Ijeremaya 43:12 - IWE ỌNỊNỊ

¹² Ọ kà, ohinọyị Ịbabịrọnị vaa jị ịra da irehi Anijipiti nịnị. Ọọ rị ori ẹnịnị ẹnyị ịra, dị ọ kụ ẹnyị aa na. Óseratẹmẹ mẹẹ tọ̀ọ́ ịhyama hụụnị ịta anị hụyẹ-hụyẹ, avọọ ohinọyị Ịbabịrọnị mẹ vaa nyị ẹbẹẹba Ijipiti, dị o hì ọ hụyẹ-hụyẹ, dị aa na nị.

Ijeremaya 43:12 ပူးပေါင်းရင်းမြစ်များ

2 Ịsamụwẹrị 5:21

Di Anihwirisiti navọ ori ẹnịnị hi ịzọọ, di Idevidi ọnịrị aza anị kụ́ wa aa na nị.

Ẹsịta 6:9

À kụ́ awuru ọnọọ ọnịrị umaata yị ọnya ịnị ọdọvịdị anụkọrọ ohinọyị nịnị, dị ọ sị awuru ọnọọ chire ọza ọnị ohinọyị sị ụbanyị yị aanị. Ọ̀ọ vavọọ reè chire e yọ, dị ọ̀ sị ọ tụra umaata ngụ ịnị ubooro zịịzị. Dị ọ yà ọvịdị anị, dị ọọ nọ̀ ọ ka è re e ka, aanị ohinọyị mẹ̀ sị ụbanyị yị ọza ọnị o sì anị nị oo!”

Ijoovu 40:10

Ijoovu ọ̀ọ vavọọ sị ya ọ kwẹẹtẹ dị ọ̀ sị ụbanyị ọnịrị ịzị ọ hụụ tu zụ kẹ.

Ahẹ Ụgama 104:2

Wâ sị ẹtohweyi dị ụ sị mẹ awuru chire nị, dị ụ maanị gana ẹhẹ jẹẹ anka ọza òó rere jị ajẹngụ avọọ nị.

Ahẹ Ụgama 132:16

Ẹnẹyịmavara rẹ ka ohirẹsụ irehi anị ene hi vị ọnị ọnị vaa mẹ ka ò zee yi ẹtẹẹtẹrẹ, dị aza anị ene hi ịzọọ aa jị ahẹ ịrajẹ.

Ahẹ Ụgama 132:18

Ọ kà ọnịvị ozi Idevidi ọnọọ vị ọnị ọnị vaa mẹ̀ ụhị nyị ẹtẹẹtẹrẹ, ama dị ọnị mẹ ka ohinọyị, ọnị ozi Idevidi ọnọọ aa mẹ ọ vị ohinọyị ize ọnịrị ụbanyị.

Ọyịkụra 12:12

Ọ kà ịrahụ ịhị ọnọọ gẹdẹ-gẹdẹ, ọnị vaa parahu ịnị ẹtẹ Ijipiti. Avaba ozi ọzọkụ ẹnịnị, ọ́ọza ọnịrị ịsụpa vị ọnị ọnị aa wụ. Dị ọnị mẹ̀ ọkarẹyị yị avaba ori Anijipiti. Dị ọ ka ọnị Ẹnẹyịmavara ọ ka avọọ nị.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ayịsaya 21:9

Ụmẹ ọnya kẹnẹ di o vene nowu dị ọ ka, “Aza ẹnẹẹ aa vẹ avọọ nọ! Ẹnịnị vị ana tụra umaata aa vẹ ẹvẹẹva!” Dị ọ rẹ ka, “Kwaa-kwaa, Anibabironi ẹ sị hyẹdụ, mị ka ẹ kụ́ hyẹdụ bemi! Avaba ori anị ana a bẹ vị ana maanị gara hi ẹtẹ.”

Ayịsaya 46:1

Vị́ ori Anibabironi nịnị ta aanị nọ! Ịbẹẹrị ọnịrị Ineebo vị ori ẹnẹ ẹ vịdịị hẹkẹ, ama booro aanị e ree kune wa tụra ịkẹrịkẹtẹ nịnị. Ịsụpa ọnị ọ sị ngụ ẹngụ e kụnẹ wa tụra nị.

Ayịsaya 46:2

Ẹnịnị ệ kahi, ẹnịnị ê dudu ku ẹtẹ nị. Ẹnịnị ẹ yị zụ dọ ẹngụ ẹnịnị tụ. A sị ẹnị ụvọta za ọrịhị aa nọ aha ọsa.

Ayịsaya 49:18

Kụra eyi tụ ẹba, dị ụ we re aza awụ nịnị ana vẹ eehi. Ẹnẹyịmavara kà ọnị ọ̀ọ yara, ẹnịnị va sị aza ẹnịnị mẹ eyi anka ọnyẹnẹẹ ọwọọwa ana a kụ ọmọ hi ẹngụ avọọ.

Ayịsaya 52:1

Ẹwụ nịnị Anijerusarẹmị kwẹẹtẹ, kwẹẹtẹ wa sị tụ ụkata nịnị. Ẹwụ ẹkụra ọnịnị Óhomorihi, waa mẹ ụbanyị anka ọza ọ̀ọ kụ́ ịta ozoza hi ẹngụ avọọ. Aza ẹnẹ ẹ̀ yị jị ụvẹvẹnẹ, ọnịrị aza ẹnẹ ẹ̀ yị nị, ẹ yị vaa zị oze ọbanyị awụụ paraahu.

Ayịsaya 59:17

Ẹnẹyịmavara vaa sị ịzẹyịza jị awuru chire anka awuru ịrẹkụ, dị ọ sị ụkata ẹdọha ku ịrẹsụ anka amu ịrẹkụ enyusẹ-enyusẹ avọọ. Ọ vaa sị oyisì ọkatẹngụ mẹ awuru chire, dị ọ sị ụya rị anayịchama nịnị, di o họ̀ oponu aza ana mẹ akụvị hi.

Ayịsaya 61:10

Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.

Ayịsaya 61:5

Anikinami nịnị vaa hẹkẹ aza anị. Ẹnị ẹ vaa sị eyi pe ịsụpa ẹnịnị dị ẹ yaa dà aarẹ yị wa, di e yee tenyi ụbazị ịvayịnị ẹnịnị nị.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 25:19

Avaba aza ẹnẹnị ya ịnị aza ene hú eche ịnị ako ọnọọ. Ihwarawo, ohinọyị Ijipiti ọnịrị ezi ahụ nịnị.

Ijeremaya 43:13

Ẹnẹyịmavara kà, ọhẹ ana a sị ịrẹta mẹ tụ ịzị aā hị́ Iheriyoporisi ẹtẹ Ijipiti, ẹnẹ ẹ yaa hẹkẹ avọọ, vị ọnị ohinọyị Ịbabịrọnị vaa chaka rugu-ruguu vàa ha. Dị ọ rị irehi ori Anijipiti nịnị ịra va ha.

Ijeremaya 46:25

Ẹnẹyịmavara Ochẹtẹẹngụ, Ohomorihi Anisirẹrị ka, ọnị vaa sị ụyaa rị ori Anitebesi ana aā hi Amọnị. Ọnị vaa sị ụyaa rị Ijipiti ori anị nịnị beri ohinọyị ẹnịnị ọnịrị avaba aza ana sị ayị tụra ohinọyị ọnọọ.

Ijeremaya 48:7

Ẹ ka, agụvị ka waa sị ayị tụra aha ụkata awụ nịnị ọnịrị ogu awụ nịnị, ẹwụ nịnị nyẹmba vị ana a rẹ vaa za. Ori awụ nịnị ana aā hị́ Ikemosi vị ana za ọrịhịị nọ aha ọsa. A vaa za wa beri ohirẹsụ irehi ori ẹnịnị ọnịrị ọdọvịdị ẹnịnị.

Ijeremaya 49:27

Ẹnẹyịmavara Ochẹtẹẹngụ ka ọnị vaa jị ịra da avaba irehi ene hi Ịdamasịkọsị. Irehi ohinọyị Ịbẹnịhadadị ịzị isoja nịnị yaa sere ẹtẹ vị ọnị ọnị vaa rị ịra bẹẹ.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Ezikẹẹrị 29:11

Ẹ́ yị ma vana nyị ọza à vị ịsụpa anaa vanaa zị avọọ paraahu, ọ́ vaa mẹ ịrayị ẹbẹẹva, ẹ́ yị nyị ịsị ẹẹ vanaa ra ịzọọ.

Ezikẹẹrị 29:19

Booro aanị, ọnị Ẹnẹyịmavara Ananyị yị hụ aa kà a ka: Ọnị vaa sị ẹtẹ Ijipiti chire Inebukadineza ụvọ, ọ vaa kụ wa ẹnya saka-saka, dị ọọ kụ ogu Anijipiti, dị ọ sị sí isoja anị nịnị ụta.

Ezikẹẹrị 30:13

Ẹnẹyịmavara Ochẹtẹẹngụ ka, ori apaapẹ ene hi ẹtẹ Imemihwisi vị ọnị ọnị vee duu ha. Ẹ́ yị ma vana nyị ọza ana vaa mẹ ohii tụra Anijipiti nịnị ịrẹsụ. Avaba aza ene hi ẹkụra ọnọọ vị ọnị ọnị vaa mẹ angwaa hí.

Ịdanịyẹrị 11:8

Ori Anisiriya nịnị ẹnị ẹ bẹ vene ịsị irenyi-irenyi vị ọnị ọ vaa kụ ne hi ẹtẹ Ijipiti. Ẹnya ana sị igooru mẹ ọnịrị ana sị isiriva mẹ ẹnẹ sịị̄ hẹkẹ ori ẹnẹẹ vị ọnị ọ vaa kụ vaka a bẹẹ. Ọ vaa sị ịrayị chee tịtẹ ka a sị mẹ ẹngwọọrọ.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Aniroomi 13:12

Ụmẹ ịrahụ ọnọnị aa vaa ta, eyi aa vaa nị. Agụvị avọọ à kụkụ vẹ ya và ụkọrọ ịrahụ hi ẹtẹ, dị ya kụ́ ẹnya ịrẹkụ ọọdụ; ọnọọ vị ka

Anẹhwẹsọsị 4:24

Kụkụ nyị ebira ọwọọwa oni Ohomorihi mẹ véné ẹngụ anị nịnị! Ẹngụ ebira ọnọọ vị anaā mẹ̀ ịsa ana vọrọ, dị ọ́ nị, di o re zé Ohomorihi eyi.

Anẹhwẹsọsị 6:11

Avaba ẹnya ịrẹkụ oni Ohomorihiī kụ́ụ yị ọza, kụ́ ọọ nịnị! Ọnọọ vaa mẹ ka wa zụ và eyi kà evene Echu nịnị.

Anikorasi 3:12

Ohomorihi ọ sị wụ nịnị nyị mẹ aza anị; óo sì ịrẹyị awụ nịnị. Agụvị avọọ waa mẹ̀ ebira ana vọrọ tụra ọza Ohomorihi nịnị! Wee roo yị ẹngụ, dị waa ngụ ayị ẹngụ nịnị. Kà ẹngụ awụ nịnị chí, nyị ebira hẹẹ ọnịrị ayọnẹtẹ nịnị.

Anikorasi 3:14

Ịsị e hu keekere ọ vị ka wee sì ịrẹyị ẹngụ nịnị. Ịrẹyị ẹngụ oyisì ọ kụ́ avaba ebira ẹnẹẹ gẹ nị. Ọnị ọ zụ mẹ ka ọza ọ̀ gụ nị.