Ijeremaya 41:5 - IWE ỌNỊNỊ

⁵ â nyị aza ẹnị ẹbẹẹna ana hụrẹ ẹtẹ Ịsẹkẹmị, Isiro ọnịrị Ịsamarịya vẹ. Ẹnịnị vị ana kụ́ ịrẹwa ẹnịnị, dị ẹ na awuru hi ẹngụ ẹnịnị ẹngụ, dị ẹ́ rẹ tọ̀ ẹngụ ụnava nị. Ệ kụ apaapa ọnịrị eturare aa vaa mẹ̀ ịsọvọ ịnị irehi Ohomorihi.

Ijeremaya 41:5 ပူးပေါင်းရင်းမြစ်များ

Oyinyima 33:18

Ijekọvụ ọ và hụrị akẹbẹẹba Imesopotemiya vẹ, ẹ yị va nyị ịrẹyị. Ọ va ngụ ẹkụra Ịsẹkẹmị ịnị ẹtẹ Ikanaani. Dị ọ na jị ajẹngụ tụ́ ịnị avị ọgụrị ẹkụra nị. Ijekọvụ ọ zị hụrẹ akẹbẹẹba Imesopotamiya vẹ. Ọ mẹ hụrẹ Isukoti na ngụ Ịsẹkẹmị ẹ yị nyị ịrẹyị.

Oyinyima 34:2

 nyị ọza ịnya aanị ana aā hị́ Ihamori. Ọnị ọ vị ohinọyị ẹkụra ọnọọ nị, dị ahịka Anihivi ọ vị nị. Ộ nyị ozi ọnya ana aā hi Ịsẹkẹmị, Ịsẹkẹmị mè re Idina,

Oyinyima 37:12

Ụmẹ ọnya ẹnẹbẹnị Ijosẹẹhụ ẹ raà kụ́ atẹmẹ ọnịrị ẹvụ ada ẹnịnị aa naa rị ọgụrị Ịsẹkẹmị.

2 Ịsamụwẹrị 10:4

Ihanuni mẹ̀ vavọọ wụ́, dị ọ za aza oni Idevidi tụ́ na, dị ọ kụ̀ achẹva ịrẹwa ẹnịnị nị. Dị ẹ rẹ za wa awuru dị ẹ yẹrẹ ẹ hụụnị akakana na ngụ iruvo nị. Ịjị ẹ vavọọ sị wa mẹ, dị ẹ dụ wa varẹma nị.

1 Ohinọyị 12:1

Ẹkụhị ọnya, Irehobowami ộ nọ Ịsẹkẹmị ịzị avaba Anisirẹrị kụ ẹngụ gụ ka ẹnị ẹ̀ na sị ọ rị ohinọyị.

1 Ohinọyị 12:25

Ịnị ụmẹ ọnya di Ijerobowami tenyi ẹkụra Ịsẹkẹmị dà tụ́ ịrẹsụ ataba Ehwireemi nị. Ọ mẹ̀ sị ọ da, dị ọ yà ịzọọ nị. Dị ọ hụrẹ ịzọọ dị ọ na dà ẹkụra Ipanaweri nị.

1 Ohinọyị 16:24

Ọ mẹ̀ vavọọ rị ohinọyị, dị ọ hị́ ataba Isamara hụụnị ụvọ Isimẹrị nị. Ataba ọnọọ vị ọnị ọ hì ẹkẹhị enyusẹ akawụ-akawụ oze ẹẹta. Ọ mẹ sị ọ hị́, dị ọ dà ẹkụra tụ́ ịzọọ nị. Dị ọ ka ịrẹha ẹkụra ọnị ọnị dà tụ́ ịzọọ avọọ ọ rị Ịsamarịya nị. Ịrẹha ọnọọ vị ịrẹha Isimẹrị ana vịdị nyị ẹtẹ Ịsamarịya dị ọ va hị́ ọ hụụnị ụvọ anị.

1 Ohinọyị 16:29

Ịnị ana tụ́ ọ ịrayị ohurẹẹwụ tụra ịhịnta ọnị Asa sị rị ohinọyị Ijuda, ịnị ịrayị ọnọọ Ahabị mẹ̀ vavọọ rị ohinọyị tụ́ Isirẹrị, dị ahịka Ịsamarịya ọ yà nị. Ộ vavọọ yà ịzọọ mẹ ịrayị ohurẹẹva.

2 Ohinọyị 25:9

Dị Inebuzaradani rị irehi Ẹnẹyịmavara ọnịrị irehi ohinọyị ne beri irehi aza ọkọọka ene hi Ijerusarẹmị ịra nị.

1 Ịtọpa 19:4

Ihanuni ộ za aza oni Idevidi tụ ụtụ aanị dị ọ̀ kụ́ wa ịrẹwa, dị ọ dà wa ịta ịpa iruvo ẹnịnị, dị ọ dụ wa nị.

Ahẹ Ụgama 102:14

Ezi ahụ awụ vị ana nyayịnẹ sì ịrẹyị Anịzayọnị. Ọ̀ọ daka zee e eyi ọ sị jị eburu, ẹnịnị vị ana aa vịị vayị Anịzayọnị

Ahẹ Ụgama 78:60

Ohomorihi ọ sị wa hụrẹ ụvọ tụ́ Isiro ịzị ẹnịrị wa vịdị kụ́ udi tụ́, dị ọ ra ịzọọ.

Ayịsaya 15:2

Dị Anidiboni hụ agụvị avọọ nọ ini irehi ori ẹnịnị ịnị ataba di ene ee sụ ùnè nị. Animowabi ê sụ ùnè Inebo ọnịrị Imediba, dị ẹ kụ́ ịrẹsụ ọnịrị ịrẹwa ẹnịnị hwòhwòrò nị.

Ijeremaya 16:6

Ọza ọbanyị ọnịrị onuruwa ene hi ịnị ẹtẹ ọnọnị vene vee súu ha, ama ẹ́ yị nyị ọza ene vee ne wa; ẹ́ yị nyị ọza ana vaa zị ẹngụ ẹnịnị. Ẹ́ yị nyị ọza ana vaa hụvị ẹnịnị tọ ẹngụ anị ụnava avịka ẹ̀ hụvị ẹnịnị kụ ịrẹsụ ẹnịnị ka vị ẹnị ee du ayị nị.

Ijeremaya 41:4

Eyinẹhẹ anị, dị anaa nyị ka à yẹ ka asị Igidarịya wụ,

Ijeremaya 47:5

Ịrẹyị ayodu ana banyị ộ ka Anigaza vẹ. Anẹkụra ana aā hị́ Asikeroni vị ana vaa tịtẹ sisisi. Ịzị Anihwirisitiya ana vọ vaa maanị sụ ùnè nee tu da?

Ijeremaya 48:37

Avaba ẹnịnị ẹ́ sị ịrẹsụ ẹnịnị ọnịrị ịrẹwa ẹnịnị kụ́ hụyẹ-hụyẹ. Avaba ụvọ ẹnịnị vị ẹnẹ tọ̀ ụnava chọ̀vọ-chọ̀vọ, dị ọzọza kụkụ vụ ịta suku-suku nị.

Ijeremaya 7:12

Ọ kà, nọ ẹtẹ Isiiro nịnị booro aanị, ịzị a vịdị yaa hẹkẹ ọnị ịpaapa dị we re nịnị ịsị ọnị sị ọ mẹ agụvị ebira odivi Anisirẹrị nịnị.

Ijeremaya 7:14

Avọọ, ịsị ọnị mẹ Isiiro avọọ, vaa mẹ irehi anị ọnọnị ọnị ụ vavọọ sị ayị tụra nịnị nị. Ọ kà, ọnị ọ vịdị sị ịzọọ yị ẹwụrị ohiku awụ nịnị nị.

Ijowẹrị 2:13

Ẹnịnị ẹ̀ sị ịzẹyịza zị ẹngụ, ọnị ọ mẹ huu ka e na achị ẹnịnị hi ẹngụ ka ẹnị aa ba arụwẹ nị. Ẹnẹyịmavara kà ẹ varẹma vẹ ịda anị ana vị Ohomorihi ẹnịnị. Ọnịị̄ vayị ọza ẹtẹẹtẹrẹ, dị ọnịị̄ ngwayịi ọza nị. Ọnịị̄ sị ẹngụ dọ ịrẹyị, dị ọnịị̄ sị ụvọ za oto anị nị; dị ọnịị̄ vagu ọza ana aa mẹ̀ ebira odivi, dị ọnị ẹ yi sị ụya rị ọ.

Iwe Ọhụhị Imosiisi ana aa hị́ Ọyịvatụrọda 14:1

Ẹwụ nịnị Anisirẹrị vị ezi Ẹnẹyịmavara Ohomorihi awụ nịnị. Agụvị avọọ, ẹnịnị aa zị ẹngụ oku, asị ẹ sị ịsa da ẹngụ ẹnịnị, a vị dị ẹ hara ẹyị ịnị ịrẹsụ ẹnịnị yị oku.

Ijosuwa 18:1

Ịrẹma ọnị Anisirẹrị nịnị raà dọ avaba ẹtẹ ọnọọ ta, dị ẹ avaba ẹnịnị kụ ẹngụ gụ Isiro, dị ẹ jị ajẹngụ ịzị ẹnịrị Ohomorihi aa gẹ nị.

Ijosuwa 24:32

Oku Ijosẹẹhụ ọnị Anisirẹrị nịnị sị hụrẹ, Ijipiti vi ene e ne tụ́ Ịsẹkẹmị ịnị ẹtẹ ọnị Ijekọvụ raà hị́ hụrị ụvọ ezi Ihamọ ana vị ada Ịsẹkẹmị. Ijekọvụ vị ana hị́ ẹtẹ ọnọọ isiriva ẹchẹhị. Ezi Ijosẹẹhụ ộ kụ́ ogu ẹtẹ ọnọọ nị.

Ọdọvịdị 18:31

Ori ọnọọ ọnị Imika bẹ yị ẹngụ anị aza Ịdaanị vana hẹkẹ pooro ịnị ụmẹ ọnị irehi Ohomorihi sị yị ẹkụra Isiro nị.

Ọdọvịdị 9:1

 nyị ụmẹ ọnya aanị ọnị Abimẹrẹkị ozi Ijerubaari ne tu ọmẹnyị anị anọrụ Ịsẹkẹmị, dị ọ kà a yị ẹnịrị avaba anda aza ọmẹnyị ka,

1 Ịsamụwẹrị 1:7

Avọọ oō mee du ọ ayị ịrayị-ịrayị ẹnịnị ẹẹ nọ ịnị irehi Ẹnẹyịmavara nị. Dị ahịka Ịhaana ee sụ ùnè, dị ọ yị rị ịsa nị.