Ijeremaya 42:14 - IWE ỌNỊNỊ

¹⁴ Wàa ka ụ waa naa ra ẹtẹ Ijipiti nịnị, ka ịzọọ u wè yị vee re ịrẹkụ nịnị nị, à vị ka wa wụ ọpanyị ịrẹyị nịnị nị. Wèe roo ka ịzọọ ụngwẹ ẹ̀ yị vaa kụ̀ wụ nịnị dị ụ ka waa na ra ịzọọ nịnị nị,

Ijeremaya 42:14 ပူးပေါင်းရင်းမြစ်များ

Ọyịkụra 16:3

Di Anisirẹrị kà a yị wa dị ẹka: “Àa yẹ Ẹnẹyịmavara ọ̀ vana wụ yi hi Ijipiti. I mè hi ịzọọ yàa rị uye ọnịrị ịsọyịrị ana vọ o mè zee yi eyi. Ama wa raà kụ́ avaba ayị ẹnẹnị vẹ ịnị ụnọmị ịzẹnị ka wa sị ụngwẹ wụ̀ yị va ha nịnị.”

Ọyịkụra 17:3

Enyi aa kụ̀ aza ẹnẹẹ ịzọọ ẹtẹẹtẹrẹ, dị ẹ yaa rị ihuhuu hi Imosiisi nị. Dị ẹ ka, “Sị ẹ vẹ dị ụ kụ́ yị hụrẹ Ijipiti vẹ ịzẹnị ka asị i re enyi hú dị ẹyịrị ezi eyi ne beri ịsụpa ayị è sú?”

Ayịsaya 30:16

Ama wê yi nịnị. Ụ ka u waa tụra umaata di wee zwe nịnị nị. Ịzẹyịza u vee zwe nịnị nị. Wê ro ka umaata awụ nịnị ệ rẹ, yẹ ka umaata ọnịrị awụ nịnị ẹnị vị ana rẹ rẹ́.

Ayịsaya 30:2

We si hu ee nee tù Anijipiti ka ẹ̀ va gụ wụ nịnị ụvọ Ẹnẹyịmavara da nịnị. Wee si ka Anijipiti ọ̀ va gụ wụ nịnị ụvọ dị ahịka ohinọyị Anijipiti ụ kụkụ sị ayị tụra nịnị nị.

Ayịsaya 31:1

Ẹwụ nịnị ana nọ Ijipiti ka vi u wee nee sì ọgụvọ nịnị, wa sị dà nịnị, we yi re ẹpẹ sị va. Mị ka ẹwụ nịnị ana sị ayị tụra umaata Anijipiti ka ệ mẹ̀hị rụrụ, ọnịrị ka ệ nyị ọmụha ana aā sị umaataa kù ịrẹkụ, wa sị dà nịnị. Wẹ yị kụkụ zẹẹ ka wa sị ayị tụra Ohomorihi ọnịnị ana Anisirẹrị aa hẹkẹ. Wẹ yị kụkụ ne tù ọ nịnị ka ọ̀ gụ wụ nịnị ụvọ.

Ijeremaya 4:19

Ijeremaya ka, aa daa zị ọnị, ọnị ẹ yị kụkụ zụ zaa. Ayị anị ọ sị vazi, di ee ji bii-bii nị. Ọnị ẹ yị zụ sị irenu anị ku oku. Ọnị ộ wụ́ ịkakanchị ịrẹkụ; ọnị ộ wụ́ owu ịrẹkụ.

Ijeremaya 4:21

Ọ kà, ịzị ọnị vaa maanị sị eyi re ịrẹkụ ọnọnị nee tu? Ịzị ọnị vaa maanị wụ ịkakanchị ịrẹkụ ịrẹyị naa za?

Ijeremaya 41:17

Ẹnịnị ê zwe aa nọ ẹtẹ Ijipiti. Ẹ́ maa na, dị ẹ́ jẹẹ ẹtẹ Igeruti-Ikimihami ọ sị gụrị Ịbẹtịrẹhẹmị nị.

Ijeremaya 43:7

Ẹnịnị ệ saasa ịrẹyị ọnị Ẹnẹyịmavara kà, dị ẹ nọ Ijipiti nị. Ê tù ịzọọ, dị ẹ na huuu na ngụ ẹkụra ana aā hi Itapanihesi ẹtẹ Ijipiti nị.

Ịrịka 14:3

Sị ẹ ve dị Ẹnẹyịmavara kụ ẹnị vẹ ịzẹnị ka enee ve su eyi ịrẹkụ? Dị ẹnị e wu su, dị ọnịvị ẹnịnị ẹ kụ ese ọnịrị ezi ẹnịnị vị ọrịhị ẹnịnị. Ọ vị ana mẹ ka ẹnị ẹ va na Ijipiti.

Ịrịka 14:4

Dị ẹnịnị gẹ eyi ka ẹnị ẹ nyị ọdọvịdị ọsa, dị ẹnị ẹ varẹma nọ Ijipiti nị.

Ịrịka 16:13

Dị ẹ ka aanịka ịrẹyị oweyi ọ vị ka Imosiisi ộ kụ ẹnị hụrị ẹtẹ ozoza na ngụ ịnị ụnọmị ka ẹnị e su va ha nị. Booro aanị, di ee si ka ọnị ọ mẹ ọga tụra ẹnị ịrẹsụ.

Iwe Ọhụhị Imosiisi ana aa hị́ Ọyịvatụrọda 17:16

Ohinọyị ẹ yị vaa nyị umaata rụrụ yị isoja anị, dị ẹ yị vaa tụ aza nọ Ijipiti na hị́ umaata agụvị ka Ẹnẹyịmavara ộ raà kà a ka asị aza anị varẹma nọ Ijipiti.

Iwe Ọhụhị Imosiisi ana aa hị́ Ọyịvatụrọda 29:19

Re ka, asị a nyị ọza ịzẹnị ana wụ́ ịrẹyị ana za oto ọnọnị ajịnị, ene ro ka ọnị vaa ha ọnị ọ̀ọ sị ayị ọkatẹngụ aa mẹ ịsị ene ze e eyi udivi anị vaa mẹ ka aza ọyịza ọnịrị aza edivi e vu ẹtẹ vabẹ.