Ijeremaya 4:27 - IWE ỌNỊNỊ

²⁷ Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Ijeremaya 4:27 ပူးပေါင်းရင်းမြစ်များ

2 Ịtọpa 36:21

Aanị ịrẹyị ọnị Ẹnẹyịmavara tụ Ijeremaya ka ọ kà mẹmẹ sẹ nị. Ộ kà a ka ẹtẹ Ijuda vaa tụ́ ụhwọ́, dị ọ vị osusu mẹ ịrayị ẹtarẹwụ anka ọnịsẹ mẹ kà a.

Inehemaya 9:31

Ama agụvị ka ayamva awụ ộ banyị ẹnẹmẹhị, we yi du wa ha saka-saka, wẹ yị rẹ ne wa ta paa. Ohomorihi ẹyịza ọọhẹ ọnịrị ayamva awụ ộ da dẹngụ kẹnẹ!

Ayịsaya 17:6

Aza chee kẹnẹ ẹ vaa ha nị. Anisirẹrị vị ana vaa sị mẹẹ anka ọchị orivi ana a raà tọ̀ ẹtụtụ anị, dị ahịka ẹhụ ẹtụtụ ẹẹva a vị ẹẹta avọọ ọ vọ tụ ịrẹsụ anị nị. Ẹnẹyịmavara Ochẹtẹẹngụ kà, avọọ Anisirẹrị nịnị mẹ̀ vaa yà nị.

Ayịsaya 24:1

Ẹnẹyịmavara aa vaa za ẹhẹ dị ọ jị ọ eburu. Ọ vaa za ẹhẹ dị ọ gara a, dị ọ tụ́ aza ene hi ịnị anị ikiiko zị.

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 25:11

Ẹnẹyịmavara kà, avaba ẹtẹ Ijerusarẹmị vị ana vaa jị eburu. Avaba aza ana ra kara a vanaa kụ hẹkẹ ohinọyị Ịbabịrọnị mẹ ịrayị ẹtarẹwụ.

Ijeremaya 30:11

Ẹnẹyịmavara kà ọnị ọ̀ yà pe wu nịnị, ọnị vaa dọ wụ nịnị ha. Ọ kà ọnị vee vu avaba ẹkụra ọnị ọnị gara wụ nịnị ne hi ẹtẹ, ama ọnị e yi vee vu wu nịnị ẹtẹ. Ọ kà ọnị ẹ yị vaa mẹ ka wẹ́ yị rị ụya nịnị, ama ịjị ọnị aa sị ụya rị ụ nịnị, ẹhwị ụya ọnị vaa sị rị wụ nịnị nị.

Ijeremaya 4:20

Ịrẹyị odivi ẹnyị aa mẹ vaa tụra ọsa. Asị avaba ẹkụra gara ha. Obonobono a va gara avaba ajẹngụ ọnịrị irehi ẹnịị va ha nị.

Ijeremaya 4:7

Ịsị ee du ẹkụra ha ọ sị jịnẹ tụ ẹhẹ aa vẹ, anka idu ana jịnẹ hụrị aha ọyị tẹ anị avọọ. Ee vee du Ijudaa ha. Avaba ẹkụra ene hi Ijuda vị ọnị vee vú ẹtẹ dị ẹ yi nyị ọza ana kụkụ ra ịnị anị.

Ijeremaya 44:6

Ọ kà agụvị avọọ ọnị vavọọ kụ ayị hi ẹkụra ene hi Ijuda ọnịrị avaba oze ene hi Ijerusarẹmị dị ọnị jị ịra da wa nị.

Ijeremaya 46:28

Ọ kà ọnị vaa vẹ dị ọnị vaa dọ wụ nịnị tụ. Avaba ẹkụra ọnị ọnị dụ wụ nịnị ne hi vị ọnị ọnị vee vú ẹtẹ. Ama ọnị é yị vee vu wu nịnị ẹtẹ. Ọ kà ọnị ẹ́ yị vaa navọ ka asị ụ rị ụya nịnị, ama ịhị ọnị aa sị ụyaa rị wụ nịnị, ọnị vaa vayị awụ nịnị.

Ijeremaya 5:10

Ọ kà ọnị vaa tụ́ ọnịvị nịnị ka ẹ̀ na má ọchị ịvayịnị aza anị va ha; ama ẹnịnị ẹ yị vee vu wa ẹtẹ bemi-bemi. Ọ kà ọnị vaa kà a yị wa ka ẹ̀ na avọ́ ọchị ẹnịnị ha, agụvị ka ẹ yị vị ọnị ọ nyị avọ ẹnẹ.

Ijeremaya 5:18

Ẹnẹyịmavara kà, ịjị ụmẹ ọnọọ ọọ vavọọ tu, ọnị ẹ yị vee vu aza anị ẹtẹ saka-saka.

Ijeremaya 7:34

Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Arụwẹ 2:7

Ananyị yị o yí ụta ịsọvọ anị tịtẹ, dị ộ jịnẹ hụụnị irehi ọnịnị Anị nị. Dị ọ navọ ka ọnịvị ẹnịnị è ve wu ọvọ va hi ẹtẹ nị. Dị ẹ jẹẹ ịnị irehi Ohomorihi, dị ẹ̀ nowu hyịwụụ èe rere aa rị eche avọọ. Dị ẹ kà ẹnị ẹ raà nyị ẹbẹẹba ẹnịnị nị.

Ezikẹẹrị 11:13

Ezikẹẹrị ka, ịrẹyị ọnọnị maanị aa yịị ka, dị Iperatiya vị ana sẹ ẹdụ nyẹtẹ, di o sú nị. Kaayii, dị ọnị và eyi ku ẹtẹ, dị ọnị nowu zẹtẹ ka, kaaa! Ohomorihi Ananyị ụkata hu kere-kere, vị́ ụ waa maanị aa vaa wụ̀ avaba aza ana vẹtẹ hi ẹtẹ Isirẹrịị ha nị?

Ezikẹẹrị 20:17

Ama, ọnị ô ré wa, dị ayị ẹnịnị aa va ọnị nị. Ọnị ẹ́ yị va sị ụya rị wa; ọnị é yị vee vu wa ẹtẹ saka-saka ịnị ụnọmị.

Ezikẹẹrị 33:28

Ọ kà ọnị vaa tu Ijerusarẹmị osusu saka-saka, dị ọnị dọ wa ụkata ọnị eyee sii wùu zị avọọ. Ataba ene hi Isirẹrị vee hí avị, ana ahịka ọza ẹ́ yị ma vana nyayịnẹ zị avọọ para hu.

Ezikẹẹrị 6:14

Ọ kà ọnị vaa tana ụvọ za wa, dị ọnị tụ́ avaba ẹkụra ẹnịnị osusu, dị ọ jị eburu. Avọọ ọnị mẹ vaa mẹẹ hụụnị ụnọmị eyi ụvẹtẹ huu naa ngụ ịzị aā hị́ Iribira eyi ẹbẹẹba nị.

Ireevi 26:31

avọọ, ọnị vaa jị ẹkụra ẹnịnị eburu, dị ọnị gara ịzị ẹyaa mẹ ahẹkẹẹ ha. Ọnị ẹ́ yị kụkụ vaa dọ ịsọvọ ẹnịnị.

Ireevi 26:44

Ama ịnị avaba anị, ụmẹ ẹnẹ ẹnịnị ẹ̀ẹ yà ịnị ẹtẹ ọnịvị ẹnịnị ọnị ẹ́ yị vaa hụrẹ wa saka-saka; ọnị ẹ́ yị vee vu wa ẹtẹ bemi-bemi. Ọnị ọ̀ọ vavọọ mẹ, vị ọnị ẹ̀ yị saasa ịrẹyị ọnị ọnịrị wa hị́ eku anị yị ẹngụ avọọ nị: Ọnị ọ vị Ẹnẹyịmavara Ohomorihi ẹnịnị nị.

Ịzẹhwanaya 1:18

Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.