Ijeremaya 4:14 - IWE ỌNỊNỊ

¹⁴ Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ijeremaya 4:14 ပူးပေါင်းရင်းမြစ်များ

Ahẹ Ụgama 119:113

Onogevegeve vị ana ayị anịị kụ mị, ama mê sì ịrẹyị ọda ọnị ụ mẹ.

Ahẹ Ụgama 51:2

Navọ wa sị ayị hụụnị avaba ebira odivi ọnị mị mẹ dị wa sị ebira odivi ọnị maa mẹ̀ hụrẹ mị ẹngụ.

Ahẹ Ụgama 66:18

Màa zẹẹ ka ma sị ebira odivi tụ́ ịnị ayị amị, Ẹnẹyịmavara ọ yị yaanị wụ́ aduwa amị.

Ụhịrẹyị 1:22

Ẹwụ nịnị ọnụra tee! ịzị ụ vaa mẹ ụra nee tu nịnị? Ịhị eyi awụ nịnị vee hweyi? Ịzị ụ vaa ka ọsọọsa nee tụ nịnị?

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ijeremaya 13:27

Ó ree re wụ ụ maa mẹ̀ ịsa anaā nyị ọ ịhyẹrẹ nịnị. Oo re wụ ụ maa hẹkẹ ori nịnị ngụ ịnị ataba ọnịrị ịnị aarẹ zịịzị. Ụ sị mẹ nịnị anka ọnọrụ enee sì ose ọnọhụva anị avọọ nị, avị umaata araka anaa dụ ọnẹẹ zị. Ẹwụ nịnị Anijerusarẹmị, wa sị da nịnị. Ịhị ụ vaa hụụnị ẹvahụra ọ yị mẹ nịnị da?

Ijeremaya 17:1

Ẹnẹyịmavara kà, ẹwụ nịnị Anijuda, enyusẹ asị mẹ̀ ịsa asị chẹrẹ ebira odivi awụ nịnị nị, enyusẹ ọkatẹngụ asị chẹrẹ ẹ tụ́ ịnị ayị awụ nịnị ọnịrị ịnị ọgọgọ ụta ịsọvọ awụ nịnị nị.

Ijeremaya 18:11

Ẹnẹyịmavara kà, agụvị avọọ, booro aanị, Ijeremaya ọ kà a yị Anijuda ọnịrị Anijerusarẹmị nịnị ka, ọnị ọ́ sị nyima aa mẹ eto ịrẹyị ẹnịnị, ọnị vaa sị ụyaa rị wa. Ọ kà, ọ̀ kà a yị wa ka ẹnịnị ẹ̀ hụụnị ebira odivi-odivi ọ̀ yị mẹ. Ẹ̀ vara oze ẹnịnị ọnịrị ịsị ẹnẹ ẹyaa mẹ.

Ijeremaya 2:22

Ẹnẹyịmavara Ohomorihi ka ẹnịnị ẹ̀ẹ daka sị ụkwọ ene zoza hu kere-kere dị ẹ sị hụ enyi nị, vị ọnị ọnị ee yii re ịdọtị ebira odivi ẹnịnị.

Ijeremaya 6:19

Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ịzakaraya 8:17

Asị e ro ịrẹyị odivi tụra ẹngụ, dị asị e hị́ eku dọ ivenu ireche. Ẹnẹyịmavara kà a ọnị ọ yị sì ịrẹyị ireche, amẹrị ọnịrị ịraazị.

Imatiwu 12:33

“Wàa ka wa nyị ẹtụtụ ozoza, ụ hị́ ọchị ozoza! Ama wàa hị́ ọchị ọnị ụkụ za, ẹtụtụ odivi ụ waa há nị. Ẹtụtụ ọchị a sịị yẹ ẹ nị.

Iruuku 11:39

Dị Ananyị yị kà a yọ ka, “Ẹwụ nịnị Anihwarisi vị anaā nyịna ịrẹma ako ọnịrị ịchacha, ama ayị awụ nịnị vị ohihi yị ọhọha ọnịrị ayịchama.

Ịjọọnụ 13:9

Dị Ịsayịmọnị Ipita ka, “Ananyị yị, ẹ yị vị ahụ amị kẹnẹ ụ waa nyịna, nyịna ụvọ amị beri ịrẹsụ amị bẹẹ!”

Odeyi 8:22

Ro ịnẹ varẹma hụụnị ariro odivi awụ ọnọnị, dụ wa mẹ̀ aduwa hi Ohomorihi ka ọ̀ọ zụ vagu wu ịnị ịrẹyị oni u ro aanị!

Aniroomi 1:21

Aza ệ yẹ Ohomorihi, ama ẹ mā sị ụbanyị ana a vọrọ ka à sị yọ; ẹnịnị ẹ mā hyakụ kụ́ ọ avọ. Agụvị avọọ, ịrẹyị kẹnẹ-kẹnẹ ẹnịnị kuku ee ro nị. Ayị ẹnịnị e si hozi, ẹnịnị e mē ro ịrẹyị ana vọrọ.

1 Anịkọrịntị 3:20

A rẹ chẹrẹẹ tịtẹ ka, “Ohomorihi ọ́ọ yẹ ka ariro ọyẹrẹyị nịnị vị osusu kẹnẹ-kẹnẹ.”

Ijemiisi 4:8

Kà pe Ohomorihi nịnị, ka ọnị rẹ vaa kà a pe wu nịnị! Ẹwụ nịnị ọnịvị, sị ụvọ hụụnị ịsa odivi nịnị! Tenyi ayị awụ nịnị, ẹwụ nịnị ana aa mẹ ayị ẹẹva!