Ijeremaya 4:15 - IWE ỌNỊNỊ

¹⁵ Ijeremaya ka, aza ẹẹ ya ẹtẹ Ịdaanị, ịrẹsụ ataba Ehwireemi aa kà a ịrẹyị odivi ene vee tu wu nịnị.

Ijeremaya 4:15 ပူးပေါင်းရင်းမြစ်များ

Ayịsaya 52:7

Ộ da zoza ka è vene re ka ọnụtụ aa vẹ ịrẹsụ ataba, anaa vaa kà enube ẹngwọọrọ dị ọ sị enube ịrajẹ ve. Ọza ana vaa kà a ka, “wa sị ha nịnị”. Ọza ana vaa kà a yị Ịzayọnị ka, “Ohomorihi awụ nịnị ọ vị Ohinọyị nị”.

Ijeremaya 10:22

Sị ụtọ pe ẹtẹ nịnị! Enube ộ vẹ. Ẹ naa wụ̀ isoja nịnị ịrẹka ẹtẹ Ịbabịrọnị. Ẹnịnị aa vaa hụ azaa hụrị ẹtẹ Ijuda, dị ọ kụkụ vị aha ọnị irezi ịnị avị nịnị kụkụ ra nị.

Ijeremaya 6:1

Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.

Ijeremaya 8:16

Ẹ ka ọnịvị ẹnịnị ẹ sị ngụ ẹkụra Ịdaanị, Ẹnị aa wụ ẹtẹ ịrẹyị umaata ẹnịnị maa sị tụ ụhwẹ ụkata-ụkata. Avaba ẹtẹ ee zizi ịjị umaata ẹnịnị è na owu, ọnịvị ẹnịnị ẹ zị vẹ ọyị ve vu ẹkụra ẹnịnị ọnịrị aza beri ịsa ene hi ịnị anị ẹtẹ.

Ijosuwa 17:15

Ijosuwa ô tu wa ohi ka, ẹnịnị ẹ̀ẹ vavọọ sị rụrụ, dị ẹkụra ana yà ịrẹsụ ataba Ehwireemi si weyi yị wa nị, ẹnịnị ẹ̀ nọ ini iruku, dị ẹ̀ na dà ẹtẹ yị ẹngụ ẹnịnị ịnị ẹtẹ Aniperizi ọnịrị Anirehwayimi nịnị

Ijosuwa 20:7

Dị Anisirẹrị nịnị nyị ẹkụra ẹẹta ene hi akẹnẹ irehu Ijodani eyi ịzị ọyị zị ngụ ẹtẹ ka ẹ vị aha ọyịtẹ̀ nị. Ẹkụra ẹnẹẹ ẹ vị Ịkẹdẹsị ịnị ẹtẹ Igariri ịrẹsụ ataba Inahwitari, ọnịrị Ịsẹkẹmị ataba Ehwireemi, ne beri Ikirati-Ariba ịnị ịrẹsụ ataba Ijuda, Ikirati-Arịba aa hị́ Ihebirọnị booro aanị nị.

Ọdọvịdị 18:29

Ẹnịnị ẹẹ vara ịrẹha ẹkụra ọnọọ tụ ịnị Ịdaanị. Ịdaanị vị ịrẹha ohiku ẹnịnị ọnị a ma yị Isirẹrị ama Irayisi ẹkụra ọnọọ vịdị rị nị.

Ọdọvịdị 20:1

Anisirẹrị nịnị hụrị ẹtẹ Ịdaanị na ngụ Ịbẹẹsẹba huu na ngụ Igiriyadi, dị ệ wárá ẹngụ gụ vabẹ ọvịdị Ẹnẹyịmavara ịzị aā hị́ Imizipa.