Ijeremaya 4:8 - IWE ỌNỊNỊ

⁸ Avọọ, va ẹngụ hi nịnị, waa jị òrèrè dị waa ka ẹgọ nịnị, agụvị ka Ẹnẹyịmavara maa kụ ayị hi Anijuda, ẹẹ yị vaa va o.

Ijeremaya 4:8 ပူးပေါင်းရင်းမြစ်များ

Ahẹ Ụgama 78:49

Ộ tụ́ anggẹẹrị anị anaā wụ̀ ọza ka ẹ̀ na mẹ ọyịkụ anị tụra aza ẹnẹẹ ịrẹsụ.

Ayịsaya 10:4

Aza ẹnyị awụ nịnị vi ene vee sú ịnị ịrẹkụ à yị vi avọọ dị a za wa ọrịhị nọ ẹkụra ọsa. Wàa daka maanị rị rị ụya nịnị, Ẹnẹyịmavara ọ yị vị vaa vàa hụụnị ọyịkụ anị. Vị aa tịị tana ụvọ za wụ nịnị nị.

Ayịsaya 13:6

Tụ́ ụvọ kú ịrẹsụ wee nowu ka ẹkụhị ẹnẹ Ẹnẹyịmavara Ochẹtẹẹngụ vaa sị wụ̀ azaa ha o si tù.

Ayịsaya 22:12

Ịhị ọnọọ Ẹnẹyịmavara Ananyị yị Ochẹtẹngụ Ộ hị́ wụ. Ọ kà wa jị òrèrè, dị wa kụ́ ịrẹsụ awụ, dị wa rẹ sị ịta arụwẹ kú ẹngụ.

Ayịsaya 32:11

Ẹwụ nịnị anẹẹ ene ro ka ẹ yị nyị ịrẹyị aanị, â nyị ka angwa òo hi wu, dị waa dá ẹgahị nịnị, o! Ngwa ịta ọvị awụ nịnị hị́ ẹtẹ dị wa sị ịta orere vụ́ nịnị.

Ayịsaya 5:25

Avọọ Ẹnẹyịmavara vị ana nyayịnẹ aa kụ́ ayịị hi aza anị. Ọ raà kwẹẹtẹ tù wa ka ọnị ọ̀ sị ụya rị wa. Ataba ee henyi jigi-jigi. Aza ene sú vị ana a maanị vaa navọ oku ẹnịnịị hi ini orere kẹnẹ anka ẹchịchị ini itutu avọọ. Ama ọsọnị ộ yị mẹ ka ọyịkụ Ohomorihi ọ̀ nọ ẹtẹ, vị a tịị tana ụvọọ za wa hu avọọ nị.

Ayịsaya 9:12

Anisiriya ene hi oze ọnị ọyịị̄ zịị vẹ ọnịrị Anihwirisiti ene hi oze ọnị ọyịị̄ zịị naa ngụ ẹtẹ vaa za Anisirẹrị dị ẹ wụ̀ wa va ha. Ẹ maanị sị ụya rị, Ohomorihi ọ yị vị vaa vàa hụụnị ọyịkụ anị. Vị aa tịị tana ụvọọ za wa hu avọọ nị.

Ayịsaya 9:17

Ẹsẹnị Ananyị yị ọ yị vaa zẹẹ ka à nyị ọpa ozweyi ana ha. Ọ yị rẹ vaa vayị ozi oku ọnịrị osoku nịnị. Avaba ẹnịnị vị ana aa mẹ̀ ebira odivi, dị ahịka ịrẹyị odivi ẹ rẹẹ̄ kà nị. Agụvị avọọ Ẹnẹyịmavara ọ yị vaa vàa hụụnị ọyịkụ anị. Vị aa tịị tana ụvọọ za wa nị.

Ayịsaya 9:21

Anịmanasẹ ọnịrị Anehwireemi vaa wụ̀ ẹngụụ rị. Ẹ rẹ vaa vabẹ tù Anijuda. Dị ẹ daka maanị aa rịị rị ụya, Ẹnẹyịmavara ọ yị vaa vàa hụụnị ọyịkụ anị, vị aa tịị tana ụvọọ za wa nị.

Ijeremaya 25:34

Ẹnẹyịmavara kà, ẹwụ nịnị ọdọvịdị enee sere aza anị anka oseratẹmẹ avọọ ọọ jị òrèrè boro-boro. Waa zị ẹngụ nịnị dị wa kụ ẹngụ awụ nịnị muna ezi. Ụmẹ ana a va sii wụ̀ wụ nịnị o si tù. Vị a vaa wụ̀ wụ nịnị anka ịdẹba avọọ nị.

Ijeremaya 30:24

Ẹnẹyịmavara ẹ́ yị vaa vàa hụụnị ọyịkụ anị ẹ̀ yị vị ọ́ raa mẹ avaba ịsị o rò ka ọnị aa mẹẹ ta. Ịhị ẹkụhị oo tu, ịrẹyị ọnọnị vee ye aza anị gedebee.

Ijeremaya 48:20

Ẹnịnị vaa kà a wụ nịnị ka, asị ụhị mẹ nyị Imowabi, asị ọ gara ha. Agụvị avọọ waa jị oreree yị ọ nịnị. Và tụra oze ana a zịị nọ ịnị irehu ana aā hi Arinọnị, dị wa nọ̀ọ nịnị ka, asị ụhị mẹ nyị Imowabi nịnị o.

Ijeremaya 6:26

Ẹnẹyịmavara ọọ kà a yị aza anị ka, ẹ̀ kụ ịta suku-suku hi ẹngụ, di è ku ẹngụ ẹnịnị atịtọ. Ọ kà, ẹnịnị ẹẹ jị òrèrè ọngwọọngụ anka ozi ikonya ọnị ọza ma oo sú avọọ, agụvị ka evu-ẹtẹ vị ana vaa sụ̀ wa avaavo.

Arụwẹ 1:12

Ẹ yaa hị́ avaba aza anaa parahu ẹ maa jị òrèrè. Ẹ ka, “Ọzọza o re ịsị Ẹnẹyịmavara sị ẹnị mẹ̀. Ẹ yị nyị ọza ana maanị rị ẹngụ ụya ọnị ẹnị rị aanị da”. Ẹnẹyịmavara vị ana sị ọyịkụ-ọyịkụ sị sị ụya rị ẹnị.

Ezikẹẹrị 21:12

Ọ kà, ọnị ozi-ọza oo du ayị, dị ọnị aa jị òrèrè agụvị ka aza anị Anisirẹrị nịnị ọnịrị ọdọvịdị ẹnịnị ee ne ụhwọ ọnọnị aanị nị. Va ụvọ ku ịrẹsụ, waa jị òrèrè agụvị ka avaba ẹnịnị a vaa wụ̀ nị.

Ezikẹẹrị 30:2

Ozi-ọza, ọnị ọ̀ kà ịsẹ, dị ọnị ọ̀ kà a, ịsị ọnị Ẹnẹyịmavara Ochẹtẹẹngụ kà, ọ ka ọnị ò nowu boro-boro ka, Ẹkụhị ayịhụrịnẹ aa vẹ o.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Emọsị 8:10

Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ.

Imika 1:16

Ọ kà a kụ́ ịrẹsụ ẹnịnị ana sị zụ̀ ka ẹ yaa zị ẹngụ ezi ẹnịnị ene e sì ịrẹyị anị. Ẹnịnị ẹ kụ́ ịrẹsụ ẹnịnị hwoohworo anka ụba avọọ. Avaba ezi ẹnịnị vị ọnị ịrẹkụ vaa kụ́ụ nọ aha ọsa.

Ịrịka 25:4

Dị ọ kà yị Imosiisi ka, ọ wụ́ avaba ọdọvịdị aza ẹnẹẹ ọvịdị anị ọọdụ, dị ọzọza ee re e agụvị asị ọnị du ayị hi wa.