Ijeremaya 4:18 - IWE ỌNỊNỊ

¹⁸ Ebira ọnị ẹwụ nịnị Anijuda aa mẹ ọ kụ ọsọnị tu wu nịnị aanị nị. Ebira odivi awụ nịnị ọ kụ ụya ọngwọọngụ ọnọnị tu wu nịnị nị. Ọ sị ụ nịnị ta ụnava na za ayị.

Ijeremaya 4:18 ပူးပေါင်းရင်းမြစ်များ

Ahẹ Ụgama 107:17

Aza ẹnyị màa kụ́ụ hịrẹ Ohomorihi ẹ sị vara ọnụra, ụya ộ rị wa agụvị ebira odivi ẹnị ẹ yaa mẹ.

Ụhịrẹyị 1:31

Ịsa ọnị ụ chire ụ vaa ha nị. Ịrẹyị ẹngụ awụ vee du wụ eyi.

Ụhịrẹyị 5:22

Ebira odivi aza ọhịmị vị anaa va ịrẹpa ee zi wa. Ebira ịvị ọnị ẹ yaa mẹ̀ ọ vị ọha ana za wa nị.

Ayịsaya 50:1

Ẹnẹyịmavara kà, ẹnịnị wéé ro ka a ọnị dụ aza anị jịnẹ anka ọnọrụ ene yi ose anị tịtẹ avọọ nị? Ẹnịnị wéé ro ka ọnị ná wa ọrịhị nọ ẹkụra ọsa anka ọza ana ná ezi ọrịhị avọọ nị? Eyiyee de! Ịvị Ọnị ệ mẹ̀ ọ mẹ ka a za wa ọrịhị nọ ẹkụra ọsa nị. Agụvị ebira odivi ẹnịnị a dụ wa jịnẹ nị.

Ijeremaya 14:16

Oze ọnyọọnya á va zịị wụ̀ aza ẹnẹnị ẹnẹ ẹ maanị kà ịrẹyị ẹnẹnị aanị nị. Oku ẹnịnị vị ana a vaa kụụ vaa hi oze ene hi Ijerusarẹmị, ẹ yị vaa nyị ọza ene vee ne wa. Aanị a mẹ vaa mẹ avaba ẹnịnị beri ose ẹnịnị ọnịrị ezi ẹnịnị nị. Ẹnẹyịmavara kà, ọnị vaa mẹ ka ẹnịnị ẹ̀ rị ụya avaba ebira odivi ẹnịnị.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 26:19

Ihezekaya ohinọyị Ijuda ọnịrị Anịjuda nịnị ẹ́ yị hụvị avọọ wụ ọ. Ama Ihezekaya ô hí angwa Ẹnẹyịmavara dị ọ dá ịpẹ yọ nị. Ịzẹyịza Ẹnẹyịmavara ộ và hụụnị avaba ụya ọnị ọ ka ọnị aa sịị rị wa. Ẹ ka, vị ẹnị aa vaa kụ ẹngụkata odivi tù ẹngụ ẹnịnị aanị nị ọ.

Ijeremaya 5:19

Ijeremaya ka, Ẹnẹyịmavara kà, ịjị ẹnịnị ee họ̀ use ka sị ẹ vẹ dị ọnị Ẹnẹyịmavara maanị mẹ, ọnị ọ̀ ka ẹ yị wa ka, anka ẹnịnị mẹ va ịrẹma anị naa hẹkẹ ori ọzọga-ọzọga ịnị ẹtẹ ẹnịnị avọọ, avọọ gẹdẹ-gẹdẹ ẹnịnị mẹ va naa hẹkẹ azọga ẹkụra ọsa nị.

Ijeremaya 5:25

Ọ kà ebira odivi awụ nịnị ọ raa mẹ ka asị ụ kuku re ịsa ọyịza ẹnẹnị nịnị.

Ijeremaya 6:19

Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Arụwẹ 3:15

Ohomorihi ọ raà dà ụya ana ngụ ajẹ yị ọnị rị, dị ọ sị àyodu mẹ enyi yị ọnị ka ọnị oo hú ọ nị.

Ezikẹẹrị 39:24

Ọnị ộ mẹ̀ wa ịsị e rere wa agụvị ebira ịdọtị ọnị ẹ́ mẹ ọnịrị agụvị ayịchama ẹnịnị. Ọnị ọ raa varẹma ka wa.

Ihoseya 7:2

Ama ẹnịnị ẹ yị ro ka Ẹnẹyịmavara ee re avaba ebira odivi ẹnịnị. Ee re ịvị mẹ jị ọvọ kara wa hi.