Ijeremaya 4:24 - IWE ỌNỊNỊ

²⁴ Ọnị ô ré ataba nịnị, e yee zizi, dị ẹ yaa wọrọ ọba nị.

Ijeremaya 4:24 ပူးပေါင်းရင်းမြစ်များ

1 Ohinọyị 19:11

Dị Ẹnẹyịmavara kà “Jịnẹ tụ́ ẹhẹ, dị wa na jẹẹ ịrẹsụ ataba zi Ẹnẹyịmavara. Ẹnẹyịmavara vaa para a hu. Opomi vaa tụ́ kukuku, dị aa chaka ataba ọnịrị ịrẹta ha dị Ẹnẹyịmavara ọ yà ịnị opomi ọnọọ. Opomi ọnọọ ọ̀ sị tụ́ kwooze, ẹtẹ rẹ vaa sụ́ ịrẹyị kukuku, ama Ẹnẹyịmavara ọ yà ịnị ẹtẹ ana vavọọ sụ́ avọọ.

Ahẹ Ụgama 18:7

Ịjị Ẹnẹyịmavara nyima aa kụ́ ayị, ẹtẹ vi ene ee henyi jigi-jigi dị ataba nịnị ee zizi di e yee hu iruvo nị.

Ahẹ Ụgama 77:18

Áhị màa tụ́ kukuku, aza vị ana aa yị wụ́ apaana ihinẹba màa há. Ịnyanya aa rị, dị avaba ẹhẹ ee zizi nị.

Ahẹ Ụgama 97:4

Etohweyi anị ọ mẹ ka ẹhẹ ò hweyi nị, anẹhẹ mè re e, angwa ô hi wa, ẹ yaa dá ẹgahị nị.

Ọyịkụra 19:18

Ẹnẹyịmavara vị ana vẹ anka ịra avọọ di o chi hi ịrẹsụ ataba ọnọọ nị. Di areyi ọnọọ aa dà dụụmẹ vaa hịrẹ anka areyi ọrịra ụnọmị avọọ nị. Dị avaba ataba ọnọọ ee henyi jigi-jigi nị.

Ayịsaya 13:13

Ẹnẹyịmavara Ochẹtẹẹngụ vaa kụ́ ayịị hi anẹhẹ ẹnẹmẹhị. Ọyịkụ anị vaa mẹ ka ẹbẹẹba ò henyi, dị ẹhẹ ọnị re henyi di o jesi hụrẹ udi anị.

Ayịsaya 24:20

Dị ọ kụkụ aa mẹrị anka ọ́za ene eche aa mẹrị avọọ. Dị aa ba anka ahị mẹ̀ẹ ba ajẹngụ avọọ. Ịvị akamawụ anẹhẹ vaa rataa tụra wa. Ọ vaa gụ waa hyẹdụ dị ẹ yị mā vana zụ kwẹẹtẹ.

Ayịsaya 5:25

Avọọ Ẹnẹyịmavara vị ana nyayịnẹ aa kụ́ ayịị hi aza anị. Ọ raà kwẹẹtẹ tù wa ka ọnị ọ̀ sị ụya rị wa. Ataba ee henyi jigi-jigi. Aza ene sú vị ana a maanị vaa navọ oku ẹnịnịị hi ini orere kẹnẹ anka ẹchịchị ini itutu avọọ. Ama ọsọnị ộ yị mẹ ka ọyịkụ Ohomorihi ọ̀ nọ ẹtẹ, vị a tịị tana ụvọọ za wa hu avọọ nị.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ijeremaya 8:16

Ẹ ka ọnịvị ẹnịnị ẹ sị ngụ ẹkụra Ịdaanị, Ẹnị aa wụ ẹtẹ ịrẹyị umaata ẹnịnị maa sị tụ ụhwẹ ụkata-ụkata. Avaba ẹtẹ ee zizi ịjị umaata ẹnịnị è na owu, ọnịvị ẹnịnị ẹ zị vẹ ọyị ve vu ẹkụra ẹnịnị ọnịrị aza beri ịsa ene hi ịnị anị ẹtẹ.

Ijeremaya 9:10

Ẹnẹyịmavara kà ọnị vaa hụvị ataba nịnị ọnịrị ịzị ịsụpa nịnị naa rịị jị òrèrè, agụvị ka ẹ sị wụ. Ọza ẹ yị kụkụ zị avọọ para hu. Ọza ẹ yị kụkụ wụ̀ ịsụpa nịnị owu; inomi nịnị ẹnịrị uye ịnị avị ẹ kụ zwe si hu.

Ezikẹẹrị 38:20

Ivovo ene hi ini enyi ẹnịrị inomi ịnị ahị nịnị, uye ịnị avị ẹnịrị avaba ịsaa sị ịrachị tụra ịnị eteesu, beri avaba aza ene hí ẹhẹ vee hí angwa anị, dị ẹyaa dá ẹgahị ịhị ọnọọ. Ataba nịnị vee wúu vaa hi ẹtẹ, ịrẹta ọtụrọsarẹsụ vaa sẹ̀ẹ vaa hi ẹtẹ, dị ugene nịnị wú va hi ẹtẹ ịhị ọnọọ.

Imika 1:4

Ịjọnọọ, dị ataba nā ahẹtẹ anị anka ụsụ ana yà ịnị ịra avọọ; dị ẹ yaa va hi ẹte hi inoze anka enyi ene ee sii chi ataba avọọ nị.

Ihabaku 3:10

Ataba nịnị e re Ẹnẹyịmavara, di ee ziizi, dị eguhi aa zụ́ orihi hị́ ẹtẹ. Dị ẹnyị ịnị oku aa da gụgụrụgụ.

Ihabaku 3:6

Ẹnẹyịmavara ọ̀ọ jẹẹ kẹnẹ dị ẹtẹ e ziizi. Ọ̀ọ kana eyi kẹnẹ, dị ivoovo sị aza za, dị ataba ana jẹẹ hụrẹ ụmọrụmọ aa gara rugurugu va hi ẹtẹ. Ama Ohomorihi ẹ yị maa vara.

Ẹtore 6:14

Dị ẹbẹẹba kara kwooze, anka èe rere kara iwe kwooze avọọ nị. Dị ataba nịnị ẹnịrị ẹtẹ ene enyi kara, hụrẹ aha ẹnịnị nị.