Ijeremaya 4:5 - IWE ỌNỊNỊ

⁵ Ẹnẹyịmavara kà, nọ̀ọ ẹtẹ Ijuda ọnịrị Ijerusarẹmị ka, è hú ịkakanchị ngụ avaba ẹkụra zịịzị, è na owu tụ ẹba dị ẹ̀ kà a ka, à kụ ẹngụ gụ dị aa nọ ịnị ẹkụra ana a jị ọvọ kara.

Ijeremaya 4:5 ပူးပေါင်းရင်းမြစ်များ

Ayịsaya 28:19

Avọọ ịrẹyị odivi mè vee tù wu ẹnẹnẹ-ẹnẹnẹ ọnịrị oruva-oruva nị. Ịrẹyị ọnọọ vị ana vaa rị wụ. Wàa yẹ iruvo ụtụ oni Ohomorihi tụ́ hi wu, ẹgahị vị ana vaa ngụ wụ ẹngụ.

Ijeremaya 11:2

Ọ̀ wụ́ ịrẹyị ẹnị ẹnị ka ọnị dọ beri ẹngụ tụ ịnị anị. Ọ kà ọ̀ kà a yị Anijuda ọnịrị Anijerusarẹmị nịnị ka

Ijeremaya 35:11

Ama ịjị Inebukadineza ohinọyị Ịbabịrọnị kụ ịrẹkụ va ngụ Ijuda, dị ẹnị ka, a vẹ dị ẹnị ẹẹ vị Ijerusarẹmị agụvị ka angwa isoja Anibabironi ẹnịrị Isiriya ee hi ẹnị nị. Ịsị ẹ vana sị ẹnị va ra Ijerusarẹmị yị.

Ijeremaya 5:20

Ẹnẹyịmavara kà, na nọ̀ọ yị evere Ijekọvụ avaba ẹtẹ Ijuda ka:

Ijeremaya 6:1

Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.

Ijeremaya 8:14

Dị ẹnị aza Ohomorihi ka, sị ẹnị yaatụ ịzị ẹnaanị ee zi? Ẹ ka, a vẹ ẹnị e dudu zwe ne hi ẹkụra ana a jị ọvọ kara, dị ẹnị è sú hi ịzọọ. Ka, Ẹnẹyịmavara, Ohomorihi ẹnịnị ọ sị ẹnị hụrẹ ụvọ yị isu, ọ raa sị ẹchịpa yị ẹnị ka ẹnị è hú ọ; ka ẹnị ẹ sị ebira odivi mẹ hi ọ.

Ijeremaya 9:12

Ijeremaya ka ọnị ộ họ̀ Ẹnẹyịmavara use ka, sị ẹ vẹ dị ọ maanị vu ẹkụra ọnọnị ẹtẹ dị ọ kụkụ tịtẹ ụnọmị avọọ? Sị ẹ vẹ dị ẹ yị kụkụ nyị ọza anaa zị oze ịnị anịị parahu? Áá nyị ọza ana yẹ ịrẹyị ana yẹ ọsọnị? Áá nyị ọza ọnị Ẹnẹyịmavara kà a zụ ka ọ vaa kà a yị aza ana vọ kẹ?

Ezikẹẹrị 7:14

E ree hú ịkakanchị ka avaba isoja Anisirẹrị è tenyi ẹngụ ịrẹkụ, ama ẹ́ yị nyị ọza ana jịnẹ tụ ẹhẹ ka ọnị aa nọ ịrẹkụ, ka avaba ẹnịnị Ohomorihi aa kụ ayị hi nị.

Ihoseya 8:1

Ẹnẹyịmavara kà Anisirẹrị nịnị e hu ịkakanchị ịrẹkụ ka aza ọnọ, ka ẹnịnị ệ mẹ̀ akamawụ hi ọda anị, dị ẹ sị ahụ jịnẹ oto ọnị ọnịrị wa mẹ̀ tịtẹ, ọnịvị ẹnịnị vee chi hi wa ịrẹsụ anka ọkasịmẹ avọọ.

Ijowẹrị 2:1

Ẹnẹyịmavara kà e hú ọpanyị, di e na owu tụ ẹhẹ ịrẹsụ Ịzayọnị ana vị ataba anị, dị avaba aza ene hi Ijuda e hí angwa! Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ.

Emọsị 3:6

Ọpanyị ịrẹkụ ọ́ọ́ zụ sụ́ ịrẹyị ịnị ẹkụra, di asị ọza hí angwa? Odivi óó zu tu ẹkụra dị asị Ẹnẹyịmavara nyị ụvọ tụ̀ ọ.

Emọsị 3:8

Idu òo na owu, ene éé yi vee hí angwa? Ẹnẹyịmavara Ohomorihi ọ̀ọ kà ịrẹyị, ẹnẹ zụ za ka ọnị ẹ yị ka ụtụ ọnọọ?

Ịrịka 10:2

ọ sị enyusẹ ana a hị́ isiriva tu ịkakanchị ẹẹva, dị aa sị hị́ aza gụ ọnịrị a sị tama aza ayị ka e ne ajẹngụ ẹnịnị dị ẹ kụ̀rà.

Ịrịka 10:3

Ee hu ịkakanchị ẹyịva ẹnẹẹ kẹnẹ, dị aza ẹ wara gụ enoze ajẹngụ Ẹnẹyịmavara.

Ijosuwa 10:20

Ijosuwa ọnịrị aza anị vana nyayịnẹ wụ̀ wa ẹnẹmẹhị, dị ahịka aza che ẹnịnị ẹ javọ ịrẹsụ-ịrẹsụ na ngụ ẹkụra ẹnịnị nị.