Ijeremaya 4:30 - IWE ỌNỊNỊ

³⁰ Sị ụ kụkụ aa mẹ, ẹwụ ana a sị gara ha aanị? Ọvị ịsị ụ kụkụ aa mẹ, dị ụ sị ịta ovivi akàaka ọnịrị igooru kụ hi ẹngụ, dị ụ kụ ịsa sisi eyi bẹẹ? Ọvị ọọhẹ kẹnẹ ụ kụkụ aa mẹ nị. Onyeehi awụ nịnị ẹ sị ụ hụrẹ ụvọ. Ẹnịnị vị ene kuku ee si u usu.

Ijeremaya 4:30 ပူးပေါင်းရင်းမြစ်များ

2 Ohinọyị 9:30

Ijehu ộ va ngụ Ijezirẹẹrị, Ijezebẹrị ộ vịdị raà wụ ịsị ẹ mẹ, dị ọ mẹ ọvị nị. Ộ da ịsa sisi eyi anị, di o tenyi ẹyị anị ẹtẹẹtẹrẹ nị. Ini irehi ohinọyị ọnị ọ yà, dị o zi oze ini ozokete ee re ịsị aa na oze nị.

Ụhịrẹyị 6:25

Asị ụ zẹ ka uzoza anị ọ dọ wụ ayị. Asị ụ zẹ ka eyi ọyịmẹ̀ anị o vene wu ngụ ọ ụvọ.

Ụhịrẹyị 7:10

Dị ọnẹẹ ọnọọ kụ́ ẹnya anka ọsẹrẹka na gẹrị ọ nị. Dị a mẹ̀ ọbọ ọnị aa sị vene ọmụha ọnọọ nị.

Ayịsaya 10:3

sị ụ vaa mẹ nịnị ịhị ọnọọ? Eni u vee zwe nee tù ka ọ̀ gụ wụ nịnị ụvọ? Mị ka ịzị ụ vaa kụ́ ogu awụ nịnị nee hi ịhị ọnọọ?

Ayịsaya 20:6

Ịnị ụmẹ ọnọọ aza ana ra hi ụtọ oku Ihwirisitiya vaa dà ẹngụ igege dị ẹ ka wéē re ịsị e tù aza ẹnị ẹyị rẹ sị ayị tụra. Ẹnị ẹyị vịdị zwe ne tù ka ẹ̀ dọ yị tụ́ hụụnị ụvọ ohinọyị Anasiriya nọ! Ẹyáá kụkụ zụ há aanị?

Ayịsaya 33:14

Aza edivi ana aa mẹ̀ ebira odivi ene hi aa banyị ángwa mèe hi wa. Ẹ ka ẹnị ẹ rị ẹnị ana zụ sị ẹngụ dọ ọkarẹyị Ohomorihi ana aā rị ọza anka ịra pooro aanị.

Ijeremaya 13:21

Sị ụ vaa kà nịnị ịjị aza ẹnị ụ rò ka ẹẹ vị ọta awụ nịnị ẹẹ raa nyị ẹbẹẹba awụ nịnị, dị ẹ yaa mẹ ohinọyịị wụ nịnị nị? Ọ vaa zị ụ nịnị anka ọnẹẹ ọnị ịrẹẹ aa zị avọọ.

Ijeremaya 22:23

Oo zoza ụ mẹ hi ịnị irehi ọyịza-ọyịza ana a sị ọchị isida Ịrẹbanọnị mẹ ọvị nịnị aanị, ama e yi vee kù di waa jị òrèrè, di wee rimanya nịnị anka ọnyẹnẹẹ ana barẹẹ mee rimanya avọọ.

Ijeremaya 30:14

Avaba aza ẹnẹ ẹwụrịị vịdị sì ịrẹyị ẹngụ nịnị e ree hi ayị awụ nịnị, ẹnịnị ẹ́ yị kụkụ tamayị awụ nịnị. Ọ kà, vị ọnị kwẹẹtẹ tu u nịnị anka ọnịvị ọza avọọ, dị ọnị sị ụya rị ụ nịnị ẹtẹẹtẹrẹ nị, agụvị ka ebira odivi awụ nịnị ọ sị rụrụ. Ayịchama awụ nịnị ọ sị dẹngụ.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Arụwẹ 1:19

Ệ hị́ aza ene vịdị sì ịrẹyị ẹnịnị, ama di e vene wa nị. Ohirẹsụ irehi Ohomorihi nịnị ọnịrị azọkụ nịnị e wusu hi ịnị ẹkụra é mee si ịsọyịrị ọyị za ayị zu.

Arụwẹ 1:2

Avaba ịrahụ vị ọnị Anijerusarẹmị aa jị òrèrè dị eyi ẹnịnị vị ẹgọ-ẹgọ. Ịnị avaba aza ẹnị ẹnịrịị vịdị vị ọta ẹ́ yị va nyị ikonya ana va sị wa ayị nẹtẹ. Avaba aza ọnị ọnịrịị vịdị zee vi ene vene e, dị ẹ varẹma kụkụ kwẹẹtẹ tu wa nị.

Arụwẹ 4:17

Eyi ayị ọ sị jị tụ oze i mee sì ọnọgụvọ ọnị ye yi ve re. Ẹnị ee zi ọgụvọ pooro ne tu ka ẹnị ee zi anẹkụra ẹnị ẹ̀ yị nyị ịsị ẹ zụ mẹ ka, ẹ̀ va gụ ẹnị ụvọ.

Ezikẹẹrị 28:13

Ịnị ụbazị Ohomorihi ẹtẹ Edẹnị ụ vịdị ra nị. Dị ụ sị ịrẹta ọkatarihi irenyi-irenyi vị ịta ku ẹngụ nị. Ịrẹta ẹnẹẹ aā hị́ isuu, ọmọ, itopazị, iberiri, ikaneriyanị ọnịrị Ijasipa nị. Ẹnyị ẹ rị ịsahwaya, emeradi, ọnịrị Iganẹtị nị. Avaba ẹnya ọvị awụ vị igooru-igooru. Ịhị ana a tụ wụ gẹdẹ-gẹdẹ, a mẹ ẹnya ẹnẹẹ yị wụ nị.

Ezikẹẹrị 28:9

Wáá kụkụ va zụụ yà ọvịdị aza anaa wụ wụ hị́ ẹngụ awụ ori ịjị ọnọọ? U vee re ka ọza ịrẹyị-ịrẹyị osusu ụ vị nị, wẹ́ yị vị ori.

Ọbadaya 1:7

Avaba anẹkụra ẹnị ẹwịrị wa vịdị ze vee vene wụ nịnị. Ẹnịnị vaa va ụvọ beri ọnịvị awụ nịnị, dị ẹ dụ wụ jịnẹ hụụnị ẹkụra awụ nịnị. Aza ẹnị ụ sị ayị tụra, dị ẹwịrị wa aa rị ịsa vabẹ, ẹ vaa va ịrẹpa zi wụ, di eyi awụ nịnị e yi hweyi tụ́ wa.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Ẹtore 17:13

Ẹnị ẹẹwụ ẹnẹẹ vị ana nyị ariro ọnya, dị ẹ sị ụkata ọnịrị ọda ẹnịnị yị uye ọnọọ nị.

Ẹtore 17:2

Ohinọyị anẹhẹ nịnị e reè pee sẹ̀ ịrẹka; ọ raà mẹ ka anẹhẹ è hú enyi ịrẹkọyịsẹ anị, dị ọ̀ọ mẹrị wa anka eche avọọ.”

Ẹtore 17:4

Dị ọnẹẹ ọnọọ hara ịta ovivi-ovivi hi ẹngụ, dị ọ hara igooru ọnịrị ọmọ beri uweyi hi ẹngụ nị. Ọ́ọ sị ako igooru ọnya rị ụvọ. Ako ọnọọ vị ohihi yị ebira odivi irenyi-renyi, ebira ịdọtị ọnịrị ịrẹkọyịsẹ.