Ijeremaya 42:10 - IWE ỌNỊNỊ

¹⁰ wàa dọ di ụ yà ịnị ẹtẹ ọnọnị nịnị nị, ọnị vaa mẹ ka waa yara nịnị, ọnị ẹ́ yị vaa gara wụ nịnị. Ọnị vaa hị́ wụ nịnị, ọnị é yi vee hu wu nịnịị hụrẹ ẹtẹ. Ọ kà ụya ọnị ọnị sị rị wụ nịnị aanị, ô du ọnị ayị.

Ijeremaya 42:10 ပူးပေါင်းရင်းမြစ်များ

2 Ịsamụwẹrị 24:16

Ịjị anggẹẹrị ana aa wụ̀ ọza tù Ijerusarẹmị, dị ọ za ụvọ jẹẹ nị. Dị Ẹnẹyịmavara jesi ayị hụụnị ịrẹyị odivi ọnị ọ kụ́ tù aza ẹnẹẹ nị. Dị Ẹnẹyịmavara kà a yị anggẹẹrị ana aa wụ̀ ọza dị ọ ka ọ̀ za ụvọ jẹẹ asị ọ kụkụ wụ̀ wa nị. Ịjọnọọ anggẹẹrị ọnọọ ọ sị tù aha ọnya aanị ịzị a yàa tụ́ ayị, ọnọrụ ana aā hị́ Arawuna ana vị Anijebusi ọ nyị ịzọọ nị.

Ahẹ Ụgama 102:16

Ẹnẹyịmavara o reè tenyi dà, ọ vaa sị zụ̀ ka ọnị ộ nyị ụbanyị.

Ahẹ Ụgama 106:45

Ohomorihi ộ hụ ụvị ẹnịnị tamayị ịrẹyị ọnị ọ kà tịtẹ, dị ọ nyị isuuru yị wa nị agụvị ka ô sì ịrẹyị ẹnịnị ẹtẹẹtẹrẹ.

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Ahẹ Ụgama 69:35

Ohomorihi vaa dọ Anịzayọnị tụ́, dị o tenyi ọvọ jị kara ẹkụra Ijuda. Ịjọnọọ dị aza na ra hi ịzọọ, dị ẹ rẹ dọ ẹkụra ẹnịnị.

Ọyịkụra 32:14

Ịzẹyịza dị Ẹnẹyịmavara varẹma ro o, dị ọ̀ yị va zẹẹ ka ịrẹyị odivi ò tù aza ẹnẹẹ anka ọ mẹ̀ vịdị yaanị mẹ nị.

Ijeremaya 24:6

Ọ kà ọnị vee sere wa, dị ọnị varẹma kụ wa vavẹ ẹtẹ Ijerusarẹmị. Ọnị vaa hị́ wa hi ịnị ẹkụra, ọnị e yi vee hu wa hụrẹ ẹtẹ. Ọnị vaa mẹ ka ẹẹ hụ, ọnị ẹ yị vaa gụ wa hyẹdụ.

Ijeremaya 26:19

Ihezekaya ohinọyị Ijuda ọnịrị Anịjuda nịnị ẹ́ yị hụvị avọọ wụ ọ. Ama Ihezekaya ô hí angwa Ẹnẹyịmavara dị ọ dá ịpẹ yọ nị. Ịzẹyịza Ẹnẹyịmavara ộ và hụụnị avaba ụya ọnị ọ ka ọnị aa sịị rị wa. Ẹ ka, vị ẹnị aa vaa kụ ẹngụkata odivi tù ẹngụ ẹnịnị aanị nị ọ.

Ijeremaya 27:11

Ẹnẹyịmavara kà ama, anẹkụra anaa dọ ka ẹnị aa dọ ọkẹkẹrẹ ohinọyị Anibabironi, dị ẹnị ẹẹ kụụ hẹkẹ ẹ, ọnị vaa navọ wa ka ẹ̀ ra ịnị ẹtẹ ẹnịnị, dị ẹyaa kụ ịrụkụ ịzọọ.

Ijeremaya 31:28

Ọ kà anka ọnị mẹ mẹ ka è hu wa hụrị ẹtẹ, dị a ma wa nyẹtẹ, dị ọnị mẹ ka à kụ wa hụrị ẹtẹ, è vu wa ẹtẹ dị a gara wa va ha avọọ, avọọ ọnị mẹ rẹ vaa mẹ ka à hị́ wa dị ẹẹ hụ nị.

Ijeremaya 33:7

Ọ kà, ọnị varẹma vaa mẹ ize yị Anijuda ọnịrị Anisirẹrị nịnị dị ọnị kụ wa varẹma kwẹẹtẹ anka ẹ́ mẹ vịdị ya ịpaapa.

Ijeremaya 43:4

Avọọ, ẹ́ yị nyị ọza ịnị ẹngụ ẹnịnị, ọ́ọ vị Ijohananị o, ọ́ọ vị ọdọvịdị isoja nịnị o, ọ́ọ vị aza ana vọ ọ, ana saasa ịrẹyị ọnị Ẹnẹyịmavara kà, ka ẹnịnị ẹ̀ yà ẹtẹ Ijuda.

Ezikẹẹrị 36:36

Ọ kà, aza ana vẹtẹ hi ẹkụra-ẹkụra ana gụrị Isirẹrị vaa yẹ ka ọnị, Ẹnẹyịmavara, oō tenyi ẹkụra ana a jị eburuu dà, dị ọnị rẹẹ̄ varẹma chire ịsaa hi ịnị aarẹ ene e du ha nị. Ọnị, Ẹnẹyịmavara ọ sị ọ ka ka ọnị vaa maanị mẹ, ịzẹyịza ọnị vaa mẹ̀ ẹ.

Ihoseya 11:8

Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ.

Ijowẹrị 2:13

Ẹnịnị ẹ̀ sị ịzẹyịza zị ẹngụ, ọnị ọ mẹ huu ka e na achị ẹnịnị hi ẹngụ ka ẹnị aa ba arụwẹ nị. Ẹnẹyịmavara kà ẹ varẹma vẹ ịda anị ana vị Ohomorihi ẹnịnị. Ọnịị̄ vayị ọza ẹtẹẹtẹrẹ, dị ọnịị̄ ngwayịi ọza nị. Ọnịị̄ sị ẹngụ dọ ịrẹyị, dị ọnịị̄ sị ụvọ za oto anị nị; dị ọnịị̄ vagu ọza ana aa mẹ̀ ebira odivi, dị ọnị ẹ yi sị ụya rị ọ.

Emọsị 7:3

Dị Ẹnẹyịmavara kà ẹ yị vavọọ vaa ya. Dị ọ va ahụ vẹ ịrẹma nị.

Emọsị 7:6

Dị Ẹnẹyịmavara va hụ ịnị ịsa ọnị ọ ka ọnị a mẹ wa nị, dị ọ ka ooho nị.

Ijona 3:10

Ịjị Ohomorihi re ịsị ẹnẹ ẹ mẹ̀, ẹ mẹmẹ ro ịnẹ hụụnị ebira odivi ẹnịnị, dị ọ vaa hụụnị ụya ọnị ọ vịdị ro ka ọnị aa sị rị wa nị. Dị ọ navọ wa nị.

Ijona 3:4

Ijona mẹ ngụ ẹkụra ọnọọ, ộ zị ụsẹ ịzọọ ẹkụhị ọnya, di o ve nyima ee nowuu kà a ka ọ sị vọ ẹkụhị ẹbẹẹva di ee vu ẹkụra ọnọọ ẹtẹ nị.

Ijona 4:2

Dị ọ mẹ̀ aduwa hị́ Ẹnẹyịmavara, dị ọ ka; taarụ Ẹnẹyịmavara! Á vị ịsị ọnị ọnị vịdị kà ka ọ vaa mẹ dị ọnị va hụrị ẹkụra anị yịị? Agụvị avọọ ọnị vịdị zwe nọ Itasisii agụvị ka ọnị ọ yẹ ka ẹwụ Ohomorihi vị ọza anaā vayị ọza. Wẹ yị mā hụra kụ ayị, dị ọọ̄ ngwayị ọza ẹtẹẹtẹrẹ, dị ọọ̄ vaa hụụnị ụya ọnị ọ̀ọ ka ọnị a sịị rị ọza nị.

Odeyi 15:16

‘Ananyị yị ka ịrẹma ọsọnị ọnị vaa vaavẹ, di oni ò ve tenyi irehi Idevidi ene si wú hi ẹtẹ dà, di oni tenyi eburu anị dà;

Iwe Ọhụhị Imosiisi ana aa hị́ Ọyịvatụrọda 32:36

Ẹnẹyịmavara vaa dọ aza anị ha ụmẹ ọnị òo re ka ụkata ẹnịnị ọ̀ọ ta. Ọ vaa vayị aza ana hẹkẹ ẹ, òo re ẹ mẹmẹ tụ̀ ọkụmị. Ẹ yị nyị ọza ana vaa vọ, ọ vị ọrịhị a vị ọza obooro.

Ọdọvịdị 2:18

Ụmẹ tụra ụmẹ ọnị Ẹnẹyịmavara ọ̀ọ nyị ọdọvịdị yị wa ọọ jẹẹ pe wa, dị ọ dọ wa ha hụụnị ụvọ ọnịvị ẹnịnị pooro di e su nị. Ẹnẹyịmavara vị anaā vayị ẹnịnị agụvị aza ana mẹ ẹvaya yị wa, dị a sị ụya rị wa.