Ijeremaya 43:13 - IWE ỌNỊNỊ

¹³ Ẹnẹyịmavara kà, ọhẹ ana a sị ịrẹta mẹ tụ ịzị aā hị́ Iheriyoporisi ẹtẹ Ijipiti, ẹnẹ ẹ yaa hẹkẹ avọọ, vị ọnị ohinọyị Ịbabịrọnị vaa chaka rugu-ruguu vàa ha. Dị ọ rị irehi ori Anijipiti nịnị ịra va ha.

Ijeremaya 43:13 ပူးပေါင်းရင်းမြစ်များ

Oyinyima 41:45

Di Ihwarawo ka Ijosẹẹhụ ọ kụkụ rị Izahwenati Ipaniya nị. Di ohinọyị sị Asenati ozi Ipotihera gà Ijosẹẹhụ dị ọ nyị ọ nị. Ipotihera ọnọọ ọ vị ohirẹsụ irehi Ohomorihi tụ́ ẹkụra Oni nị. Di aza sị yẹ ka Ijosẹẹhụ ọ kụkụ sị eyi pe Ijipiti nị.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ayịsaya 19:18

Ịnị ụmẹ ọnọọ anẹkụra ẹẹhị ịnị ẹtẹ Ijipiti vaa kà ẹkụra Anikenaani. Ẹnịnị vaa hị́ eku ka Ẹnẹyịmavara Ochẹtẹẹngụ ẹnị kụkụ aa hẹkẹ nị. Ọnya ịnị ẹkụra ẹnẹẹ vị ana a vaa hị́ Iheremi.

Ayịsaya 46:2

Ẹnịnị ệ kahi, ẹnịnị ê dudu ku ẹtẹ nị. Ẹnịnị ẹ yị zụ dọ ẹngụ ẹnịnị tụ. A sị ẹnị ụvọta za ọrịhị aa nọ aha ọsa.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ijeremaya 25:19

Avaba aza ẹnẹnị ya ịnị aza ene hú eche ịnị ako ọnọọ. Ihwarawo, ohinọyị Ijipiti ọnịrị ezi ahụ nịnị.

Ijeremaya 43:12

Ọ kà, ohinọyị Ịbabịrọnị vaa jị ịra da irehi Anijipiti nịnị. Ọọ rị ori ẹnịnị ẹnyị ịra, dị ọ kụ ẹnyị aa na. Óseratẹmẹ mẹẹ tọ̀ọ́ ịhyama hụụnị ịta anị hụyẹ-hụyẹ, avọọ ohinọyị Ịbabịrọnị mẹ vaa nyị ẹbẹẹba Ijipiti, dị o hì ọ hụyẹ-hụyẹ, dị aa na nị.

Ijeremaya 44:1

Ijeremaya ka, Ẹnẹyịmavara ộ kà ịrẹyị yị ọnị ịnị ịpa avaba Anisirẹrị ene hi Ijipiti. Ẹnịnị vị ene hi ẹtẹ Imigidori, Itehahwinehesi, Imemihwisi ọnịrị eyi ụvẹtẹ Ijipiti.

Ijeremaya 46:25

Ẹnẹyịmavara Ochẹtẹẹngụ, Ohomorihi Anisirẹrị ka, ọnị vaa sị ụyaa rị ori Anitebesi ana aā hi Amọnị. Ọnị vaa sị ụyaa rị Ijipiti ori anị nịnị beri ohinọyị ẹnịnị ọnịrị avaba aza ana sị ayị tụra ohinọyị ọnọọ.

Ezikẹẹrị 26:11

Avaba ẹkụra awụ nịnị vị ẹnẹ vaa ngụụ zị, dị ẹ sị ụ̀hwọ̀ wụ̀ aza awụ nịnị ha, ohinọyị awụ nịnị vị ẹnẹ vaa wụ̀ bẹẹ.

Ezikẹẹrị 30:13

Ẹnẹyịmavara Ochẹtẹẹngụ ka, ori apaapẹ ene hi ẹtẹ Imemihwisi vị ọnị ọnị vee duu ha. Ẹ́ yị ma vana nyị ọza ana vaa mẹ ohii tụra Anijipiti nịnị ịrẹsụ. Avaba aza ene hi ẹkụra ọnọọ vị ọnị ọnị vaa mẹ angwaa hí.

Ezikẹẹrị 30:17

Ezwọọmụha ene e hi Iheriyoporisi ọnịrị Ibubasitisi vị ene vee su ha ịnị ịrẹkụ ọnọọ. Dị a za ẹnị ana vọ ọrịhị ne hi ẹkụra ọsa.

Ịdanịyẹrị 11:8

Ori Anisiriya nịnị ẹnị ẹ bẹ vene ịsị irenyi-irenyi vị ọnị ọ vaa kụ ne hi ẹtẹ Ijipiti. Ẹnya ana sị igooru mẹ ọnịrị ana sị isiriva mẹ ẹnẹ sịị̄ hẹkẹ ori ẹnẹẹ vị ọnị ọ vaa kụ vaka a bẹẹ. Ọ vaa sị ịrayị chee tịtẹ ka a sị mẹ ẹngwọọrọ.