Ijeremaya 4:6 - IWE ỌNỊNỊ

⁶ Tana ụvọ hi oze yị ka, asị a nyị ọza ana jẹẹ, ọzọza oo zwe dị ọ na tẹ̀. Ka Ẹnẹyịmavara ọ raa kụ ẹngụkata hụrị oze eyi ẹbẹẹba aa vẹ, ọnị o ve sii vu ẹkụra ẹtẹ divi-divi.

Ijeremaya 4:6 ပူးပေါင်းရင်းမြစ်များ

Ayịsaya 62:10

Ẹwụnị aza ene hi Ijerusarẹmị, jịnẹ tụ ẹhẹ hụụnị ẹkụra ọbanyị ọnọnị, dị ụ waa tụ́ oze yị aza ana aa vavẹ.

Ijeremaya 10:22

Sị ụtọ pe ẹtẹ nịnị! Enube ộ vẹ. Ẹ naa wụ̀ isoja nịnị ịrẹka ẹtẹ Ịbabịrọnị. Ẹnịnị aa vaa hụ azaa hụrị ẹtẹ Ijuda, dị ọ kụkụ vị aha ọnị irezi ịnị avị nịnị kụkụ ra nị.

Ijeremaya 18:11

Ẹnẹyịmavara kà, agụvị avọọ, booro aanị, Ijeremaya ọ kà a yị Anijuda ọnịrị Anijerusarẹmị nịnị ka, ọnị ọ́ sị nyima aa mẹ eto ịrẹyị ẹnịnị, ọnị vaa sị ụyaa rị wa. Ọ kà, ọ̀ kà a yị wa ka ẹnịnị ẹ̀ hụụnị ebira odivi-odivi ọ̀ yị mẹ. Ẹ̀ vara oze ẹnịnị ọnịrị ịsị ẹnẹ ẹyaa mẹ.

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ijeremaya 22:7

Ọnị aa tu azaa vẹ enee vee vu u nịnị ẹtẹ. Aza ẹnẹẹ vaa kụ ịraga dị ẹ sị má o tu awụ nịnị ana a sị ọchị ozoza-ozoza ana aā hị́ isida mẹ, dị ẹ rị wa ịra.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 4:21

Ọ kà, ịzị ọnị vaa maanị sị eyi re ịrẹkụ ọnọnị nee tu? Ịzị ọnị vaa maanị wụ ịkakanchị ịrẹkụ ịrẹyị naa za?

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ijeremaya 50:22

Ọ kà, ọnị ộ wụ́ owu ịrẹkụ ẹkụra ọnọọ. Ọnị ộ wụ a mee nowu agụvị ka ee du ịsa a ha ẹtẹẹtẹrẹ ịzọọ.

Ijeremaya 51:12

Hú ọpanyị ka à kụ ịrẹkụ jịnẹ ọvọ Ịbabịrọnị. Nyị aza na vaka isoja awụ nịnị, dị wa nyị aza ka ee sere ẹtẹ. Kàa ka aza ẹnyị ẹ̀ tẹ̀ ịnị avị Ẹnẹyịmavara ọ́ raa mẹ ịsị ọ ka ọnị vaa mẹ Anibabironi nịnị.

Ijeremaya 51:27

Mẹ ịsị a vaa sịị yẹ ịrẹkụ o si tu. Hú ọpanyị ịrẹkụ dị ẹkụra-ẹkụra ẹ̀ wụ ọ. Kà a ka ẹkụra-ẹkụra o tenyi ẹngụ ịrẹkụ tu Ịbabịrọnị. Hị́ ohinọyị ẹtẹ Ararati, Imini ọnịrị Asikenazi nịnị ka, ẹnịnị ẹ̀ kwẹẹtẹ tụ ọ. Nyị ọdọvịdị ana vaa kụ wa nọ ịrẹkụ ọnọọ. Ẹnẹyịmavara kà, à kụ vaa kụ wa nọ ịrẹkụ ọnọọ. Ẹnẹyịmavara kà, à kụ umaata gigirigi anka ọkọnị akụvarịvaa avọọ.

Ijeremaya 51:54

Ẹnẹyịmavara kà, wụ́ aza maa jị òrèrè Ịbabịrọnị, Eyee sụ ùnè agụvị ka ee du ẹkụra ẹnịnịị ha ẹtẹẹtẹrẹ.

Ijeremaya 6:1

Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.

Ijeremaya 6:22

Ẹnẹyịmavara kà, re, aza ẹ raa hụrị ẹkụra ọnya eyi ẹbẹẹba aa vẹ; Anẹkụra ana dẹngụ hụrị aha ẹnẹẹnẹ ee tenyi ẹngụ ịrẹkụ.

Ezikẹẹrị 9:1

Ezikẹẹrị ka ọnị ộ wụ́ ka Ohomorihi ô nowu, dị ọ ka, ẹwụ nịnị ana vaa sị ụyaa rị Ijerusarẹmị ẹ̀ vẹ́ ịzẹnị nị. Ọ kà ẹnịnị ẹ kụ́ ẹnya ịrẹkụ ẹnịnị rị ụvọ o.

Ezikẹẹrị 9:2

Ịzịịzọ, dị aza ẹnị ịhịnọnyị vana zị oze ọbanyị ana a zịị̄ ngụ ịnị irehi Ohomorihi vẹ nị. Oze ọbanyị ọnọọ vị ana yà eyi ẹbẹẹba. Ọzọza vị ana sị ẹnya ịrẹkụ anị rị ụvọ. Â nyị ọza ịnyara ana kụ ẹnya ọvwọọvụ hi ẹngụ, ana saasa wa vẹ. Dị ọ sị ịsị a sịị chẹrẹ ịsa rị ụvọ nị. Dị avaba ẹnịnị vaa jẹẹ akaha ụta ịsọvọ ana a sị enyusẹ ọkatarihi mẹ nị.

Ịzẹhwanaya 1:10

Ẹnẹyịmavara kà, ịnị ẹkụhị ọnọọ aza vaa wụ́ owu ùnè hụrẹ oze ọbanyị ọbanyị ana aā zị ngụ Ijerusarẹmị ana aā hị́ Ozovwoovu Ivovo. Avọọ a mẹ rẹ vaa wụ́ owu boro-boro ịzị aza aā hị́ okokooro ọhụva, dị ẹtẹ aa sụ ịrẹyị waaa ịrẹsụ ataba ene hi ịzọọ.

Ịzakaraya 6:6

Ịkẹkẹ ịrẹkụ ọnị umaata anị nịnị vi oji vi ana nọ eyi ẹbẹẹba ẹtẹ Ịbabịrọnị, dị ọnị umaata anị nịnị da achẹrẹ poto-poto vị ana nọ eyi ụvẹtẹ.