọ̀ wa ịrẹwa ịnị ibe nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Iruuku 23:40

Ama dị ọsa tụ́ ohi, dị aa tụ́ ịịpaapa ohuvọ nị. Dị ọ ka, “Wẹ yị daba hí angwa Ohomorihi, ka â mẹ̀ ọkarẹyị ọnyọọnya yị ẹwụrị ọọ?

Aniroomi 11:20

Ịzẹyịza yọ. Ẹnịnị ẹ yị sị ayị tụra Ohomorihi, agụvị avọọ Ohomorihi dà wa kwooze nị. Ộ sị ẹwụ nịnị va tụ́ udi ẹnịnị, agụvị ka ẹwụ nịnị ộ sị ayị tụra Ohomorihi. Asị ụ na sị ọnọọ mẹ eyi zịịzị nịnị, ama â vọrọ ka wa nyị angwahi nịnị!

1Ipita 5:6

Agụvị avọọ, kà ẹngụ awụ nịnị chi ọvịdị Ohomorihi ana nyị ụkata, agụvị dị ọ̀ sị wụ nịnị tụ́ ẹba ịnị ụmẹ ene èe zée eyi.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.