Ijeremaya 4:7 - IWE ỌNỊNỊ

⁷ Ịsị ee du ẹkụra ha ọ sị jịnẹ tụ ẹhẹ aa vẹ, anka idu ana jịnẹ hụrị aha ọyị tẹ anị avọọ. Ee vee du Ijudaa ha. Avaba ẹkụra ene hi Ijuda vị ọnị vee vú ẹtẹ dị ẹ yi nyị ọza ana kụkụ ra ịnị anị.

Ijeremaya 4:7 ပူးပေါင်းရင်းမြစ်များ

2 Ohinọyị 24:1

Ịnị ụmẹ ọnị Ijehoyakimi vị ohinọyị, Inebukadineza ohinọyị Ịbabịrọnị ộ kụ́ ịrẹkụ na rị ẹtẹ Ijuda, dị Ijehoyakimi ọnịrị aza anị ya ahụ anị ịrayị ẹẹta dị ọ va mẹ akamawụ hi ọ nị.

2 Ohinọyị 25:1

Ịzẹdẹkaya ộ kụ̀ hịrẹ Inebukadineza ohinọyị Ịbabịrọnị. Agụvị avọọ, Inebukadineza kụ́ isoja anị kụ́ ịrẹkụ ne tu Anijerusarẹmị ịnị ẹkụhị ẹẹwụ, ịnị ụhwẹ ẹẹwụ ịnị ịrayị ịhịịna ohinọyị Ịzẹdẹkaya. Ẹnịnị vị ana jị ajẹngụ ẹnịnị tụ́ ịrẹma ẹkụra, dị ẹ̀ kụ́ ezi na hịrẹ ọvọ ẹkụra nị.

Ayịsaya 1:7

A sị ẹkụra awụ nịnị tụ́ osusu, dị a maanị rị ọ ịra saka-saka nị. Ịnị eyi awụ googoro, ọzọga nịnị ệ ngụ ịnị aarẹ awụ di e du avaba anị ha nị.

Ayịsaya 5:9

Mâ wụ́ ịrẹyị ẹnẹ Ẹnẹyịmavara Ochẹtẹẹngụ kà. Ọ kà irehi ẹbanyị-ẹbanyị ana vavọọ zoza avọọ vị ọnị vaa tụ́ osusu saka-saka.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ijeremaya 2:15

Ọnịvị Anisirẹrị nịnị aa hàa hi wa anka idu avọọ, ẹ kụ aza dụ hụrị ẹtẹ Isirẹrị, dị ẹkụra ẹnịnị sị jị eburu nị. Aza ẹ sị hụ́ hụụnị anị bemi-bemi.

Ijeremaya 22:6

Ọ kà, irehi ohinọyị Ijuda oo zoza anka ẹtẹ Anigiriyadi ọnịrị ataba Ịrẹbanọnị avọọ eyi anị; ama ọnị vaa hụ́ azaa hụụ ịzọọ, dị ọza ẹ yị ma vana rá ịnị anị.

Ijeremaya 22:7

Ọnị aa tu azaa vẹ enee vee vu u nịnị ẹtẹ. Aza ẹnẹẹ vaa kụ ịraga dị ẹ sị má o tu awụ nịnị ana a sị ọchị ozoza-ozoza ana aā hị́ isida mẹ, dị ẹ rị wa ịra.

Ijeremaya 25:38

Ẹnẹyịmavara ọ raa para aza anị hu anka idu mẹẹ jịnẹ hụụ ịzị ọ yà avọọ. Ịrẹkụ ọnịrị ọyịkụ Ẹnẹyịmavara ọ sị ẹkụra ẹnịnị tụ osusu.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 26:9

Ẹ ka, sị ẹ vẹ dị ọ ka Ẹnẹyịmavara ọ tụ ọnị ka ọnị ọ̀ kà a ka, irehi Ohomorihi ẹnịị vaa yà anka Isiro? Sị ẹ vẹ dị ọ ka e vee vu Ijerusarẹmị ẹtẹ dị ọza ẹ yị ma vana ra ịnị anị? Ijeremaya ka, dị aza họ̀gụ kara ọnị nị.

Ijeremaya 27:8

Ẹnẹyịmavara kà, ama, àa nyị anẹkụra ọnyọọnyị, àa vị ohinọyị ana ka ẹnị ẹ̀ yị dọ ka ohinọyị Inebukadineza ọ̀ mẹ ohinọyị tụra ẹnị ịrẹsụ, ọnị vaa kụ́ ịrẹkụụ tù wa beri ụngwẹ ọnị ụkụ, dị ọnị sị sị́ ụya rị wa. Avọọ ọnị mẹ vaa mẹ wa pooro nee tu ịjị ọnị ọọ raa mẹ ka Inebukadineza ò vu wa ẹtẹ samị-samị nị.

Ijeremaya 33:10

Ẹnẹyịmavara kà, aza aa kà a ka ịzị ẹnị ọ sị tụ osusu, ẹ́ yị kụkụ nyị aza à vị ịsụpa ịnị anị vụrụ-vụrụ. Ịzẹyịza yọ nị, ẹkụra ene hi Ijuda ẹnịrị oze Ijerusarẹmị kụkụ vị osusu; ẹ́ yị nyị aza, ẹ́ yị nyị ịsụpa ịzọọ. Ama ịzị ẹnị ọnọnị ọnyọọnya ụ vanaa wụ ka,

Ijeremaya 34:22

Ẹnẹyịmavara kà ọnị vaa mẹ ọda, dị ọnị kụ wa vavẹ Ijerusarẹmị. Ẹnịnị vee pee kụ ịrẹkụ, dị ẹkụra ene hi Ijuda ẹtẹ, dị ẹ́ yị ma vana nyị ọza ana ra ịzọọ.

Ijeremaya 4:29

Ịjị ẹ̀ẹ wụ̀ isoja nịnị ịrẹka kẹnẹ, avaba aza ene hi ịnị ẹkụra vaa kụ echi. Aza ẹnyị vee zwe naa tẹ̀ ịnị iruku, dị ẹnyị aa hịrẹ ataba. Avaba ẹkụra vaa tụ osusu, dị ẹ yị kụkụ nyị ọza ịnị anị.

Ijeremaya 44:2

Ẹnẹyịmavara Ochẹtẹẹngụ, Ohomorihi Anisirẹrị ka, ẹwụ nịnị ụvọta ô ré ọnị mẹmẹ vú Ijerusarẹmị ọnịrị ẹkụra ana vọ hi Ijuda ẹtẹ, ọ ka, vá ngụ ọyaanị ẹnịnị vị ana yị jị eburu va hi ẹtẹ, dị ẹ̀ yị nyị ọza ana ra ịzọọ.

Ijeremaya 46:18

Ẹnẹyịmavara Ochẹtẹẹngụ ka, ọnị ọ vị ohinọyị nị. Ọ kà ọza ana kụ ịrẹkụ ee vee tu wu nịnị vị ana vaa nyị ụkataa hu wu nịnị anka ataba Ịtaabọ mẹ nẹba huni ataba ana vọ. É vee huna wụ nịnị anka ataba Ịkamẹrị mẹ dà jịnẹ oku avọọ nị.

Ijeremaya 49:19

Ẹnẹyịmavara kà, ọnị vaa vẹ anka idu ana tụ hụụnị iruku aa vẹ, dị ọ́ và tụra oze Ijodani aa vaa ngụ ịzị avị Anedomi nịnị hụrị ẹkụra ẹnịnị. Ịjọnọọ, dị ọza ọnị ọnị nyị ka ọ̀ vị ọdọvịdị kụkụ aa mẹ ohinọyị tụra ẹkụra ọnọọ. Ọ kà, ẹnẹ vana wụra juwe anị da? Ẹnẹ vana zụ hị́ ọnị ịrẹvụ kẹ? Ye re ohinọyị ana zụ hị́ ọnị ịrẹkụ da?

Ijeremaya 5:6

Ịsị idu nịnị vaa sị hụụnị iruku vaa wụ̀ wa ha ọ vị ọnọọ nị; dị akatapooro nịnị hụụnị ụnọmị va gara wa ha chẹkẹ-chẹkẹ. Dị ẹzụ e be wa ịnị ẹkụra, ọza anaa jịnẹ tụ ẹhẹ dị ọ na a ha agụvị ka ebira odivi ẹnịnị ọ sị dẹngụ baaba. Ụmẹ tụra ụmẹ ẹnịnị sịị ha hụrị oze Ohomorihi nị.

Ijeremaya 50:17

Ẹnẹyịmavara kà Anisirẹrị nịnị vị ana sị mẹẹ anka atẹmẹ ọnị idu nịnị dụ, dị ẹ gara hi ozi avọọ. Ịpaapa, ohinọyị Asiriya ọ vịdị kwẹẹtẹ tu wa nị, dị Inebukadineza, ohinọyị Ịbabịrọnị ọnị kụkụ va sị anyị ngụ wa na za ẹchụkụ nị.

Ijeremaya 50:44

Ẹnẹyịmavara kà ọnị vaa vẹ anka idu ana jịnẹ hụụnị iruku Ijodani aa vẹ ịzị ịsụpa yaa rị avị ohwoohu avọọ, dị ọnị vaa dụ Anibabironi nịnị hụrị ẹkụra ẹnịnị obonobono. Ịjọnọọ, ọza ọnị ọnị ọọ nyị vaa rị ohinọyị tụ ẹkụra ọnọọ. Ọ kà, ene e zụ sị juwe anị da? Ẹnẹ ka ọnị ọ zụ hị́ ọnị ịrẹkụ kẹ? Yere ohinọyị ana zụ gẹ ọnị ịrẹvụ kẹ?

Ijeremaya 8:16

Ẹ ka ọnịvị ẹnịnị ẹ sị ngụ ẹkụra Ịdaanị, Ẹnị aa wụ ẹtẹ ịrẹyị umaata ẹnịnị maa sị tụ ụhwẹ ụkata-ụkata. Avaba ẹtẹ ee zizi ịjị umaata ẹnịnị è na owu, ọnịvị ẹnịnị ẹ zị vẹ ọyị ve vu ẹkụra ẹnịnị ọnịrị aza beri ịsa ene hi ịnị anị ẹtẹ.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Ezikẹẹrị 12:20

Ẹkụra-ẹkụra ana vị ohihi yị aza aanị, vị ene vee vú ẹtẹ, dị aa vara avaba ẹtẹ ẹnịnị ụnọmị. Ịjọnọọ, ẹnịnị vaa yẹ ka ọnị ọ̀ vị Ẹnẹyịmavara nị.

Ezikẹẹrị 21:31

Ọnị vaa sị ọyịkụ anịị zụ̀ wụ nịnị, dị ẹngụ awụ nịnị kà ịra anka èe rere ká ịra ku ọza avọọ. Ọnị vaa hụrẹ ụ nịnị ụvọ yị aza edivi, ana yara sị ụya rị aza obooro-obooro.

Ezikẹẹrị 32:2

Ozi-ọza, nyayịnẹ kà ohinọyị Ijipiti ọ̀nọ̀. Kà ẹ yị ọ ka, ví o re ẹngụ anka idu avọọ ịnị akakana anẹkụra nịnị nị. Ama ọ yà anka agụgụ odivi anaa họ̀ enyi waaa, dị a sị ahụ wụ ụdọ hi enyi ọnọọ, dị ụ mẹ ka ọọ dà agụ.

Ịdanịyẹrị 5:19

Ộ nyị ụbanyị pooro ne tu ka avaba anịrẹsụ ẹtẹ vị enee hí angwa anị. Ọza enee ze e eyi ọ zụ wụ ọ, ọza ọnị ọ̀ọ ka ọ̀ọ mẹ ẹhẹ dị a mẹ ẹhẹ. Ọza enee ze e eyi, dị ọ kà udi anị hịrẹ, ẹ̀ yị vị avọọ dị ọ mẹ̀ ụhị nyị ọ.

Ịdanịyẹrị 7:4

Uye ịpaapa vị ana sị mẹẹ anka idu avọọ. Ama dị ọ nyị avaka ọkasịmẹ nị. Ịdanịyẹrị ka ọnị mẹ vavọọ e re e, dị a vana na avaka anị kwooze nị. Dị a sị uye ọnọnị vọrọ jẹẹ anka ọza avọọ nị. Dị a rẹ mẹ ka ọ̀ nyị ayị ọza nị.

Ireevi 26:31

avọọ, ọnị vaa jị ẹkụra ẹnịnị eburu, dị ọnị gara ịzị ẹyaa mẹ ahẹkẹẹ ha. Ọnị ẹ́ yị kụkụ vaa dọ ịsọvọ ẹnịnị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.