Ijeremaya 4:19 - IWE ỌNỊNỊ

¹⁹ Ijeremaya ka, aa daa zị ọnị, ọnị ẹ yị kụkụ zụ zaa. Ayị anị ọ sị vazi, di ee ji bii-bii nị. Ọnị ẹ yị zụ sị irenu anị ku oku. Ọnị ộ wụ́ ịkakanchị ịrẹkụ; ọnị ộ wụ́ owu ịrẹkụ.

Ijeremaya 4:19 ပူးပေါင်းရင်းမြစ်များ

Oyinyima 49:6

Mẹ yị vaa bẹ tụ́ ini eyọgẹ awụ nịnị, mẹ yị rẹ vaa yaayịtẹ pè wu nịnị, ịzị wàa kụ́ gụ tụ́. Wa kụ́ ayị, wa yà ịnị anị sị ọza wụ̀, wa za ụnọ wa jị wa ọzị ahụ o mè zee wu nịnị eyi.

2 Ohinọyị 4:19

Ụmẹ ọnya kẹnẹ ozi ọnọnị ô vene nowu hị́ ada anị ka ịrẹsụ anị! Ịrẹsụ anị o! Dị ada anị kà a yị ozi ahụ anị ọnya ka, ọ̀ sị ọ na yị ọnya anị nị.

2 Ohinọyị 8:11

Erisa ộ va eyi ka a, di ee re e goro-goro nị. Ô re e pooro, dị ụhị kụkụ aa nyị Ihazayẹrị nị. Ụpẹ ọnya kẹnẹ, dị Erisa nyima aa jị òrèrè nị.

Ahẹ Ụgama 103:1

Vị a vọrọ ka maā sị avaba ayị amịị kụ́ Ẹnẹyịmavara nị, â vọrọ ka maa kụ́ ọ avọ.

Ahẹ Ụgama 116:7

Ma nyẹngụ hi ụhwẹ zẹtẹ booro aanị, agụvị ka Ẹnẹyịmavara ọ raà mẹ̀ ịsa ene zoza mị.

Ahẹ Ụgama 119:136

M mè re ka aza ẹ yị zẹẹ ka ẹnị ẹ̀ẹ saasa ọda awụ, ẹgọ vị anaaa ká mị eyi.

Ahẹ Ụgama 119:53

M mè re ka aza edivi ẹ yị saasa ọda awụ, ayị amị vị ana aa dà ọva.

Ahẹ Ụgama 146:1

Waa kụ́ Ẹnẹyịmavara avọ nịnị. Ẹmị ụvọta ọnị rẹ vaa kụ́ Ẹnẹyịmavara avọ.

Ahẹ Ụgama 16:2

Mị ka Ẹnẹyịmavara, ẹwa nyị mị nị Avaba ịsa ozoza ọnị mị nyị, ẹwa sị mị nị

Ayịsaya 15:5

Ẹmị ịnyẹmba ọnị raa jị òrèrè agụvị ịrẹyị Imowabi. Ẹnịnị vi ene zwe huu na ngụ ẹkụra Izowa ọnịrị Egirati Iserisiya. Ẹnịnị e zi zwe pooro na ngụ Iruhiti ọnịrị Ihoronayimi. Avọọ ẹnịnị màa jịị jị oreree vàa tụra oze na nị, agụvị ka vị a nyayịnẹ wụ̀ wa và ha nị.

Ayịsaya 16:11

Ịrẹyị Imowabi ọnịrị Ikiri-Iheresi ộ mẹ̀ ka ayị amị ò du ẹtẹẹtẹrẹ.

Ayịsaya 21:3

Ịrẹyị ọnị mị wụ́ m mẹ̀ vavọọ re ẹtẹ ọnọọ ộ mẹ̀ ka avaba ẹngụ ọ̀ọ zị mị. Ộ kata mị ẹngụ anka ọnẹẹ ana aa barẹẹ avọọ. Ịsị mị wụ́ ọnịrị ịsị mi re ô chire mi angwa.

Ayịsaya 21:4

Angwahi ọ sị ngụ mị ẹngụ, ẹngụ amị aa dá ẹgahị. Mê ro ka oruva ọ̀ọ vẹ mị daba vaa nyị ẹngwọọrọ, ama ayịhụrịnẹ kẹnẹ ọ kụ́ ve tù mi nị.

Ayịsaya 22:4

Navọ mị maa jị òrèrè aza amị ana a wụ. Asị ụ kà mị ka me kú irenu.

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

Ijeremaya 20:9

Ọnị ọ̀ọ va kà a ka ọnị aa sị ayị hụụnị ịrẹyị Ẹnẹyịmavara dị asị ọnị kụkụ ka a ịrẹyị anị, dị ịrẹyị anị aa rị ọnị ayị anka ịra avọọ. Ọnị ộ sị vụrị ka asị ọnị kà a ama ọnị ẹ yị zụ za a.

Ijeremaya 23:9

Ijeremaya ka, ayị anị ọ sị sị rugurugu. Ẹngụ anị aa dá ẹgahị. Ọnị ragaragaa zị ọza ene eche aa mẹrị avọọ. Ẹnẹyịmavara ọnịrị ịrẹyị ọnị ọ kà, ọnị kụkụ sị mẹ anka ọza ene hú eche ẹnẹmẹhị dị aa mẹrị ọ avọọ nị.

Ijeremaya 4:21

Ọ kà, ịzị ọnị vaa maanị sị eyi re ịrẹkụ ọnọnị nee tu? Ịzị ọnị vaa maanị wụ ịkakanchị ịrẹkụ ịrẹyị naa za?

Ijeremaya 4:5

Ẹnẹyịmavara kà, nọ̀ọ ẹtẹ Ijuda ọnịrị Ijerusarẹmị ka, è hú ịkakanchị ngụ avaba ẹkụra zịịzị, è na owu tụ ẹba dị ẹ̀ kà a ka, à kụ ẹngụ gụ dị aa nọ ịnị ẹkụra ana a jị ọvọ kara.

Ijeremaya 42:14

Wàa ka ụ waa naa ra ẹtẹ Ijipiti nịnị, ka ịzọọ u wè yị vee re ịrẹkụ nịnị nị, à vị ka wa wụ ọpanyị ịrẹyị nịnị nị. Wèe roo ka ịzọọ ụngwẹ ẹ̀ yị vaa kụ̀ wụ nịnị dị ụ ka waa na ra ịzọọ nịnị nị,

Ijeremaya 49:2

Ọ kà ụmẹ aa vẹ, ọnị ọnị vee nowu ịrẹkụ, dị ọnị mẹ ka aza ana ra ẹtẹ Ịraba ẹ̀ wụ ọ. A vaa jị ọ eburu, dị aa rị ẹkụra eweyi-eweyi ana kara a ịra zẹtẹ. Ịjọnọọ, Anisirẹrị nịnị vaa dọ ẹtẹ ẹnịnị varẹma hụụnị ụvọ aza ana dọ wa ẹtẹ.

Ijeremaya 50:22

Ọ kà, ọnị ộ wụ́ owu ịrẹkụ ẹkụra ọnọọ. Ọnị ộ wụ a mee nowu agụvị ka ee du ịsa a ha ẹtẹẹtẹrẹ ịzọọ.

Ijeremaya 6:24

Dị Anijerusarẹmị nịnị ka, ẹnị ệ vavọọ wụ ọ, dị ẹngụ ẹnịnị wusu nị. Ayịhụrịnẹ ọ sị ẹnị za va hi ẹtẹ, dị ẹnị ee rimanya anka ọnẹẹ ọnị ịrẹẹ aa zị avọọ nị.

Ijeremaya 8:18

Ijeremaya ka, tee! ayodu anị ộ dà banyị kẹnẹ ịnẹ aa zị ọnị.

Ijeremaya 8:21

Dị Ijeremaya ka, ayị anị ọ sị sẹ rugurugu agụvị ka aza anị ẹ kụ sẹ rugurugu. Ọnị ộ sụ́ ùnè; ọnị ẹ yị kụkụ yẹ ịsị a vọrọ ka ọnị ọ̀ mẹ vụrụ-vụrụ.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Ijeremaya 9:10

Ẹnẹyịmavara kà ọnị vaa hụvị ataba nịnị ọnịrị ịzị ịsụpa nịnị naa rịị jị òrèrè, agụvị ka ẹ sị wụ. Ọza ẹ yị kụkụ zị avọọ para hu. Ọza ẹ yị kụkụ wụ̀ ịsụpa nịnị owu; inomi nịnị ẹnịrị uye ịnị avị ẹ kụ zwe si hu.

Arụwẹ 1:16

Ịsị ẹ vị iruvo ọnị maa sịị jị òrèrè dị ẹgọ ee si ịnị eyi amị yị. Ẹ yị nyị ọza ana zụ sị ayị amị nẹtẹ vụrụ-vụrụ. Ẹ yị nyị ọza ana zụ hụ́ mị ayọvị. Ụvọ ọnịvị ayị ọ sị kara ayị; ẹ sị yị tụ avosusu.

Arụwẹ 1:20

Tee! Ẹnẹyịmavara navọ we re ẹngụkata ọnịrị ụya ọnị yaa rị aanị. Ayị ayị o si du chuku-chuku ịsị ebira odivi sị yị mẹ̀. Aà wụ̀ aza ha ịnị ubooro, wàa va yà ịnị eehi usu rẹ sị ngụ tu wu.

Arụwẹ 2:11

Ọnị o jị òrèrè pooro eyi aa zị ọnị, ayị anị ộ ta du, ọ ta ngụ ọnị ẹngụ ọnị maa zị ẹngụ aza anị ene vú ẹtẹ. Ewu ọ kụ ezweyi-ezweyi ẹnịrị ezinụvọ zá va hi ẹtẹ ụngwẹ maa kụ wa.

Ịdanịyẹrị 4:19

Ịrẹyị ọnọnị ô hí Ịdanịyẹrị ana aā hị́ Ịbẹtịsaza irenu, dị ee ré ẹtẹ kẹnẹ nị. Dị ohinọyị kà a yọ ka, a sị ọ zẹẹ ka ụra ọnọnị ọnịrị ịsị ẹ vị iruvo anị ò hí ọnị irenu nị. Dị Ịbẹtịsaza tú ohi, dị ọ ka: Taarụ! àa yẹ ụra ọnọnị ọnịrị iruvo anị ẹ sị vị ọọza ana kụ ayị ohinọyị, dị à sị ẹ vị ohinọyị.

Ịdanịyẹrị 7:15

Ịdanịyẹrị ka ẹtẹ ọnị ọnị re aanị ô hí oni irenu, dị ọ vị ẹngụkata yị ọnị ẹtẹẹtẹrẹ nị.

Ịdanịyẹrị 7:28

Ịdanịyẹrị ka, avaba ẹtẹ ọnị ọnị re ịnị ụra anị yị. Ịrẹyị ẹnẹnị ệ vị angwahi yị ọnị, dị ẹngụ anị sị và hí nị. Ama dị ọnị sị avaba anị tụ ịnị ayị anị nị.

Ịdanịyẹrị 8:27

Ịdanịyẹrị ka ịrẹyị ọnọnị ộ za ọnị zizi, dị ọ vara ẹngụ aa zị ọnị nị. Ẹngụ ộ zị ọnị mẹ ẹkụhị chee, ịjị ọnị sị kwẹẹtẹ, dị ọnị naa mẹ̀ ụkọrọ ọnị ohinọyị sị yị ọnị nị. Ama ẹtẹ oni oni re aanị ô hi oni irenu; e yị re ye ọnị bẹẹ.

Emọsị 3:6

Ọpanyị ịrẹkụ ọ́ọ́ zụ sụ́ ịrẹyị ịnị ẹkụra, di asị ọza hí angwa? Odivi óó zu tu ẹkụra dị asị Ẹnẹyịmavara nyị ụvọ tụ̀ ọ.

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.

Ịrịka 10:9

Ẹnẹyịmavara kà ịjị ẹ̀ẹ sị ngụ ịnị ẹtẹ ẹnịnị, dị ẹ ya nọ ịrẹkụ ọnịvị ẹnịnị nị, e hu ọ. Ịkakanchị ọnọọ vaa tama ọnị ayị ka ọnị ọ sị wa nyị ẹbẹẹba ọnịvị ẹnịnị.

Aniroomi 10:1

Ẹwụ nịnị ẹyịnyara amị, maa mẹ̀ aduwa, ayị amị ee sì ọọ ẹtẹẹtẹrẹ ka ọ maa navọ Anisirẹrị nịnị ẹ̀ zụ há.

1 Anịkọrịntị 14:8

Ọpanyị àaa sụ́, dị ọza ẹ̀ yị yẹ ịsa aa kà nị, ene vee tenyi ẹngụ ịrẹkụ?

Anigaratiya 4:19

Ezi emi oni mi sì ịrẹyị anị, mị raa rị ụya agụvị awụ nịnị booro aanị anka ọnẹẹ ana aa ma ozi avọọ. Avọọ m mẹ vaa rị ụya pooro dị aza ẹ̀ zụ yẹ ka wa raa sị ebira Ikirisiti nịnị nị.

Ọdọvịdị 5:21

Ọhaara irehu Ikisoni ộ kụ isoja Isisera ne hu nị. Ikisoni, irehu ịyẹẹyẹ. Mi vaa zị ụsẹ tụ́ ọvịdị ịnị ụkata nị.