Ijeremaya 39:9 - IWE ỌNỊNỊ

⁹ Ọdịrẹma anị, â nyị ọnọrụ ana aā hị́ Inebuzaradani ana vị ohirẹsụ isoja Anibabironi. Ộ kụ aza ana vọ hí Ijerusarẹmị beri aza ene zwe ne tu ọ ne hi Ịbabịrọnị, dị ẹ vị ọrịhị tụ ịzọọ nị.

Ijeremaya 39:9 ပူးပေါင်းရင်းမြစ်များ

Oyinyima 37:36

Ụmẹ oni maanị ee sụ ùnè aanị, Animidiya ẹ sị Ijosẹẹhụ na yị Ipotihwa ịnị ẹtẹ Ijipiti. Ipotihwa vị ọnya ini ohi ọnị ohinọyị ka oo pe ọnịị mẹ̀ ụkọrọ. Ọnị ọ vị ọga isoja ene ee sere irehi ohinọyị nị. Animidiya ẹ rẹ vị Anisimẹrị nị (re Ọdọvịdị nịnị 8.22, 24).

2 Ohinọyị 20:18

Ezi ẹnịnị ẹnyị ana a vaa mà vị ana vaa za ọrịhị nọ ẹkụra ọsa, dị a mẹ̀ wa osuretu tu ịnị eehi ohinọyị Ịbabịrọnị.

2 Ohinọyị 25:11

Di Inebuzaradani ana vi ọdovịdị isoja kụ́ aza ana vọ tụ́ ịnị ẹkụra ne tụ ohinọyị Ịbabịrọnị. Ịnị ẹngụ aza ẹnịnị â nyị anụkọrọ ọnịrị aza ene zwe hụrẹ ẹkụra aa nọ Ịbabịrọnị.

2 Ohinọyị 25:20

Inebuzaradani kụ́ wa ne tu ohinọyị Ịbabịrọnị ana ya ohi-ẹtẹ ẹkụra ana a hị́ Iribira.

Ayịsaya 5:13

A vaa kụ́ wụ nịnị ọrịhị nọ aha ọsa agụvị ka ọnụra ụ vị nịnị nị. Aza ọ̀kà-ọ̀kà awụ nịnị vị ọnị ụngwẹ vaa wụụ ha. Di enyi kụ̀ aza ana vọ pooro, di e sú va ha.

Ijeremaya 10:18

Ka, Ẹnẹyịmavara kà: Re, ọyaanị, avaba ẹwụ nịnị ana ra ịnị ẹtẹ ọnọnị vị ọnị vaa tụ̀ okoko. Ọnị vaa kụ ẹngụkata odivi tù wụ nịnị dị wa yẹ ọyịkụ anị nịnị.

Ijeremaya 16:13

Agụvị avọọ ọnị vaa dụ wa hụrị ẹkụra ẹnịnị nee hi ẹkụra ọsa ọnị ẹnịrị ohiku ẹnịnị ẹ̀ yị vịdị yẹ da. Ẹnịnị ẹ zụ kụkụ na hẹkẹ ori nịnị òo mee ze wa eyi. Ọnị ẹ́ yị vaa vayị ẹnịnị.

Ijeremaya 24:8

Ẹnẹyịmavara kà, Ịzẹdẹkaya ohinọyị Ijuda, ẹnị ọdọvịdị ana kara a ọnịrị avaba Anijerusarẹmị ana vọ ẹtẹ, ẹ̀ẹ ya Ijerusarẹmị, èe zwe na ra Ijipiti, vị ọnị ọnị vaa mẹ anka ihwigi ọyịvụ-ọyịvụ ẹnẹ ẹ̀ yị wụra rị aanị.

Ijeremaya 38:19

Dị ohinọyị tụ́ ohi ka, angwa anẹkụra ẹnịnị ene zwe na vaka Anibabironi nịnị ee hí ọnị, agụvị ka á zụ hụrẹ ọnị ụvọ yị wa, dị ẹẹ sị ụya rị ọnị.

Ijeremaya 40:1

Ijeremaya ka, Ẹnẹyịmavara ộ kà ịrẹyị yị ọnị Inebuzaradani mẹ raa hụrẹ ọnị ụvọ ẹtẹ Ịraama. Ọ kà vị́ a vịdị tụ ọnị ẹba na ngụ ịzọọ beri aza ana vọ ana kụ hụrị Ijerusarẹmị ọnịrị Ijuda nị. Dị a kụ ẹnị ne hi Ịbabịrọnị anka ọrịhị avọọ nị.

Ijeremaya 40:7

 nyị ẹnị ohirẹsụ isoja Anijudiya nịnị beri isoja ẹnịnị ẹnẹ ẹ yị hụrẹ ẹngụ ẹnịnị ụvọ yị Anibabironi. Ẹnịnị ệ wụ́ ka ohinọyị Ịbabịrọnị ọ raà sị Igidarịya mẹ Ịgọvọnọ ẹkụra ẹnịnị. Ệ wụ́ ka ọnị ọ kụkụ sị eyi pe avaba aza ana vọ ọnị ọza ẹ̀ yị kụ nọ Ịbabịrọnị nị. Oniruwa ene hu kere-kere á navọ hi ẹtẹ nị.

Ijeremaya 52:26

Dị Inebuzaradani kụ wa ne tu ohinọyị Ịbabịrọnị ịzị ọ yà Iribira ịnị ẹtẹ Ihamati nị.

Ijeremaya 52:27

Dị ohinọyị Ịbabịrọnị ka è tụ́ wa, dị à wụ̀ wa ịzọọ nị. Avọọ a mẹ za Anijuda nịnị ọrịhị hụrị ẹkụra ẹnịnị ne hi aha ọsa nị.

Ịdanịyẹrị 2:14

 nyị ọnọrụ ọnya aanị ana aā hị́ Ariyoki, ọnị ọ vị ọdọvịdị isoja ohinọyị nịnị nị. Ịjị ọ raà kụ aza ka à na wụ ẹnị ọyẹrẹyị Anibabironi, dị Ịdanịyẹrị tangwa sị ịrẹyọyẹ pe e kà ịrẹyị nị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Iwe Ọhụhị Imosiisi ana aa hị́ Ọyịvatụrọda 4:27

Ẹnẹyịmavara vị ana vaa gara wa hi ịrẹsụ ẹhẹ, dị ahịka aza chee ẹnịnị kẹnẹ ọ ha nị.