Ijeremaya 42:18 - IWE ỌNỊNỊ

¹⁸ Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ijeremaya 42:18 ပူးပေါင်းရင်းမြစ်များ

2 Ịtọpa 34:25

Ẹnẹyịmavara kà ẹnịnị ệ raà va ịrẹma na mẹ̀ ịsọvọ yị ori nịnị. Avaba ịsa ẹ mẹ o re du ọnị ayị. Agụvị avọọ ọnị aa kụ́ ayị hi Anijerusarẹmị nịnị. Ọyịkụ anị ọ yị vaa ta.

Ayịsaya 30:3

Ohinọyị Anijipiti ọ yị va zụụ gụ wụ nịnị ụvọ, ama vị ọ vaa mẹ ụhịị nyị wụ nịnị nị. Mị ka ụsẹ ụtẹ ọ vaa sị wụ nịnị zị nị.

Ayịsaya 65:15

Aza amị ẹnị mị nyị vị ana vaa sị ịrẹha awụ nịnịị chìi hi ọza. Ẹmị Ẹnẹyịmavara Ohomorihi vaa mẹ ka we su nịnị. Ama mị vaa sị ịrẹha ọwọọwaa yị aza anaa saasa ịrẹyị amị.

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 22:27

Ọ kà a vanaa vụva ka ẹnị ẹ̀ vavẹ ẹkụra ẹnịnị ọnọnị, ama ẹnịnị ẹ ị ma vana zụ vavẹ.

Ijeremaya 23:40

Ọ kà, ọnị vaa mẹ ka à kụkụ mẹ wa isiya pooro zịna-zịna nị. Dị ọnị mẹ̀ ụhị nyị wa ọnị ẹnịnị ẹ̀ yị vee hi ayị anị paa.

Ijeremaya 24:9

Ọ kà ọnị vaa kụ ẹngụkata odivi tù wa ana vaa mẹ angwaa hi anẹhẹ. Ọ kà aza vị ana vaa sị wa mẹ enyinyi, dị aa sị ịrẹyị ẹnịnị mẹ̀ isiya, dị a raa kụ wa ụhụ. Aha tụra aha ọnị ọnị ọọ dụ wa ne hi vị ana a vaa sị ịrẹha ẹnịnịị chii hi aza.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ijeremaya 29:22

Ịhị aza ana a za ọrịhị hụrị Ijerusarẹmị ne hi Ịbabịrọnị aanị ẹẹ ka ẹnị aa tụ ozirenuu hi ọza, ẹnịnị kụkụ vaa kà a ka; Ẹnẹyịmavara ọ̀ mẹ wụ anka ọ́ mẹ mẹ Ịzẹdẹkaya ọnịrị Ahabị ọnị ohinọyị Ịbabịrọnị hù irenyi-irenyi avọọ.

Ijeremaya 33:5

Anibabironi nịnị vaa wụ̀ aza vaa hi ẹtẹ vẹẹrẹ. Ẹnẹyịmavara kà aza ẹnẹẹ vị ọnị ọnị vịdị sị ọyịkụ-ọyịkụ wụ. Ọ kà ọnị vaa sị eyi kwooze yị Anijerusarẹmị agụvị ebira odivi ẹnịnị.

Ijeremaya 44:12

Avaba Anijuda ana vọ, dị ẹ ka vị ẹnị aa naa ra Ijipiti nị, ọnị vaa mẹ ka è vú avaba ẹnịnị ẹtẹ. Avaba ẹnịnị vị ene vee su vaa hi Ijipiti, ẹ̀ẹ vị ọzọkụ, ẹ̀ẹ vị ozweyi. Enee su ịnị ịrẹkụ, dị ụngwẹ wụ̀ wa. Angwa vị ene vee hi aza enee re wa. Vị a vanaa si eyii wụ̀ wa, dị aza aa sị ịrẹha ẹnịnịị chi hi aza nị.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ijeremaya 44:6

Ọ kà agụvị avọọ ọnị vavọọ kụ ayị hi ẹkụra ene hi Ijuda ọnịrị avaba oze ene hi Ijerusarẹmị dị ọnị jị ịra da wa nị.

Ijeremaya 44:8

Ọ kà, sị ẹ vẹ dị waa mẹ ayị kụ ọnị nịnị? Waa va ra Ijipiti nịnị, dị waa mẹ ori nịnị, dị waa mẹ̀ ịsọvọ hi wa nịnị nị. Vị́ waa maanị aa mẹ ka we si vu ẹngụ awụ nịnị ẹtẹ, dị avaba anẹhẹ ẹ̀ kụkụụ si eyi wụ wụ nịnị, dị ẹẹ sị ịrẹha awụ nịnịị chìi hi aza nị?

Ijeremaya 6:11

Ọnị ka, ọnịrị ọyịkụ Ẹnẹyịmavara ọ vị booro aanị nị. Ọnị ẹ yị kụkụ zụ zaa. Dị Ẹnẹyịmavara va ka ẹ yị ọnị ka, ọnị ọ̀ và a ku ezweyi-ezweyi ene hi ịnị orere ọnịrị ezwọọmụha nịnị ịzị ẹẹ kụ ẹngụ gụ hi. Ọ kà, ẹvarose vị ana vaa za, azọkụ ene si bo nyẹmba ẹ yị vaa ha.

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Arụwẹ 2:4

Ộ sị ọpa gẹ ọ́za anka ọnịvị ọza avọọ, dị ộ wụ̀ avaba aza ọnị ị sị eyi ka nị. Ộ raa sị ọyịkụ pa ịva yị ẹnị ẹtẹẹtẹrẹ.

Arụwẹ 2:6

Ộ chaka irehi Ohomorihi ịzị ịị̄ yaa hẹkẹ ẹ. Ẹ yị zẹ ka ẹnị ẹ̀ kụkụ rị eche ọnyọọnyị à vị ka ẹnị mẹ ahẹkẹ ẹkụhị ụhwọtụ. Ọ raà sị ọyịkụ Anị zụ ohinọyị nịnị ọnịrị ohirẹsụ irehi Ohomorihi nịnị.

Arụwẹ 4:11

Ịjị ọyịkụ Ẹnẹyịmavara hịrẹ ụna tu wa, dị ọ rị ẹkụra Ịzayọnị ịra na ka ẹtẹ nị.

Ezikẹẹrị 20:34

Ịjị ọnị ọọ varẹma kụ wụ nịnị gụ hụrị avaba ẹkụra ọnị ụ che ne hi nịnị, ọnị vaa sị ụkata anị ọnịrị ọyịkụ anịị zụ wụ nịnị.

Ezikẹẹrị 22:22

Ọnị vaa mẹ wa pẹpẹpẹ vàa hi ẹtẹ Ijerusarẹmị anka a mẹẹ kà ịraa hi isiriva dị ọ na và hi ịzị aā yaa kà ịraa hi enyusẹ avọọ.

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Ịdanịyẹrị 9:27

Ọdọvịdị ọnọọ ọnịrị aza ọrụrụ-ọrụrụ vaa dọ yị ẹngụ ẹtẹẹtẹrẹ dị ọ mẹ ịrayị ịhịmba. Ịnị akakana ịrayị ọnọnị dị ẹ yị kụkụ zẹ̀ẹ ka àa mẹ̀ ịsọvọ hi Ohomorihi. Ẹ yị rẹ vaa zẹ̀ẹ ka àa sị ẹyịza ve ịnị irehi Ohomorihi bẹ ẹ. Ọ vaa sị ịsa eenyisi na jẹ ẹ ịnị ohurohuro irehi Ohomorihi pooro na ngụ ịjị Ohomorihi o vu ọza ana sị ọ jẹ ịzọọ ẹtẹ anka ọ mẹ vịdị mẹ̀ẹ ọda e zi ọ.

Ihoseya 7:16

Ẹnịnị e yi si ọgụvọ hụrị ẹbẹẹba ịda Ẹnẹyịmavara. Ẹnịnị sị mẹẹ anka ọkịta ana rara enee zụ che ịsa avọọ nị. Ọnịvị ẹnịnị ẹ vaa wụ́ ọdọvịdị ẹnịnị ha nị.

Ịnahụmị 1:6

Ẹnẹyịmavara àa kụ́ ayị, ẹnẹ hụ ọ jẹẹ zi ọ? Ẹnẹ zụ ha hụụnị ọyịkụ ọkatẹngụ anị? Ọyịkụ anị vị ana sị mẹ anka ịra anaa rị ọsa avọọ. Dị avaba ịda nịnị sụ̀ atịtọ ọvịdị anị nị.

Ịzakaraya 8:13

Ịnị ịyẹẹyẹ, anẹkụra ọsa nịnị vene chi hi aza ka o divi yị wa anka Ijuda ọnịrị Isirẹrị, avọọ Ẹnẹyịmavara kà ọnị vaa dọ wa ha, dị aa kụkụ a sị ize ẹnịnị hị́ ọsa yị aza. Avọọ ẹnịnị ẹ nyị ọtụtụrụma, asị e hí angwa.

Ịrịka 5:27

Áa vị ka ọnyẹnẹẹ ọnọọ ộ sẹ̀ ịrẹka, enyi ọnị o hu aanị vaa vị ka ozirenu ọ za a. Dị ị̀rẹ̀ka anị o wu, di ịhị ozi va ngụ ọ ẹngụ, dị ẹ yị kụkụ zụ ma ozi. Dị ọvị ọza ozirenu ini akakana aza anị.

Ẹtore 14:10

ọ vaa yẹ ọyịkụ Ohomorihi. Ọyịkụ anị ọnọọ vị ana sị mẹẹ anka ẹchịpa ohuru-ohuru avọọ, ọnọọ ká tụ́ ini ako ọyịkụ anị ana aza ẹnẹẹ vee hú. Dị ẹ yaa rị ụya ịnị ịra anaa sị ohuru tụ́ éyi anggẹẹrị ọnịnị nịnị ọnịrị Ozi Atẹmẹ ọnọọ.