Ijeremaya 40:7 - IWE ỌNỊNỊ

⁷ Â nyị ẹnị ohirẹsụ isoja Anijudiya nịnị beri isoja ẹnịnị ẹnẹ ẹ yị hụrẹ ẹngụ ẹnịnị ụvọ yị Anibabironi. Ẹnịnị ệ wụ́ ka ohinọyị Ịbabịrọnị ọ raà sị Igidarịya mẹ Ịgọvọnọ ẹkụra ẹnịnị. Ệ wụ́ ka ọnị ọ kụkụ sị eyi pe avaba aza ana vọ ọnị ọza ẹ̀ yị kụ nọ Ịbabịrọnị nị. Oniruwa ene hu kere-kere á navọ hi ẹtẹ nị.

Ijeremaya 40:7 ပူးပေါင်းရင်းမြစ်များ

2 Ohinọyị 25:12

Ama dị Inebuzaradani navọ onuruwa ẹnyị ẹnẹ ẹ yị nyị ogu ụvọta ẹnịnị ka ẹẹ mẹ̀ ụkọrọ ịnị ụbazị ịvayịnị ọnịrị ịnị aarẹ.

2 Ohinọyị 25:4

Dị a chaka ọvọ ana kara ẹkụra, dị isoja nịnị tụ́ jịnẹ hụụnị ịnị ẹkụra ịrahụ. Ẹnịnị vị ana zị oze ịnị ụbazị ohinọyị zị oze ọbanyị ana ya ịnị akakana ọvọ ẹẹva, zwe zi oze eyi Ijodani. Ụmẹ ọnọnị isoja Anibabironi nịnị vị ana yịị kara Ijerusarẹmị.

Ijeremaya 39:10

Ộ navọ onosiye nịnị ẹnẹ ẹ̀ yị nyị ịsa vụrụ-vụrụ hi Ijerusarẹmị. Dị ọ sị ụbazị ene e chire ọchị ịvayịnị hi yị wa nị. Ộ rẹ sị ẹtẹ yị wa bẹẹ.

Ijeremaya 39:14

ệ va sị ọnị hụụnị ohweje ịdị ohinọyị. Ẹnịnị ệ sị ọnị chire Igidarịya ụvọ ka ò si eyi pe ọnị. Ẹ ka, Igidarịya ò re ka ọnị ọọ ngụ eehi ịnị ẹngwọọrọ. Ịzẹyịza, dị ọnịrị aza ana vọ yà ịzọọ nị.

Ijeremaya 39:4

Ịjị Ịzẹdẹkaya ọnịrị isoja anị nịnị ré wa, dị e zwe ịrahụ nị. Ẹnịnị ê zwè zị oze ịnị ụbazị ohinọyị, dị ẹ́ na parahu zị oze ọbanyị ana kụ ọvọ ẹẹva gẹ nị. Ẹnịnị ê zwè aa nọ inoze Ijodani (ẹtẹ Araba).

Ijeremaya 39:9

Ọdịrẹma anị, â nyị ọnọrụ ana aā hị́ Inebuzaradani ana vị ohirẹsụ isoja Anibabironi. Ộ kụ aza ana vọ hí Ijerusarẹmị beri aza ene zwe ne tu ọ ne hi Ịbabịrọnị, dị ẹ vị ọrịhị tụ ịzọọ nị.

Ijeremaya 41:1

Ịnị ụhwẹ ọhụhịmba ịrayị ọnọọ gẹdẹ-gẹdẹ, Isimẹrị, ozi Inetaniya ọnịrị anọrụ ẹẹwụ, ê ve tu Igidarịya ozi Ahikami Imizipa. Isimẹrị ọnọnị vị aazị Erisama. Aza ohinọyị ọ vị nị, dị ọ vịdị ọza ịnya ịnị ọdọvịdị ohinọyị nị. Avaba ẹnịnị maa rị ịsa,

Ijeremaya 41:10

Dị ọ zá avaba ezi anẹẹ ohinọyị ọrịhị beri avaba aza ana vọ hi Imizipa nị. Aza ẹnẹẹ vị ọnị Inebuzaradani ka Igidarịya ò si eyi pee. Isimẹrị ộ za wa ọrịhị, dị ọ kụ wa zị oze Amọnị aa na nị.

Ijeremaya 41:11

Ijohananị ọnịrị ẹnị ọdọvịdị isoja ene hi ịzọọ pe e ệ wụ̀ ebira odivi ọnị Isimẹrị mẹ̀.

Ijeremaya 43:6

Ijeremaya ka, ệ kụ́ anọrụ nịnị, anyẹnẹẹ nịnị, ọnịrị ezi anẹẹ ohinọyị. Avaba aza ọnị Inebuzaradani, ọdọvịdị isoja enee sere ohinọyị hụrị ụvọ hi ẹtẹ beri Igidarịya vị ẹnị ẹ́ kụ. Ọ kà, ọnị nyẹmba vị ẹnị ẹ sị beri Ibaruki ozi Ineraya bẹẹ.

Ijeremaya 52:16

Ama, ộ navọ ẹnyị ịnị ẹnị onuruwa ene hu kere-kere hi Ijerusarẹmị ka ee tenyii hi ọchị ịvayịnị ene hi ịzọọ, dị ẹnịnị ẹ̀ rẹẹ dà aarẹ.

Ezikẹẹrị 45:16

Ọ kà avaba anẹkụra ọnọnị ẹ vaa sị ẹyịza ẹnẹnị vaa yị ọdọvịdị Anisirẹrị nịnị nị.